ankawa
منتدى الهجرة واللجوء => الهجرة و واللاجئين => الموضوع حرر بواسطة: امير البابلي في 23:54 15/08/2009
-
اخواني الاعزاء السلام عليكم
انني مقبل على السفر الى اميريكا مع زوجتي واطفالي الاثنان على برنامج IOM حيث ليس لدي اي معلومات عن هذا الموضوع ولكثر الكلام الذي اسمعه بقيت في حيرة من امري لانه مصير مجهول وانا مظطر ان اسافر فأسئلتي هي هل يوجد احد يستقبلنا عند الوصول ويرشدنا للطريق الصحيح والشيء الاخر موضوع السكن وموضوع المساعدات هل صحيح لفتر قصيرة وتنقطع من فضلكم اريد توضيح لكل الامور ليطمئن قلبي وان اشكر كل من يساعدني
-
اخي العزيز اهلا وسهلا بك معنا بوسط عائلتنا الكبيرة في هذا المنتدى الرائع
ولكن لم تقل لنا لماذا كل هذا الخوف والقلق ؟
اخي العزيز انت سوف تذهب الى حياة افضل من الحياة بالعراق بكل المقاييس
حاول ان تتصفح في هذا المنتدى وسوف تشاهد الكثير والكثير من المشاركات لاخوتنا الذين وصلوا وتجاربهم بامريكا
ودائما تفائل وفكر القادم احسن وافضل لحياتك ولحياة ابنائك
وتفائلوا بالخير تجده
اخوك
ابوهدى -مصر
-
اخي العزيز ابو هدى من مصر انا ممنون منك على اجابتك لموضوعي بس صدقني انا ليس متشائم بل لكثر ما اسمع من كلام على هذا الموضوع ولاكن ردت ان اسمع الكلام من اهل الخبرة في هذا المجال كما تفظلت داعيا لكم بتسهيل جميع اموركم والله الموفق
اخوك امير البابلي/ العراق
-
اخي العزيز , توكل والله كريم
-
أخوية العزيز....
أول شي لا تدردد ولا شي أخي العزيز أنت أول شي راح تروح صح غربة وراح تصير قلق نفسي بس صدكني راح تبدي حياتك من جديد يعني راح تصير الك حياة جديدة تكوين جديد ....أطفالك راح يتثقفون ثقافة جديدة ...وخاصة هذا البلد تتوفر بيه فرص عمل هواي صح الواحد لازم يلكي أي شغل يعني مو مساوي الشهادة بس هاي لازم اول مرة حتى تكون نفسك......راح تتعلم هواي شغلات وصدكني شوية شوية راح تنسى كلشي وتلتهي بعائلتك وبحياتك بس ينرادلها صبر ........وبالنسبة للمساعدات تختلف من ولاية لأخرى أكو ولايات مساعداتها أطول وأكو لا......بس الأعتماد على النفس أحسن شي.....موفق أنشاء الله
تحياتـــــــــــــــــــــــــــــــــــــــــــي ;)
-
الشكر الجزيل للاخوان
اهلي ياعراقيين/ وانشاء الله نبقى اهل واحبة
والاخ العزيز ابو ساره المحترم
اخوكم امير البابلي
-
اخي امير البابلي
اولا اهلا وسهلا بيك
ثانيا الف مبروك على السفر
ثالثا هذا القلق شعور طبيعي لكل واحد مقبل على خطوه تغيير كامله وشامله بحياته بس لتخلي القلق ايسيطر عليك ويتجاوز حدوده
اكيد الي عنده اطفال قبل ميفكر بنفسه ايفكر باطفاله وشلون ايامن حياتهم ومستقبلهم
بس انت اذا خليت كدامك الهدف الاساسي من السفر الي هوه حصولك وحصول اطفالك على الجنسيه وحصولهم على شهاده امريكيه هذا راح ايخليك تتحمل كل الصعاب لخاطر تامين مستقبلهم
وسالت اذا اكو احد يستقبلك؟؟ نعم اكو منظمه راح تستقبلك اذا ماعندك كفيل واتكون محضرتلك مكان سواء شقه او بيت وراح تنطيك مصرف جيب وفود ستامب وبعد انت وشطارتك شلون اترتب عيشتك ومصرفك وشلون اتحصل عمل وان شاء الله الله ايوفقك
صح تحتاج تعب وتضحيه بس فكر بالنتيجه الي اتحصلها راح ايهون عليك الامور
وبالف سلامه
اختكم ريم
-
اخي العزيز امير البابلي السلام عليكم ورحمة الله وبركاته
في البدايه الف اهلا وسهلا بك في بيتك الثاني عينكاوه كاخ وصديق للجميع وبالنسبه الى موضوعك والقلق فالجميع يمرون في هذه الحاله من الخوف والقلق وهذا شيء طبيعي جدا , ولكن علمتنا الحياة ان هناك مقابل كل شيء تحصل عليه هناك تضحيات تقدمها حيث اني اعتبر ان الحياة معركة ويجب على الجميع التسلح لهذه المعركه وبما اننا عراقين ففي حالة بقائنا او رجوعنا للعراق فاننا اكيد خسرانين هذه المعركه حيث المستقبل مجهول لنا ولعوائلنا ولكن في حالة الذهاب الى امريكا فسوف نستطيع الحصول على اربع اسحله او بعضها والتي هي اولا الجنسيه والجواز الامريكي وثانيا اللغه وثالثا الشهاده ورابعا المال . وكل واحد وشطارته وشكد يسعى للحصول على كل هذه الاسلحه او بعضها المهم يوجد امل ويوجد هدف فتوكل على الله اخي العزيز ولا تقلق وجرب وحاول والتوفيق من الله
دعائي للجميع بالموفقيه
اخوكم الخالدي الاصيل
-
الاخ امير البابلي
تحية طيبة
حضرتك ذكرت انك مقبل على السفر الى امريكا فهل هذا يعني انك اتممت كل الاجراءات لان يبدو من كلامك لحد الان لم تحضر الدورة التثقيفية والتي فيها كل المعلومات التي تستفاد منها من لحظة خروجك من المطار حتى وصولك امريكا وكيفة التصرف في مختلف متعلقات الحياة..ارجو تبيان في اي مرحلة حضرتك من مراحل التوطين وبالنسبة للقلق فهذا شيء طبيعي كونك مقبل على حياة جديدة ومثلما ذكر الاخوان تحتاج ان تعمل اي عمل وهذا كفيل بتامين حياة جيدة ومستقلة
تحياتي
بغدادي
-
مرحبا للجميع
اخي بالنسبة للقلق والتردد مثل ما تفضلوا الاخوة
اي صح موجود وعند الجميع يعني احنا هم كعائلة مترددين كلش هواية
وخايفين خاصة اذا عندك بنات وبعمر حرج رح تخاف اكثر بس هذا هم مستقبل
صراحة احنا نفس الوضع ومنعرف شنو نسوي بس موكليها على الله
وان شاء الله كل واحد يروح للدولة الي يتمناها ويستقر
ويلكي المستقبل الزين والحياة الكريمة
-
طبعا في البداية انني اشكر جميع الاخوة الاعضاء للتخفيف عن همومي وأشكر الاخت ريم والاخ الخالدي الاصيل
والاخ arch.s على اجاباتكم المفرحة
اما بالنسبة للاخ بغدادي
شكرا اخي العزيز وممنون سوف اشرح لك وضعي اخر ما وصلني من iom قبل 3 اسابيع حيث قالوا لي انت الان معاملتك كاملة انتظر منا موعد للمقابلة والفحص الطبي
ملاحظة/ استلمت الكيس نمبر قبل 8 اشهر
-
فعلا اخونا امير كلنا قلقانين وخايفين لانه رايحين للمجهول ورايحين لحياة جديدة تماما عنا بس واحد يخليها على الله ويعتبرها درب فتحلنا اياه رب العالمين ليش احنا نسده نستخيره ونحاول طبعا يراد تعب وتحمل هناك بس تدري مرات الحقيقة تكون غير ما كلنا دنشوفها الكل تكول عندي اطفال واولاد وبنات اخاف عليهم من الحياة الغربية الحياة هناك بيها الزين وبيها الموزين والي يريد ينحرف متفرقله هوة بالعراق لو بمصر لو اميركا الله نطانه عقل وتربية الاطفال تحكم والطفل بسهولة يتأقلم وية الوضع والي دا اشوفه من اعضاء المنتدى الي راحوا اذا اكو مشكلة بالحياة هناك فهية الشغل محد اشتكى وكال صارت مشكلة لابني او بنتي او تعلم عادة محلوة بالعكس اطفالنا شطار وديمشون بالمدرسة بسهولة وحيكمل وياخذ شهادة جامعية امريكية هذا شي اذا بدينا نسويه لاولادنا فحرام نحرمهم منه شهادة من احسن دول العالم يمكن الي يشيل هم هوة الي ابنه او بنته بالكلية لانه ما اعرف شلون راح يتعاملون وياهم هناك لاختلاف النظام بس الطفل بالعكس كلما يوصل يعمر صغير كلما يتأقلم ويتعلم وتسهل عليه الحياة
ليش هنا ابغداد شديتعلمون اشو واحد ممأمن على ابنه لا من يروح للمدرسة ولا من يصادق غير طفل ولا من يريد يلعب وية احد من ورة الي ديصير
عذروني اخواني اذا كلامي ضايق احد اني ما عندي اطفال ويمكن حتكولون الي ايده بالنار مو مثل الي ايده بالمي بس هم افكر انه ان شاء الله يرزقني بطفل هناك وذاك بالعكس حيفتح عينه باميركا بعد شكدر افهمه ياعراق ياعادات بس الي طرحته مجرد رأي ومجرد احساس انه تربية الاطفال شكد ماهية صعبة هناك شكد ماهية سهلة وشكد ماهمة عدهم اهتمام ورعاية
-
اخي العزيز امير
تحياتي
انا فهمت انك الان في انتظار مقابلة الوفد الامريكي وهذا يعني انك في وسط الطريق وهناك اجراءات اخرى بعد حصولك على الموافقة انشاءالله ولكن لا تعتقد بانك ذاهب الى المجهول لان في حال عدم وجود كفيل فان وكالة التوطين ستقوم بتوفير سكن لك كما ان المساعدات الحكومية تستمر لفترة من 4-8 اشهر وحسب قانون الولاية..بامكانك ان تجد في قسم اهم المواضيع المثبته الاجابات لكل اسئلتك وانشاءالله موفق اخي العزيز بالاضافة الى ذلك عندما تصل الى مرحلى الدورة التثقيفية فبامكانك سؤال الموظفين عن اي استفسار يخطر ببالك وتقبل تحياتي
بغدادي
-
الشكر الجزيل للاخت ورقاء وايضا الاخ العزيز بغدادي
اخوكم امير البابلي
-
الاخ العزيز امير
صدقني ومثل ما تفضلوا الاخوة الكرام ترة الكل دايخة وحايرة ويمكن هذا الرابط اللي يجمعنا كلنا بهذا المنتدى واني قبل كم يوم هم طرحت حيرتي على الاخوة الاعضاء و مشكورين ما قصروا وياية بالرد والايضاحات والنصائح وتقدر تطلع على موضوعي والردود واعتقد مثل ما نصحك احد الاخوة انه تقدر تتصفح مواضيع المنتدى وراح تطلع على كثير من المعلومات اللي شاغلة بالك ومن خلال تجربتي بطرح موضوعي على الاخوة انصحك بان تستخير الله سبحانه وتعالى وتتوكل عليه وصدقني مثل ما اني اقتنعت انه انت صاحب القرار الاخير واللي المفروض ينبني على قناعة وحساب مقدرا كل الظروف المحيطة بك لانك تعرف ظرفي يختلف عن ظرفك وظروف الاخرين.
ادعو لك بالتوفيق ان شاء الله في اي قرار تتخذه علما اني لا ازال حاير اكثر منك.. ههههه
-
انا اشكرك اخي العزيز dramfent واقول انشاء الله ربك ميحير عبده
وادعو للجميع بالموفقية والنجاح
اخوكم امير البابلي
-
اخي امير البابلي السلام عليكم
اولا اهلا وسهلا بيك بعين كاوه
ثانيا كلنه مرينه بهاي المرحله ,بالنسبه الى اتاخرت سنتين تفكير وبعدين ثبتلي انه امريكا ولو غربه ولو صعبه بيهه الحياه بس احسللي من العراق واني عراقي !!
ثانيا اسال نفسك السؤال التالي
اتريد ابنك يدرس ويكبر وينشا بالعراق لــــــــــــو بامريكا ؟؟ هذا شي انته تحدده
ثالثا : باقتباس قليل من كتاب الله اعزيز يقول وعز من قال (( هو الذي خــلق لكــم الارض ذلولا فأمشــــوا في مناكبها وكلوا من رزقه واليـــه النشور )) وقال عز وجـــل (( الم تكن ارض الله واسعة )) صدق الله العلي العظيم
فشوف اخويه العزيز هذا قرارك انتـــــه وبس ومحد يكدر يغير اي شي الا انته
قرارك اختيارك
ومن الله التوفيق للجميع
اخوك ابو عبدالله
-
مشكور اخويه ابو عبد الله اكيد القرار هو قراري بس اتمنه من الله ان يكون قراري موفق
-
اخوية امير البابلي ...
بسم الله الرحمن الرحيم ( ومن يتق الله يجعل له مخرجا ويرزقه من حيث لا يحتسب ) حبيبي انتة مو الشخص الوحيد اللي راح يروح الاف الناس قبلك راحت وعايشة ودتشتغل ... اعتبر نفسك سايل من بيتك لبيت ثاني ...توكل على الله ...ما خسران شي ...الحياة تجارب ... وهاي التجربة فريدة لان ممتوفرة لكل واحد ...لتخاف الله سبحانه وتعالى ميعوفك ... ونصيحة اخوية توكل على الله وخلي ابالك هدف وحاول تفكر بايجابية وتكون انسان قوي ...انته بس تشوف البيئة هناك غير شكل راح القلق يروح وتمضي بحياتك انشاء الله بس الشغلة يرادلهة شوية صبر ...
والتوفيق من الله ...
اخوك زورو
-
شكرا اخويه زوروعلى هذه النصيحةواني ممنون منك وانشاء الله الموفقية للجميع