ankawa
منتدى الهجرة واللجوء => الهجرة و واللاجئين => الموضوع حرر بواسطة: Ross son of iraq في 19:09 14/08/2009
-
مرحبا احبائي الاعضاء في المنتدى الرائع:
اخواني الرحلة تقارب على الانتهاء واقصد رحلة التعب والترقب وعدم معرفة القادم طبعا دا احجي هيج لان اليوم خلصت الفحص الطبي وباقيلي بس المقابلة بالسفارة والله اليستر, خلي اختصرلكم اشوية الفحص الي صار لان اني وعدتكم ان اتكلم عن تجربة الفحص والاسئلة حول اللقاحات الواجب اخذها والي السفارة تطلبها في مرحلة الفحص, اليوم الصبح بالتسعة اني رحت للبوابة الثانية بالمنطقة الخضراء وطلعلي واحد شريف اسمه علي, اخذني علي اني وزوجتي وويانة عائلة جايين من اربيل ودخلنة للعيادة ومتحتاج للدخول بس الجنسية, اول موصلنة للعيادة الدولية ARKEL اسمهة او اعتقد اسم الشركة المشرفة على العيادة, دخلونة الى غرفة الاشعة اخذنة اشعة للصدر فقط وورة دقيقتين انطونة النتيجة مال الاشعة, وراهة انطونة فد فورم مليناه بيه معلومات وهي الاسم ورقم الجواز ورقم القضية Case Number .
ملينة الفورم واخذوه واخذو من عدنة صورة ملونة وحدة ولزكوهة عل الفورم, وراهة سحبوا دم من عدنة وواخذوا الوزن والطول مالتنة واخذوا نسخة ملونة من الجواز والجنسية, ودخلونة يم الطبيب الشريف وهنا انتبهوا راح يبدي التقفيص, الطبيب يسأل اذا عندك مرض مزمن او تاخذ اي ادوية يعني اسئلة عادية مابيهة شي غريب, الدكتور خلص وخلة المعلومات الي اخذهة من عدنة ونتيجة فحص الدم والاشعة مال الصدر وخلاهن بضرف كبير وختمة ولزكة وكال اكتب عليه اسمائكم ورقم القضية,
عاد كال يلة عيني كل واحد ايورق 175 دولار يعني اني وزوجتي 350 دولار وكال هذا الظرف تنطوه بالمقابلة ولتفتحوه ابد, كتلة دكتور اكو طالبين من عدنة فد مجموعة لقاحات بالايميل مال السفارة الي دزولنياه وكايلين لازم ناخذهة, كال اي صحيح بس هي اختيارية يعني ممكن ننطيكياهة او ممكن من توصل هناك اذا مماخذهة راح ايلقحوك همة, كلتلة ماكو مشكلة,
وكال يلة اطلعوا ورة ما قبض الـــ 350 دولار طلعنة ووصلونة للباب بسيارتهم واخذوا انوب عشرة الاف دينار عن النفر الواحد مال الاسكورت, هية اني كلت اني بعد اتقفص علية بقت عل عشرتالاف , انطيتهم واخذت نتيجة الفحص ورحنة اتغدينة برة تشريب لحم وقوزي.
ويارب التسهيل على كل الاخوان والاخوات الاعزاء المقدمين واذا اكو واحد حاب يسأل سؤال اني بالخدمة.
اخوكم روس ابن العراق
-
حبي Ross son of iraq على الخير والبركة الفحص
كلي بالنسبة للعيادة ARKEL السفارة تحدده الك يعني لازم تفحص يمهم لو بكيفك زين اني عندي طفله 8 سنوات هم تحتاج فحص لو لا زين النتيجة انطوكياهة بنفس اليوم مال كل الفحوصات الي طالبته السفارة منك
ارجوا التوضيح اخي العزيز لانني عن قريب راح افحص انشاء الله وعلى برنامج SIV
-
حبيبي هيثم الورد اشكرك على الرد والاهتمام
اخي العزيز السفارة ايدزولك ايميل ايكولولك بيه لو تفحص بعيادة الشفاء الدولية والي هية ARKEL او ايكولولك اتسويه بالمنظمة الدولية للهجرة IOM والي هية بأبن البيطار وطبعا حسب مسمعت من البعض ان ابن البيطار مينطوك النتيجة بنفس اليوم والفحص ايطول يومين, اني اختاريت ARKEL لان ارخص ابين البيطار 210 دورلا للنفر هذي بــ 175 للنفر والجوة 15 سنة 95 دولار والنتيجة ابنفس اليوم يعني اني هسة النتيجة عندي بالبيت وبظرف مغلق ومختوم من الدكتور. واني حاضر لاي سؤال وبالخدمة, ها بالمناسبة نعم حتة الطفل لازم تجيبة للفحص بس همة لا ياخذولة اشعة ولا ايسحبون من عندة دم ولكن ايسجلون معلومات عامة على الصحة اذا امسوي عملية لولا فقط. وادلل.
-
حبي اني اشكرك على ردك السريع
وشكرا على المعلومات الوافية الان وصلت الفكره عندي
اسال الله العلي القدير ان ييسر ويسهل امرك وتسافر بالف سلامة
-
عالخير صديقي
بس والله يمكن اني اذا وصلت لهالمرحله اوصلهه للعشاير ولا ادفع هالكد
ويمكن حتى ابطل ما اروح لامريكا
عليمن هالاستعجال
شنو امريكا راح تطير
-
فينسينزو اخوية الوضعية صايرة كضة لا ايطيح ونفسنة لعبانة ولو اليوم شايف اشكد اكو ناس وعوائل جايين للفحص مع العلم اليوم جمعة يعني العيادة مو بكل كادرهة جان كلت العراق راح يفرغ وكلهم SIV وعوائل وناس, احنة انريد اي طريق حتة نفلت من الوضع , حتة مدنكدر انعيش حياة عائلة طبيعية هنا فلهذا كلت خلي يتقفص علية بأرادتي وبلكي الله ايسهلنة ويسهللكم اجمعين وان شاء الله من توصل انتة لهيج مرحلة اذا سويتهة كعدة عشاير اني اول واحد اجي وياك, بالموفقية اخي واشكرك عل مشاعر.
-
يمي التفاصيل
ابن البيطار اضبط اغلى وتعب اكثر
اول شي تروح تتصل بيهم
ووراها تروح تسوي صك باسم م.ابن البيطار بمصرف بساحة الفردوس
وراها رتوح لابن البيطار يدزوك على طبيب اشعة بالحارثية
ووراها مرة لخ لابن البيطار
ونتائج الفحص بعد اسبوع يلة تبين
الشفاء اسهل واسرع وشغل مخربط
النتيجة بنفس اليوم طبعا الاسكورت يقفص بس الاطباء هناك لا هوة مبلغ رسمي حتر ردنا ننطي لماسعد الطبيب فلوس ورة مكملنا مقبل
بس فحص سريع واشعة بنفس اليوم وتحليل ايدز وسفلس وتطلع النتيجة بين ما انت تنتظر سراك على الطبيب
تخلص ينطوك ظرف وتطلع
والنتيجة نفس الشي بالمقابلة سألونا وين فحصتوا كلنالهم بالشفاء سألوا اشلونه طبعا اشلون ننطي بجماعتنا لو نكول مو زين يكولوللنا لعد عيدوا الفحص! كلنالهم وردة وممتاز كالوا اوكي ومفرق اي شي
ابن البيطار الواحد يستسهلها لانه متحتاج اسكورت ومشي للبوابة وتفتيش
مستشفى حكومي
بس الشفاء اسهل وارخص
وكلمن على الي يناسبة
-
شكرا ورقاء خوش علاكة متروسة معلومات اتمنة الاعضاء يستفادون من معلوماتج!!!
-
اولا ً حمد لله على السلامة ويا رب نسمع منك محددين لك موعد السفر وتخلص من كلشي
ثانيا ً : ردت اسألك يعني شنو شريف؟ هل هي رتبة عسكرية لو شنو بالضبط؟ لأن ما فهمت
ثالثاً : التقفيص اللي حكيت عنه شنو تقصد بيه؟ تدفع مبلغ وينطوك وصل استلام المبلغ؟. لو هذا هيجي بلا توثيق يعني تحطه بيد الدكتور؟
ولو كان هيجي للدكتور ليش تدفع مو حرام تنزل فلوس انت تعبان عليها بيد الدكتور؟
اذا فعلا ً غير دكتور هذا مسوي قسم يمين انه ما يسئ بشهادته للإنسانية ولا يستغل وظيفته!!
وهل كل لاجئ يدفع نفس المبلغ اللي انت دفعته؟
وهل الحكومة القانون الرشيدة تدري بيه؟
لو ترفع كتاب أو مقالة بعد أن توصل لأمريكا وتكتب كافة التفاصيل عن هذا الطبيب في موقع كتابات وتفضحه لأن والله قهرتني قهرة كبيرة بسبب المبلغ اللي دفعته له..
اختي ورقاء الله يساعدكم
هي تحطيها يمنة توديها يسرة تطلع البطانة اغلى من الوجه
اتمنى لكي التوفيق ويسعدكي ويطيب خاطركي وما تشوفين غير السعادة والنجاح أنتي وأهلكي
-
الله يوفق الجميع
محبة
المخضرمة أم يلدا – مترجمة - عمان الأردن 2005 – في انتظار التجييك الأمني - الأسبوع الثالث من السنة الخامسة انتظارا
-
لا يمعودة ام يلدا مالهم علاقة الاطباء هية رسوم ثابتة بابن البيطار سووا بيها وصل حتى يخلصون من اي اتهام بس بالشفاء شغلهم مخربط بس ماكو ولافلس يخش بجيبهم همة عدهم راتبهم من الفحص بس هية بابن البيطار اغلى رسميا
-
اشكركي اختي ورقاء
اذن هذا مو تقفيص ولا توريق
هاي اجور الفحص لكون جماعة SIV يفحصون على حسابهم وأكيد يكون مكلف
وبالنسبة للمفوضية وجماعة IOM يفحصون مجاني
اشكركي مرة أخرى عزيزتي
وأتمنى لكي سفرة سعيدة وتوصلين بالسلامة أنتي وعائلتكي
-
الله يوفق الجميع
محبة
المخضرمة أم يلدا – مترجمة - عمان الأردن 2005 – في انتظار التجييك الأمني - الأسبوع الثالث من السنة الخامسة انتظارا
-
اخي Ross son of Iraq
اني اعرف انهو مكان عيادة الشفاء بجمع القادسيه السكني ... اسمعت مؤخراً انهوا الفحص يكون بمكان اخر غير المجمع السكني ... اكو هيج حجي؟ تكدر تكلي المكان بالضبط ؟
والف شكر مني الك
-
اخي العزيز سيزر كلامك صحيح عيادة الشفاء داخل مجمع القادسية بس قبل اسبوع غيرو مكان الفحص الى مكانه الجديد مقابل دار الضيافة وهم داخل المنطقة الخضراء......
-
اني نفس الاجرائات بالظبط بس فرق بيني وبينك الفلوس اني اخذو مني 300$ فقط لان اني جريت بوش الدكتور وكتلة الاجور غير شكل بالايميل وايضا اني وزوجتي والعنوان مقابل دار الضيافة مثل ما اتفضل الاخ شادو مان اني بنفسي رحت لهناك الولد كلهم حبابين بس كلهم قفاصة
تحياتي للجميع
-
هذا خوش حجي وخوش تفصيلات
تسلمون كل الي شاركتوا بالشرح
اختكم ريم
-
والله عاشت ايدكم على هاي المعلومات وانشاء الله يا ربي كلكم تسافرون باقرب وقت.
-
اخونا روز الف عافيه وترة التقفيص الجاي اكثر فحضر امورك هههههههههه
انشاءالله يوم التي تستلم الفيزا نته والاهل وتخلص من التقفيص والقفاصه وعالخيـــــــــــــــــر عيوني
تقبل مروري
-
اخواني اشكركم على الردود والمعلومات والنقلش المفيد ويارب ايكون الموضوع بيه فائدة لجميع الاعضاء الباحثين عن الفائدة..
اخوكم روس ابن العراق.
-
حبيبي Ross son of iraq ماوضحتلنه , شنو هذي ال 175 دولار , اجور تاخذ بيهه وصل , لو رشوه ؟ أو اجور زائد رشوة ؟
-
اخي العزيز بغدادي السفارة من دزتلي ايميل كالولي عيادة الشفاء ياخذون 145 دولار للنفر بس من خابرت عل العيادة كالو الفحص 175 دولار للنفر يعني همة مقفصين علينة اب 30 دولار اتروح بجيوبهم وماكو اي وصل استلام ولا اي شي واني بالسفارة امقرر اذكرهة اكوللهم دياخذون اكثر وهاااا اخوان بالمناسبة اني اداينت فلوس الفحص من اخوية الغالي فراس.
-
هاي حقكم بيها اني مجنت اتذكر المبلغ صحيح 145 دولار نطينا 300 للممرض رجعلنا عشرة كلناله بقيها مقبل
بس هذا الحجي قديم بالشتى
الظاهر الصيف اثر عليهم
والله عيب وفشلونا اذا صدك بس المفروض اكو رقابة
زين احنا منطونا لقاحات اخاف هذي فلوس اللقاحات
-
مال واحد يلبس حزام ناسف جذابي مال جهال (نايلون) ومن يكمل الفحص ويكولوله ورق بس ينزع القميص ويفلت ويصير المطافر ما اله والي هع هع هع
-
اخي روس ,,,,,
الحمد لله كل شي عدى على خير و ان شاء الله المقابلة السهلة و استلام الفيزا ,,,,,,
فنجز ,,,,, متكلي شون تجيب هاي الافكار ,,,,,, شكد تكلي طماطه باليوم الواحد ,,,,,