ankawa
منتدى الهجرة واللجوء => الهجرة و واللاجئين => الموضوع حرر بواسطة: blackwater في 21:41 15/08/2009
-
بلاك ووتر في هيوستن ...
مرحبا لكل الاعضاء وكالعادة اعتذر عن الغياب ..وذلك لعدة اسباب ....
احب ان انوه للاخوة الكرام والاخوات العزيزات لابد من تحديد هدفك قبل المجيء الى الولايات المتحدة الامريكية ..بتصوري الشخصي لا مجال للعبثيات ...
نقطة مهمة جدا يجب على كل مهاجر او لاجيء يقرأها جيد جدا .اذا تضل بالتفكير الراديكالي – الجذري- للشخصية العراقيه فلا يمكنك الاستمرار في هذا البلد –امريكا-
واقصد بالراديكالة –الاصولية- والتشبث بالقيم التي لا تمت للحياه الغربيه بصلة ..مثال ..
احنا بلد الحضارات ..والعلماء ..وووو..ووو مكتشفين الدولاب والاسطرلاب والختم المدور و انجازات الخليفة عبد فلك ...الخ ...
طبعا كل انسان يفخر بانجازات بلدة وان كانت ضئيلة ..وارجوا ان لايفهم القاريء كلامي بسلبيه ...
النقطة الثانية ..وتسمى بالعامية –الانفة- او الخشم المرفوع ..
ما انصح اللاجيء او المهاجر ان يستخدم هذه الصيغة في الحياه ..
مثال ..اني مهندس وشهادتي بطول هيوستن ..تالي عمري اشتغل حارس او بمخزن ..
النقطة الاخرى ..الكف عن التذمر والتطلب والمظالم ..
طبعا خلصنا من العراق والتذمر والمظالم والقساوة والحر ..الخ ..يعني راح نبدي نفتح صفحة جديده ...يعني لازم نكون متفائلين بالحياه بامريكا اكثر من ما نكون متشائمين ...وللاسف الاخوة –ليس الكل- لكن الاغلب ..يسمع ويردد مثل الببغاء..
مثال ..الشاب يجي فرحان من العراق يسكن وية شاب عراقي اخر بدل ما يروح الشاب يدليه الطرق لو يعلمة عن الحياه ..يبدي يسردلة قصة المنظمة والمساعدات وعدم توفر العمل ..ويهبط معنويات الرجل ...وراح يكلة هذولة المنضة هيج وهيج وكلشي ما يسوولنة وعايفينة ..
طبعا الاخوة هنا لو تعطيهم مساعدات طول حياتهم ما راح يرضون ابدا طبعا اكرر ليس الكل انما الاكثرية ...
اللي لاحظته خلال فتري القصيرة انه الشباب يائس ..سلبي ..متطلب ..كسول ..يريد المنظمة المسوولة عليه تحكلة ضهرة بين فترة وفترة ...
نعم كل انسان يمر بمرحلة يـأس لان كان محسب حساب شكل وطلع غير شكل ..لذلك اكرر واكرر واكرر ...يجب على الكل حساب الامر جيدا وجديا قبل المجيء الى هنا ...وان يقطع على نفسه عهد قبل السفر ان يعمل بجد و عندما يجد او فرصة عمل ياخذ بها ولا يتمهل ولو لوهلة ...هذه هي الحياه في اميركا ..
الحياه بصورة عامة ..
شعب لطيف ...فالكل يبتسم عند مراجعك لاحدى الدوائر او المحلات او المنظمات ..وحقيقه تتورط تسالك شخص سوال لان راح يضل يجاوبك لما انت تكلة كافي لزكت .....
القانون فوق الكل ...
بلد عجيب غريب بالقانون ..فوق ما تتصور باحترام القانون وخصوصا راح تلاحظون حركة سير المرور ..والخطوط البيضاء في الطريق ...وعدم تجاوزها ..والخ من التعقيدات ...
التكنلوجيا ..
اللي عايش في دول الخليج يعرف معنى التكنلوجيا وكيفيه الدفع بالخطوط السريعة لان هنا بعض الخطوط السريعة ليست مجانية ..لذلك هناك لزكة تحطها على الجامة الامامية مال السيارة وبيها رصيد و انت تشحنها بين فترة وفترة حتى يفتحك البوابة مال الخط وكل ما تدخل للخط السريع يقطع منك المبلغ ..
هاي وحدة من عشرات الامور ..ناهيك عن كارتات الباص اللي بس تخليه كدام جهاز وهوة يقطع الرصيد ...
وخدمة –جي بي اس- للسيارات ..جهاز بيه شاشة و انت تدخل العنوان اللي تريد تروحلة و تطلع سيارتك على الخريطة ووحدة مكموعة تكلك روح يمنة ورة مية متر اطلع يسرة ..ومن توصل للمكان اللي تريدة تكلك الحمد لله على السلامة وتهزلك شوية ...وطبعا الخدمة مجااااااااااااااااااااااااااانية بس تشتري الجهاز اول مرة وسعرة 150 دولار و يشتغل على الجداحة مال السيارة ..
الاتصالات ..
الانترنت عيب احجي بالموضوع اصلا لان اتصور الكل يعرف امريكا والانترنت بس اكلك الاسعار تبدا من عشرين دولار شهريا و تنتهي ب 50 دولار ..ابو العشرين جدا جدا جدا لطيف وحلو ..وابو ال 50 مال مخابيل ..هههه يعني مال واحد عنده ويب سايت خاص بيه ويصعد فيديو جبير واغاني كثيرة ..اما الهواتف فشركات كثيرة وخطط كثيرة واسعارها اعتيادية ..وطبعا اعتادية للي عندة شغل !!
النظافة والمشجرات والشوارع الخظراء ..
90 % من مناطق هيوستن-تكساس نظيفة جدا جدا ...وتبقى 10% بيها اوساخ وحسب ما ذكرولي اني ما شفت ..بس من ذكرولي هذا الشي ..لايروح بالكم بعيد و عبالكم المنطقة هاي وسخة ..لا ...متوهمين يعني بيها شوية بطالة بالشارع و اوراق والخ ...
اما الخظار ...فحدث ولا حرج ...الخطار ينتهي لاخر خطوة عند دخولك لمكان سكنك ...
الايجارات
مركز المدينة غالي يعني 1200 وفوك للشقة ام الغرفة الواحدة ..
اما الاطراف مثلنا احنا ..اكو مجمعات تاجر شقق جميلة ونظيفة و ملمومة ..غرفة وصالة ومطبخ ..500 دولار مدفوعة الماء والغاز بالنسبة للسخان ..اما الكهرباء عليك و اقل ورقة تجيك بالصيف اذا تعصرها 100 دولار ...لان هنا لازم لازم لازم تبريد لان حارة و رطوبة ...
الشقة تسع لشخصين متزوجين وليس لديهم اطفال ...اما عن الشقق ام الغرفتين نوم اقل ايجار بهيوستن 700 دولار تتضمنها الماء والغاز والكهرباء اكيد عليك ...
المجمع يشمل مسابح واذا كان كبير يشمل مسابح ..وخدمة الازبال يومين بالاسبوع يجي الزبال و الباقي انت تودي بيدك ...بعض المجمعات تشملك بخدمة الكيبل اقصد القنوات الفضائية و طبعا كلها امريكية و لاتينية ...ماكو عربية .أذا تريد عربية روح انت اشترك وادفع فلوس تجيك الجزيرة والعربية ..الخ
الاسواق ...كلشي بيها حدث ولا حرج ..اسعار الخضروات لاباس بها ..اقصد اغلى من العراق ..والوزن بالباوند وليس بالكيلو ...1 كيلو يساوي 2.2 باوند ..
الملابس جدا رخيصة ..اقصد مو ماركات ...الماركات تضل غالية جدا ..لا احد يعير اهتمام للملابس لان اصلا محد راح يباوع عليك ...
اشتريت حذاء رياضي كلش كلش حلو ب 19 دولار و ماركة ..والحلو هنا رخيص لان الماركة فات عليها الوكت وراح موديلها ..لذلك يرخص سعرها ...
لي عودة قريبا
-
مرحبا الي الشرف ان اكون اول من يرد كلام حلو ومرتب اكيد الي يروح لازم يخلي اباله سؤال مهم جدا وبعدين اشلون اشلون راح اعيش ويخلي ابله انه يرادله صبر وتعب واكو جملة تعجبني تكول
NO PAIN .....NO GAIN
-
السلام عليكم
اخويه موضوعك جميل جدا و منسق بطريقة ممتازه احيك
عندي سؤال اني الكثير من الاخوان من خارج وداخل المنتدى لم يطرحون مواضيع
يسؤلون عن الوضع شنو لازم نكللهم يعني انته ذكرت انوا دا تشتغل حارس يعني شغله متعبه واني دا اشتغل متعبه و لم اكللهم هالشي و اكلهم الشغل مهم وبي تعب والحياه رايلده مثابره هنا و تعب لحين تحقيق الغايه يا اخي ميصدكون واغلب الاعضاء عبالهم احنا عايشين بنعيم و دنكرف بس دنبالغ
مع العلم اني من اول الاشخاص ذكرت مساله الترتيب و القانون وهاي الاشياء بامريكا
ممكن اعرف رايك بالموضوع و ملاحظه بسيطه عمري منصحت واحد ميجي لامريكا و لاكنى دائام اذكر السلبيبات قبل الايجابيات
-
عاشت ايدك وفعلا هاي الملاحظات الي ينبغي الواحد ايخليها اباله اذا ايريد ايعيش وايمشي امره الى ان ايسيطر على وضعه
تسلم اخ بلاك ووتر
اختكم ريم
-
اسلوب ممتع جدا...............موضوع اكثر من مفيد............نظرة ثاقبة
تسلم اخي العزيز
-
سرد جميل لما تمر به و التشجيع و اضح وبدون مبالغه
شكرا للمشاركتنا تجربتك القصيره
بالتوفيق للجميع
-
عاشت إيدك على الطرح الجميل و النظرة المتفائلة و المنطق الرائع
الله يوفقك لكل خير
تحياتي
Wingo
-
السلام عليكم
اخويه موضوعك جميل جدا و منسق بطريقة ممتازه احيك
عندي سؤال اني الكثير من الاخوان من خارج وداخل المنتدى لم يطرحون مواضيع
يسؤلون عن الوضع شنو لازم نكللهم يعني انته ذكرت انوا دا تشتغل حارس يعني شغله متعبه واني دا اشتغل متعبه و لم اكللهم هالشي و اكلهم الشغل مهم وبي تعب والحياه رايلده مثابره هنا و تعب لحين تحقيق الغايه يا اخي ميصدكون واغلب الاعضاء عبالهم احنا عايشين بنعيم و دنكرف بس دنبالغ
مع العلم اني من اول الاشخاص ذكرت مساله الترتيب و القانون وهاي الاشياء بامريكا
ممكن اعرف رايك بالموضوع و ملاحظه بسيطه عمري منصحت واحد ميجي لامريكا و لاكنى دائام اذكر السلبيبات قبل الايجابيات
الاخ الحبيب ..انا قصدت بالحارس انه البعض يشوفوها مو كد المستوى ...اهنا كل الشغل متعب ..ماكو شغل مريح ..لذلك وصلو لهاي المرحلة من التقدم ..لانهم يتعبون ..واللي يتعب يلعب
بتصوري الشخصي ماكو متاعب بمعناها الصريح في امريكا ..المتاعب الي تواجهها اولا هي الاندماج واللغة واستخدام التكنلوجيا لكنك ستعتاد عليها ...اهم شي العمل ...واللي يتعب ..يلعب
-
واقعي .. مصداقية .. تحليل رائع ..
شكرا لك .. اتمنى لك الموفقية والنجاح
امنياتي الحلوة
-
الاخ الفاضل بلاك ووتر الله يبارك بيك على المعلومات الرائعه الذي قدمته بشكل سلس ومبسط
ربي يحفظك ويفتح كل ابواب الرزق الك وانشاالله تستقر وتكتب النا معلومات اكثر ياطيب
اخوك ابو فهمي
-
goodsniper ,البحار..wingo.....show ....عبسي ..ريم عبد ..hussein5582.....ورقاء ..
شكرا للمشاركة ...
مشاركتي طبعا دعم معنوي للمهاجر وحقائق عن هذا البلد الجميل ...وكما علقت ورقاء ....
NO PAIN....NO GAIN
شكرا
-
حبيبي blackwater
اول شىء حجيك جدا سليم وموضوع مفيد والله ايوفق الجميع ....
بس سؤال انته حضرتك ساكن وحدك؟؟؟ واذا اي فاانته طلبت هالشىء لو همه سكنوك هيجي؟؟؟
لان اشو امبين من الحجي انه الشقق اللي بيها اكثر من غرفه غاليه ومو معقوله انه همه ايسكنون المهاجرين او الاجئين ابشقق غاليهوبس التفاصيل شويه يعني رح ينطوك الايجار والــ (bills) عليهم لو عليك وشنو العليك وشنو العليهم ؟؟ ...
طيب شنو اسم المنظمه مالتك؟؟؟ وهل هي زينه لو لا؟؟؟ لان صارت بينه خوفه من المنظمات التعبانه اللي ايجفينه شرهم ....
وشنو اسم الشركه اللي ساحب منها انترنيت واشكد اطول المدة من ايشدوه الك؟؟؟
وشركه التلفون اقصد الموبايل ؟؟ واذا عندك علم على شركه كركت ايكولون هاي خوش شركه ويعني متريد لا سوشال ولا كرين كارد ولا عقد ولا اي شىء اشكد ايطول لحد ميوصلك المبايل ؟؟؟؟
وتحياتي الك والموفقيه يارب ..
-
اني ساكن ويه شخص عراقي ..طريقة التسكين هنا هيج ..تروح تلكة شريك وياك بالشقة ..الايجارات هيج لان الرواتب اقل شي 7 دولار بالساعة ...
النظام يمنا همة يدفعون الايجار انت ما تلزم فلوس بيديك ...لمدة 5 شهور والشهر الاخير احنا نتحمل الايجار ...
الشقة لطيفة ..صغيرة ..مختزلة حمام حلو ..والمجمعات بيها مسابح مجانية ..ولوندري بدولار واحد للغسيل
اسم المنظمة ..INTERFAITH
ما اعرف اي منظمة تعبانة لان ما اسال عن هاي الامور ابدا ...يعني راضي باللي يجيني ..لان كلة فضل ورحمة من الله اولا ومن الشعب الامريكي ثانيا ...لان هاي المساعدات والفودستامب مالتك و المعونات كلها يدفعها الشعب الامريكي من الضرائب ...واجور الدراسة
يعني لازم نكون ممنونين لهذا الشعب ..لان كاعد ناكل و نشرب بجاهه ...
اني سحبت انترنت من اي تي اند تي خابرت عليهم وسالوني على السوشال كتلهم ما عندي ..كالي زين شلون تدفع ..كتلهم كاش ..أستغرب مني وكالي اسال و اجي ..راح سال واجاني ..كالي لازم تدفع 100 دولار قابلة للرد بين ما تسوي السوشال ..كتلة اني اسف ما ادفع ...كالي اوكي انطيني العنوان الكامل ويصير خير ...
ورة يومين اجاني بريد مودم دي اس ال و بيه رسالة تكول الانترنت راح يجيك اليوم الفلاني الساعة الفلانية ...
بذاك اليوم و بذيج الساعة اجاني النت ..واني لحد كتابة هاي المشاركة لا دافع فلوس مال مودم ولا دافع اشتراك شهري ولا يكدرون يحقوني بشي اذا افلت لان لا سوشال يمهم ولا هم يحزنون ..
واني حاليا دا انتضر الفاتورة تجيني حتى ادفعها لان اني ممتن الهم جدا على هاي الثقة اللي ما شفتها في بلدي ..العراق...بالمناسبة اشتراكي ابو 20 دولار وسعر المودم 79 دولار ..لا عقد ولا توقيع ولا فترة ..احنا نسميها مشاهرة ..يعني شهر بشهرة ..
اما الموبايل يا حبيبي ...تروح لاقرب محل تكلة السلام عليكم اميكو ...ههه لو هولا اميكو ..لان يمنا هواي مكسكان ..
كلة اريد تلفون ارخص شي وبيه خدمة المكالمات بس ...يعني لا انتضار مالمة ولا انترنت ولا مسج صوتي ولا مسج صوري ...
راح ينطيك الخطة ام 35 دولار بالشهر مكالمات للصبح وتستلم للصبح ..بس الاتصال الدولي الا بكارت...وهذا حال معظهم ..
طبعا راح تدفع الفلوس راح ينطيك تلفون كبل ..مدفوع الشهر الاول ..يعني يخلص الشهر تدفع الفاتورة مال الشهر الثاني ...
وراسا خابر بيه ..وبالعافية
-
ألف شكر أخوية على هذه المعلومات وانا اتفق معك بخصوص نوع العمل وعدم الاتكال على المنظمة ونكران الجميل فيجب العمل بمثابره وأخلاص بعد ايجاد المسكن والاستقرار
تحياتي
-
والله وفيت وكفيت وخصوصا انك من النوع المتفائل من الناس والنوع الذي لا ينسى فضل اميركا وهذه من صفات الانسان الخلوق..
شكرا لك لذكر حقيقة الضرائب التي يدفعها المواطن الامريكي لكي تعطى فود ستامب ومساعدات اخرى..
اشكرك اخويه وكل ما ذكرته صحيح كوني اعيش في هذا البلد العظيم والعظمة لله منذ حوالى اسبوعين ولم ارى الا الخير من هذا البلد الذي وفر لي ولعائلتي ما لم يوفره لي بلدي طوال حياتي
-
أخوية العزيز blackwater الف الحمد لله على سلامتك اني احيك على كلامك الراقي في بدايت الموضوع والانساء لازم يكون متواضع مهما كانت شهادته او حياته التي كان عايش بها في العراق والعمل مو عيب العمل شرف حياك الله اخي بلاك وتر على صراحتك مع الشكر الجزيل على المعلومات الوافية واسال الله العلي القدير ان يفتح باب الرزق بوجهك يارب العالمين
-
شكرا اخونا بلاك ووتر وان شاء الله الموفقية الك , وان شاء الله الكل الشباب الي قرت الموضوع واني واحد منهم راح نحاول نقطع على نفسنة عهد انه اذا وصلنا امريكا راح نكون ايجاببين ان شاء الله وغير سلبيين وغير اتكاليين...
التوفيق للجميع ..
-
حبيبي بلاك وتر اني ممنون على المعلومات وعاشت ايدك ....
بس يعني الــ Room mate انته من وصلت لكيته موجود؟؟؟ لو انته دورت عليه ؟؟؟ طيب واذا الشقه صغيرة يعني اقصد مثلا بس غرفه وصاله ومطبخ يعني اقصد ملمومه يعني بهيجي حاله هم ايصير تسكن واحد وياك؟؟مو تعرف همه الا كل واحد عنده غرفه يعني ممنوع ...
ويعني بهيجي حاله المساعدات اشكد؟؟ 6 اشهر؟؟؟....وهمه ايدفعون الايجار وياه الــ BILLS مال كلشي يعني ماء +كهرباء وكلشي لو اكو شىء عليك ؟؟؟واول متوصل ينطوك شىء بيدك؟؟ لو بس الهديه مال الولفر ؟؟
الفود ستامب شوكت يطلع ؟؟اشكد ايطول اقصد ...
تحياتي وردة ...
-
السلام عليكم
عاشت ايدك اخوية على هذا الموضوع وكلامك صحيح 100% ومع الاسف اكو ناس ما اتريد الخير الغيرها وما اعرف شلون ايفكرون وليش هيج ايسوون انطيكم امثلة اني مريت بيها مو سمعتها.............
اولاً بنيه جانت تشتغل وياي بنفس الشركة سافرت وبعد فترة خابرت ومن سألتها شلون الوضعية والامور يمكم كامت تبجي وتكول الحياة صعبة ومو مثل ما اتصورناها والحياة غالية وقرتلي يتيمة من هاي الزينة يعني الواحد اذا واكف باب الطيارة ويسمع الحجي مالتها ايبطل ويرجع وبعد فترة هم خابرت ونفس البواجي اني انقهرت وكلتلها ليش ما اترجعين مو احسن الج من هاي البهذلة والتعب على الاقل هنا الله ايدبرها وتمشي الامور جان اتكول اني ارجع ما ارجع لو ايكون اخر يوم بحياتي اني اعوف هاي الحياة الحلوة والجو اليخبل والمناظر الحلوة وارجع للتراب وللحر شنو شبيك تحجي صدك لو تشاقة اكيد اني باقية هنا وما ارجع كتلها مو الحياة صعبة وما تنحمل ومو مثل ما اتصورنا كالت اي عيني بس هم نبقى احسن من العراق.
الثاني واحد من جماعتي هم طلع ومن خابر كال اخوي العزيز فكو زين وكل للولد جماعتنا خلي ايفكرون زين قبل ما يجون ويتورطون لان موسهلة ونفس اليتيمة مال البنية والبواجي كتلة عيني وانت اشجابرك على المر والاذية وانت اصلا عايف مرتك وابنك بالعراق ليش ما ترجع مو احسن الك كال ليش شبية اتخبلت اني اصلا رحت للمنظمة وكتلهم اريد اجيب مرتي وابني كالو بسيطة تكدر اتجيبهم بس العملية اتطول بحدود 6 اشهر كتله ها شنو اتريد اتدز على المرة وابنك مو الحياة كلش صعبة ليش اتجيبهم للبهذلة كال شسوي يا عيني مو اني اتورطت بعد واجيت قابل ارجع كتلة لا ما يصير ترجع جيبهم يمك كال اي وهو هذا الراح اسويه ادز عليهم مع العلم هذا الولد يشتغل وشغلة زين وياخذ اكثر من 9 دولار بالساعة.
الثالث هم بواجي وكال انت اخوية واريد انصحك وما اريدك تتاذة عفتة ما سالتة بس البارحة بالصدفة شفت اخوه وكتلة شنو اخباره شو ايكول تعبان هم كاعد تحجي وياه كال احجي وياه وهو اصلامرتاح وامكيف على العيشة هناك بس متاذي من شي واحد امي يومية اتخابرة وهو بس ضايج ومقهور على امي بس غير هذا ماكو بالعكس كلش مرتاح....
هاي الحالات الثلاثة صارت وياي شخصياً بس اريد اسال سؤال اذا انت طلعت ومرتاح والحياة حلوة بامريكا يا اخي ليش تكطع واهس البقية خلي العالم اتروح واتجرب واتشوف بنفسها.
من كلام اصدقائي الموجودين هسة بامريكا ان الحياة صعبة مو من ناحية أيجاد العمل بس صعبة من ناحية العمل بحد ذاتة اقصد الشغل عدهم مو مثل يمنا تشتغل ساعة تكعد ساعتين الشغل عدهم ما بيه مجاملة وغير هذا الحياة كلش حلوة وعلى كولة واحد من اصدقائي المتفائلين كلش كلي كلمن ايكلك الحياة مو حلوة بامريكا كله حشاكم انت جذاب لان هذا ما ايريد الخير لجماعتة.
ومرة ثانية اشكرك اخوية الغزيز على هذا الموضوع الرائع
اخوك ابو يوسف
-
السلام عليكم
عاشت ايدك اخوية على هذا الموضوع وكلامك صحيح 100% ومع الاسف اكو ناس ما اتريد الخير الغيرها وما اعرف شلون ايفكرون وليش هيج ايسوون انطيكم امثلة اني مريت بيها مو سمعتها.............
اولاً بنيه جانت تشتغل وياي بنفس الشركة سافرت وبعد فترة خابرت ومن سألتها شلون الوضعية والامور يمكم كامت تبجي وتكول الحياة صعبة ومو مثل ما اتصورناها والحياة غالية وقرتلي يتيمة من هاي الزينة يعني الواحد اذا واكف باب الطيارة ويسمع الحجي مالتها ايبطل ويرجع وبعد فترة هم خابرت ونفس البواجي اني انقهرت وكلتلها ليش ما اترجعين مو احسن الج من هاي البهذلة والتعب على الاقل هنا الله ايدبرها وتمشي الامور جان اتكول اني ارجع ما ارجع لو ايكون اخر يوم بحياتي اني اعوف هاي الحياة الحلوة والجو اليخبل والمناظر الحلوة وارجع للتراب وللحر شنو شبيك تحجي صدك لو تشاقة اكيد اني باقية هنا وما ارجع كتلها مو الحياة صعبة وما تنحمل ومو مثل ما اتصورنا كالت اي عيني بس هم نبقى احسن من العراق.
الثاني واحد من جماعتي هم طلع ومن خابر كال اخوي العزيز فكو زين وكل للولد جماعتنا خلي ايفكرون زين قبل ما يجون ويتورطون لان موسهلة ونفس اليتيمة مال البنية والبواجي كتلة عيني وانت اشجابرك على المر والاذية وانت اصلا عايف مرتك وابنك بالعراق ليش ما ترجع مو احسن الك كال ليش شبية اتخبلت اني اصلا رحت للمنظمة وكتلهم اريد اجيب مرتي وابني كالو بسيطة تكدر اتجيبهم بس العملية اتطول بحدود 6 اشهر كتله ها شنو اتريد اتدز على المرة وابنك مو الحياة كلش صعبة ليش اتجيبهم للبهذلة كال شسوي يا عيني مو اني اتورطت بعد واجيت قابل ارجع كتلة لا ما يصير ترجع جيبهم يمك كال اي وهو هذا الراح اسويه ادز عليهم مع العلم هذا الولد يشتغل وشغلة زين وياخذ اكثر من 9 دولار بالساعة.
الثالث هم بواجي وكال انت اخوية واريد انصحك وما اريدك تتاذة عفتة ما سالتة بس البارحة بالصدفة شفت اخوه وكتلة شنو اخباره شو ايكول تعبان هم كاعد تحجي وياه كال احجي وياه وهو اصلامرتاح وامكيف على العيشة هناك بس متاذي من شي واحد امي يومية اتخابرة وهو بس ضايج ومقهور على امي بس غير هذا ماكو بالعكس كلش مرتاح....
هاي الحالات الثلاثة صارت وياي شخصياً بس اريد اسال سؤال اذا انت طلعت ومرتاح والحياة حلوة بامريكا يا اخي ليش تكطع واهس البقية خلي العالم اتروح واتجرب واتشوف بنفسها.
من كلام اصدقائي الموجودين هسة بامريكا ان الحياة صعبة مو من ناحية أيجاد العمل بس صعبة من ناحية العمل بحد ذاتة اقصد الشغل عدهم مو مثل يمنا تشتغل ساعة تكعد ساعتين الشغل عدهم ما بيه مجاملة وغير هذا الحياة كلش حلوة وعلى كولة واحد من اصدقائي المتفائلين كلش كلي كلمن ايكلك الحياة مو حلوة بامريكا كله حشاكم انت جذاب لان هذا ما ايريد الخير لجماعتة.
ومرة ثانية اشكرك اخوية الغزيز على هذا الموضوع الرائع
اخوك ابو يوسف
بالفعل كلام سليم المشكله الكبرى هي بايجاد عمل و الي دائما اكوله انوا هنا ابسط عمل هنا يكفي يطلع العيشه وبالمناسبه عدهم الي يطلع فلوس على كد العيششه هنا يسموه فقير علمود هيج تشوفون التقرير الي طلع ذاك اليوم يكول 30 الف عراقي عايشين بالفقر
يعني احنا مثلا البياع بالمحل يشتغل بالعراق شنو راتبه وشنو تكفيه هاي الفلوس يمكن سياره يحلم بيه هنا بالعكس يعني يكدر يشتري سياره ويكفى عائلته المشكله الوحيده الي تواجه العراقين هنا هي مسالة العمل بسبب الازمه الاقتصاديه الي تواجه امريكا واعتقد حسب مدا نسمع انوا ديحاولون يحلوهه
اما بالنسبه للنظام هنا فماكو داعي واحد يحجي عليه لانوا هنا النظام والقانون يمشي على اكبر راس و اهم شي ماكو رشاوي الا بحالات قليله و تكون بين اصحاب الملاين
-
عاشت ايدك اخوية العزيز ... على موضوع والشرح الرائع وحمد لله على سلامتك
واني اؤيدك اخوية ابو يوسف كلام مية مية
-
عاشت ايدك اخوية على الكلام المرتب
اكيد الي ميشتغل محد ينطي وهلشي مو بس با امريكا حتى بالعراق
وحمدالله على السلامة ويارب تحقيق الاماني والحياة السعيدة
اخوك جوزيف
-
تسلم اخي العزيز بلاك ووتر على موضوعك ... استفاده عظيمه القاها بمشاركاتك ...
اتمنى تتكرم بالمزيد منها مستقبلاً ياورده يا ابن الورده ..
اخوك سيزر
-
اخي بلاك ووتر مشكور جدا على هذا الموضوع وسردك للاحداث لطيف ومشوق ومن كل قلبك امنياتي لك بالسعاده ودعائي للجميع بالموفقيه
اخوكم الخالدي الاصيل
-
الشكر لكم احبابي ...
دمتم بود
-
حبيبي بلاك وتر اني ممنون على المعلومات وعاشت ايدك ....
بس يعني الــ Room mate انته من وصلت لكيته موجود؟؟؟ لو انته دورت عليه ؟؟؟ طيب واذا الشقه صغيرة يعني اقصد مثلا بس غرفه وصاله ومطبخ يعني اقصد ملمومه يعني بهيجي حاله هم ايصير تسكن واحد وياك؟؟مو تعرف همه الا كل واحد عنده غرفه يعني ممنوع ...
ويعني بهيجي حاله المساعدات اشكد؟؟ 6 اشهر؟؟؟....وهمه ايدفعون الايجار وياه الــ BILLS مال كلشي يعني ماء +كهرباء وكلشي لو اكو شىء عليك ؟؟؟واول متوصل ينطوك شىء بيدك؟؟ لو بس الهديه مال الولفر ؟؟
الفود ستامب شوكت يطلع ؟؟اشكد ايطول اقصد ...
تحياتي وردة ...
حبي يمكن انته شويه مشغول لذالك عدت عليك الاسئله لان حالتي مثل حالتك اني هم اعزب فدااريد اسال هاي الاسئله ...
تحياتي وردة
-
حبيبي بلاك وتر اني ممنون على المعلومات وعاشت ايدك ....
بس يعني الــ Room mate انته من وصلت لكيته موجود؟؟؟ لو انته دورت عليه ؟؟؟ طيب واذا الشقه صغيرة يعني اقصد مثلا بس غرفه وصاله ومطبخ يعني اقصد ملمومه يعني بهيجي حاله هم ايصير تسكن واحد وياك؟؟مو تعرف همه الا كل واحد عنده غرفه يعني ممنوع ...
ويعني بهيجي حاله المساعدات اشكد؟؟ 6 اشهر؟؟؟....وهمه ايدفعون الايجار وياه الــ BILLS مال كلشي يعني ماء +كهرباء وكلشي لو اكو شىء عليك ؟؟؟واول متوصل ينطوك شىء بيدك؟؟ لو بس الهديه مال الولفر ؟؟
الفود ستامب شوكت يطلع ؟؟اشكد ايطول اقصد ...
تحياتي وردة ...
حبي يمكن انته شويه مشغول لذالك عدت عليك الاسئله لان حالتي مثل حالتك اني هم اعزب فدااريد اسال هاي الاسئله ...
تحياتي وردة
اهلا يا ورد ..
عيني المنظمة تاجر الشقة قبل ما تصول انت لامريكا ..مرات تروح تلكة واحد موجود قبلك ..او انت تروح وتنتضر واحد يجيك ..لان لازم يسكنون اثنين بشقة مو واحد ...حتة يتحمل وياك على الاقل تكلفة الكهرباء والرووم ميت مالك مو انت تحددة هوة يجي يجوز وراك بيوم او شهر ...
وانت والروم ميت مالتك تنامون بغرفة وحدة ..ومنو كال اكو شي اسمه ممنوع ..اكو اشياء تسمى غير مقبولة في المجتمع الامريكي مثل ان ينام الرجل مع رجل اخر في سرير مشترك ..!! يعني جرباية ام نفرين ...هذا اللي تقصدة انت اما غيرة شي طبيعي جدا جدا ...
وشغلة الكهرباء منتهين منها انت تدفعها لازم لان تكلف من 100-150 دولار شهريا حسب الاستعمال ...
اما الماء والغاز فمرات المنظمة تدفعها ومرات انت وحسب الولاية والمنطقة وقانون المنظمة ...
الايجار 5 شهور ...وانت واللي وياك تدفعون الشهر السادس ...
فود ستامب 160 بالشهر لمدة 8 شهور ...ويطول شهر يلة يطلع بس بين ما يطلع ينطوك كاش بدالة يعني نفس السالفة لاتخاف ..
-
الف شكر اخونه الغالي بلاك ووتر على هذه التوضيحات المهمه جدا جدا الله ايوفقك ويفتحهه ابوجهك .
وطبعا ايضا ما ننسه اخونه العزيز حسين ايضا انوجهله شكرنا الجزيل وانكله بارك الله بيك والله ايكثر من امثالك .
اخوكم ابو مريم
-
حبييب
اولا الف مبروك وصولك وبالعافيه على الهمه وانشاءالله الموفقيه
اني انشاءالله جاي لهيوستن تكساس وردت اعرف منك بعض الاشياء مثل باي منطقه انت كاعد وشنو المنيمم ويج وهم احنه راح ندفع ضرايب لو لا واذا كان عندك فكره عن المنظمات الجيده هناك وشنو افضل بزنس بالنسبه النا العراقيين اذا اريد افتح بزنس خاص بييه حتى احسب حسابي ؟؟؟؟؟؟
هذا ولك مني جزيل الشكر
وبالمناسبع اني انشاءالله اريد احجي وياك من اوصل باذن الله وسفرتس راح تكون يوم 31-8-2009 الى عمان \شيكاغو\تكساس \ والله الموفق
اخوك ابو عبد الله
-
صديقي بلاك ووتر فد سؤال:
على الاقل بهيوستن يمك
يصير الواحد يطلب من المنظمه (بالنسبه للي مقدمين على بنفتس طبعا) ان تلكاله طريقة سكن غير اللي تفضلت بيه او اللي لكولكياه؟؟ يعني بلا روم ميت
مثلا غرفة وحدك وية عائله لو ستوديو رخيص عسى ما بالمنكطعه بس كون وحدك بغرفه ولو 2*1.5 متر هههههه
لو هذا يعتبر بطر؟؟
وممكن انت تلكه هيجي مكان رخيص مالة نفر واحد وهمه يساعدوك بالاجار وانته تكمل؟؟
على الاقل انته سامع بحالات تختلف عن حالتك مالة الشقة ام الغرفه الوحده؟؟
بالمناسبه اني اصلا مفكر ما اقدم على اي مساعدات لاسباب كثيرة يطول شرحها بس ردت تنورني حتى احسب حسابي زين
-
حبيبي العزيز ..
اللي ذكرته ما يصير ومثل ما كلت انت بطر هههههههههههه
لكن اذا تجي على حسابك يعني راح تصرف مصرف كلش هواي ...فوك ما تتخيل ...يعني الشدة ام العشرة ما راح تصمد عندك الا شهور قليلة ...
واذا عندك اي ضرف استثنائي دزلي مسج على الخاص حتى انطيك رقمي وخابرني حتة اوضحلك الامور اكثر ..
اخوك بلاك ووتر
-
بس ممكن من اوصل اقدم عالمنظمه وبهالحالة اكون اني مختار سكني وولايتي والخطوط الجوية اللي موصلتني وما ماخرتني الحموي مدري المشمش
موو؟؟
-
بس ممكن من اوصل اقدم عالمنظمه وبهالحالة اكون اني مختار سكني وولايتي والخطوط الجوية اللي موصلتني وما ماخرتني الحموي مدري المشمش
موو؟؟
يسقط حق التقديم على الفوائد بعد عشرة ايام من استلام الفيزا ..وتكدر انت تختار الولاية اللي تريدها ..افضل تقدم على الفوائد ..والله اعلم ...