ankawa
منتدى الهجرة واللجوء => الهجرة و واللاجئين => الموضوع حرر بواسطة: EZE في 14:26 16/08/2009
-
اعزاء اعضاء المنتدى الكرام....السلام عليكم
اخوان اني امقدم على الSIV و دا انتظر المقابله و زوجتي حامل بشهر الخامس احد يعرف هل الحمل راح ياثر على السفر يعني يخلوني اسافر لو لا
وشكرا جزيلا
-
الاخ EZE
السلام عليكم
اخي اذا قلت لنا بأي مرحله انت راح اقلك شنو اللي يصير لكن بكل تأكيد الحمل مراح ايأثر على السفر لكن اذا كنت واصل مرحلة المقابلة وزوجتك بالخامس وهو انسب موعد لسفر الحامل على طائرة لان قبل هذا الموعد خطروبعد السادس هم خطر بس اطلب منك اتقلي انت باي مرحلة،لان اذا بالمرحلة الاخيره اكيدولادة زوجتك قبل السفر راح يطلبون منك فقط جواز للطفل الجديد جواز جي قبل ان تصدر الفيزه لك مثل ما حاصل معي لاني ولدت شهر الثاني وبالمقابلة رفضو جواز اس وطلبوا جواز جي بس هذا التاخير وغيره لا يوجد.
ام ياسر
-
اخويه اذا شغلتك واصله للحلك يعني الفيزه قريبه ان شاء الله متاثر عليك لانوا شهر الخامس ما ياثر بالطياره لانوا صاحبي اجه siv وزوجته جانت بالخامس و جابت هنا وماثر عليهم بس اذا دخلت بالسادس ما اعرف التفاصيل شلون
-
اخي العزيز اذا صار موعد السفر وزوجتك خلال او مكملة 32 اسبوع يعني بالعامي 8 اشهر فممنوع تسافر ولازم تنتظرون ولادة الطفل اي شي قبلها يسمحولك تسافر فخلي الطبيبة المسؤولة عن زوجتك او طبيبة السونر تحددلكم بالضبط هية هسة كم اسبوع
ان شاء الله بالسلامة
-
شكرا على مساعدتكم اخواني الاعزاء
اني هسه اوراقي و اوراق زوجتي بالNVC يعني بالمصطلح الدارج ببحر الظلمات بقه بس الفحص الطبي و المقابله
-
اتمنا تلحكون بس من راح يجي موعد المقابلة اذا الله سهلها عليك تطلع الفيزا نفس الاسبوع وراها فد شهرين السفر يعني يصير الوقت حرج بالنسبة الها خليها على الله اهم شي قبل 32 اسبوع
وسلامتها
-
اخي العزيز
انشاعالله كل مشكله ما عندك من حيث السف قانونيا بس المشكله اذا صالرت ولادة زوجتك خلال فترت السفر بعد حصولك على الفيزا لان بهاي الحاله صحيا متعبه للزوجه ومشكله بالنسبه لربط معامله شخص ثالث بالكيس وطبعا مو مستحيل بس مزعجه لان لازم تقدم على تاجيل من السفاره الامريكيه على سفرك
والله الموفق
اذا تحتاج اي شي اني برسم الخدمه
اخوك ابو عبدالله
-
تسلم اخويه ابو عبد الله و اني ممنون الك و انشاء الله اذا احتاج شي بس لا تنساني و شكرا
-
اسف لعدم تمكني باضافه معلومه و بارك الله بكل من رد على الموضوع ,,,,,
-
اخوية العزيز اني هم مثلك وزوجتي هسة راح تدخل الشهر الخامس بس الفرق بيني وبينك اني واصل للمقابلة ومقابلتي الشهر القادم على كل حال اني سالت هواي على هذا الموضوع وسالت الطبيب الي سويت الفحص الطبي يمة بالمنطقة الخظراء وهو اكدلي وكال انو هو بنفسة سال القنصل على هذا الموضوع والقنصل كايل موضوع الحمل مياثر نهائيا على الفيزا عادي جدا بس مشكلتك الوحيدة ويا المطارات وبصراحة لحد هاي اللحظة مامتاكد اني خالها على الله لان اكو جماعة يكولون تكدر تطلع بشهر التاسع بس لازم تتحمل مسؤليتها وناس دكول اذا بشهر السابع ميخلوها تطلع وهي حيرة لذلك خليها على الله مثلي وهي تصفه
تحياتي
-
السلام عليكم
اعزائي الاعضاء الكرام
انا احد الاشخاص الي مريت بهاي المرحلة وراح اشرح لكم التفاصيل لكي يستفاد منها الكل طبعن تعليق الاخ او الاخت ورقاء صحيح اذا دخلت السيدة بالاسبوع 32 ممنوع تسافر بس اكو شيء مهم وهو ان كل شخص المفروض يفحص والفحص الطبي بية اشعة والاشعة خطر على الحامل انا زوجتي حامل بشهر السادس وقالو لنا اذا تعملون الاشعة على مسؤليتكم طبعن انا رفضت لئن اكو دكتورة عراقية موجودة وقالت لزوجتي انا لو مكانك ارفض اعمل الاشعة والسبب اخوان اول 3 اشهر الاشعة تسبب بوفات الطفل واسقاطة ثاني شيء بعد 3اشهر يتسبب بتشوية خلقي وحتي اذا الطفل اذا ما اصيب سوف يتعرض الى امراض خبيثة في المستقبل هم يدعون فية واقي من مادة الرصاص لاكن هم مو 100\100 اقل من 90\100 يعني اكو خطورة اخواني انا لا انصح بئجراء الاشعة للحامل والانتظار كم شهر وتئخير السفر من اجل سلامة زوجتك وطفلك ولمصلحتك هاي نصيحة للكل
اخوكم جرح الزمن
-
اخونا العزيز جرخ الزمان
طبعا اني الاخت ورقاء ممكن اكون الاخ!!!!!!!!!!!!!!!!!!!!!!!!
دخلت بهذا الموضوع لانه اني طبيبة وعندي معلومات عن فحص الهجرة واللجوء
اول شي من الناحية الطبية اول 3 اشهر هية المهمة من حيث التعرض للاشعاع لانه الطفل في مراتحل تكوين الاولى والاشعاع يؤدي الى تشوه خلقي (احتمال مو دائما) الي قد يؤدي الى الاسقاط او امراض اخرى يعني مو اكو شي اول 3 اشهر واكو شي ثاني 3 اشهر
من تعبر الحامل 3 اشهر الخطورة تقل جدا بس احنا مننصح الحامل باي شهر بالتعرض للاشعاع لانه ممكمن احد يجازف بمصير طفل ولو كانت النسبة جزء من مليون
طبعا اكو واقي حديدي يستعملوا للمرأة الحامل وتقريبا ينعدم الخطر
واذا التعرض للاشعاع مرة وحدة مع واقي حديدي فتقريبا ماكو خوف
لكن مثل مكتلك هذا الحجي العلمي بس الحامل محد يكدر يجبرها تاخذ الاشعة
بقت مايتعلق بالهجرة
الحامل ترفض الاشعة وميأثر على موعد السفر اذا كانت اقل من 32 اسبوع ارجع وااكدها الكم ماكو شركة طيران تسمح للحامل انه تركب ب 9 اشهر
المنظمة اذا اقل من 32 اسبوع متأجل موعد السفر انما تدز الرفض مال المريضة معاها وعند الوصول بعد الولادة يتم اكمال اجراءات الفحص والاشعة
-
هسة اخوان اختي العزيزة الدكتورة ورقاء شكرا الملاحضاتك القيمة لكن هذا الشي احنة واني متاكد منة الاشعة تاثر على المراة الحامل واني ما اخذت اشعة الزوجتي والطبيب كال كلش عادي ومتاثر على موعد الفيزا مشكلتنة هسة وية المطارات اني زوجتي بالشهر الرابع حاليا وكل 29 بالشهر تدخل شهرها موعد مقابلتي الشهر القادم يوم 8 يعني يخلوني اسافر لو لا؟
اذا ماكو جواب اكيد خلوني عايش باامل رجاءا
تحياتي
-
اخواني و اخواتي الاعزاء
اني قريت و دورت بمواقع شركات الطيران
اكثرهه يعني 90% ميخلون المراه الحامل تصعد الطياره اذا هيه فوك ال 36 اسبوع(لان يخافون لا تجيب بالجو) الا عدهه رساله من الطبيب مالته لتاكيد موعد الولاده (due day) ولهذه اذا احد قرر يسافر ويه مرته الحامل لازم ياخذ رساله من الطبيب و بالنسبه لاشعه الفحص بالمطار تكدر المراه الحامل ان تطلب تفتيش يدوي بدون سكان بالاشعه و لمعلومات اكثر شوفوا هذه الموقع:
http://www.babycenter.com
-
اخوان نقلا عن موقع اميركي.....
ماذا عن سفر بِالطائرة بينما أنت حبلى؟
السفر بِالطائرة يُعتَبرُ أمين للنِساءِ بينما هم حبلى؛ على أية حال، الأفكار التالية قَدْ تَجْعلُ سفرتَكِ مريحة واكثر أماناًَ.
* أكثر شركاتِ الطيران تَسْمحُ للنِساءِ الحبلى للسَفَر خلال شهرِهم الثامنِ. السفر أثناء الشهرِ التاسعِ يُسْمَحُ عادة إذا هناك رخصة مِنْ مجهزِ رعايتكِ الصحيةِ.
المصدر وباللغة الانكليزية
http://travel.maktoob.com/vb//redirectLink.php?link=http%3A%2F%2Fwww.americanpregnancy.org%2Fpregnancyhealth%2Ftravel.html
-
اخواني الاعزاء
الاشعة اذا بس مرة وحدة(مرة وحدة) مع واقي حديدي متأثر
وهاي همين مننصح بيها الا بالضرورة القصوى
وشغلة السفر مو ضرورة قصوى لانه رفض الاشعة للحامل مسموح وميأثر على الفيزا ولا على موعد السفر
لانه هناك من تكمل الولادة مالتها ايسولها اشعة
طبعا اكيد اكو شركات طيران متساهلة
بس فكروا بيها اخواني
الطريق طويل ومتعب ومهلك بعد للحامل اشلون
الي اعرفه انه ال IOM هنا محددة موعد 32 اسبوع
اكثر ممكن تسافر لانه خطر اذا صارت تقلصات بالمطار لاسامح الله اشلون؟
ورة متستلمون الفيزا وتدزوها خلود الحموي تتصل وواحد من اسئلتها
is your wife pregnant if yes in what month?
الاخ storm 2
يعني يوم 29-8 تصير 5 اشهر
وورة المقابلة خل نكول فد شهرين للسفر
يعني 7 اشهر
يعني ان شاء الله تلحكون وينولد الطكفل هناك وبجنسية امريكية
-
الله يسمع من حلكج انشالله