ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو ايوب في 23:28 16/08/2009
-
اخواني واخواتي اريد معرفة هل توجد عنصريه من ناحية الحجاب في امريكا وايضاًفي المقابله الاولى والثانيه والمحلفين هل توجد لديهم نضره مغايره
-
لا اخي ماكو اي عنصرية من هاي الناحية اطمئن جائز قبل كم سنة صارت مشاكل بس هسى ما اعتقد اكو
-
اطمن اخ ابو ايوب ماكو اي تمييز في هذه الناحيه وكلش عادي الموضوع سواء بالمقابلات او بالسفر او من خلال المعايشه في داخل امريكا
اختكم ريم
-
لا توجد اي مشاكل من هذا النوع، حتى المدارس تمنع اغطية الرأس باستثناء اغطية الرأس الطبية والدينية وهذا كان مكتوب بكراس المدرسة الخاص بأبنتي - يعني بعبارة اخرى الشفقة الكابوي ممنوعة والحجاب مسموح
يعني صدك ناس اوادم واخلاقهم عالية بالرغم من ان بنتي غير محجبة
-
العنصريه والتخلف والتفرقه في بلدان الشرق الاوسط فقط . في أميركا لا تفرقه ولا عنصريه ولكن ولله الحمد بعض من الجهلة ومن مزبلة العراق جاؤوا الى اميركا يحملون معهم الطائفيه المقيته!
الحمد لله المعامله ممتازه في اميركا للنساء المحجبات بل الاحترام في اميركا للمرأة المحجبة اكثر من بلداننا((الاسسسسسسلاميه 100%%%%))
-
اخي الكريم اني اهلي كلهم هناك بامريكا محد يسأل انت من أي بلد يا عشيرة شنو ديانتك ليش لابس هيج ليش مالابس هههههههه
اخي اني اعرف جماعة حتى لابسين نقاب وهسة بأمريكا و جماعة الهجرة ماالهم اي علاقة فلا تشيل هم بالنسبة لهاي الشغلة
اني عشت سنتين في سوريا في محافظة اللاذقية يمكن ماراح اتصدقني اذا قلت لك اللابسة حجاب بهاي المحافظة يعتبروها من ........ افتهمت بعد انت صدقني فالعرب هاي فكرهم دائما متخلف
اتوكل بالله و حتى أذا تريد تروح لحسينيات للكنسية لمعبد بوذي روح وماالك علاقة
اخوك رافد
-
http://www.youtube.com/watch?v=KZ513u6zldE
http://www.youtube.com/watch?v=ojQ2yUTgD7E&feature=related
http://www.youtube.com/watch?v=y_dPc2X_iCQ
-
حبيبي ابو ايوب المعاملة بكل احترام وتقدير هذا اللي شفتة اني.
تحياتي للجميع
-
اخواني اني اسمع دائما ومن الامريكان انفسهم اللي يشتغلون ويانة انه هناك كثير من المحجبات في امريكا ويتعاملون معهم بشكل عادي جدا جدا .
لكن اقولها وبكل امانة يوجد فئة قليلة جدا في امريكا لازالت تاخذ نضرة سيئة على المحجبات وهذا ايضا نقله لي احد الامريكان قال بعضهم عنده فكرة ان الحجاب يرتبط بشيء اسمه الارهاب بسبب احداث التفجيرات ولكن هذه فئة قليل جدا .
الشيء الثاني الذي ذكره لي احد الموظفين الذي سافر الى امريكا قبل سنة تقريبا عنده بنت صغيرة عمرها عشرة سنوات وهي محجبة يقول انها في البداية بدا بعض الاطفال بالمدرسة يضايقونها لانها ترتدي الحجاب واقو ل بعض الاطفال وليس الكل .
ولكن ارجع واقول هذه بعض التصرفات الفردية وامريكا هي بلد الحريات ولااحد يتدخل في شؤون الاخرين.
اختكم لوتس
-
لا ما اعتقد الحجاب اكوا احد يحجي عيلة يعني اذا ابتركيا اسويلك مشاكل ابامريكا ما اكوا شي
-
الحجاب مالة علاقة با امريكا وما اكو احد يعترض علية
اني خالتي محجبة وتشتغل ولا بشغل ولا بالشارع احد ايباوع عليهة ولا الهم علاقة بيهة
بالعكس يحترمون هلشي وكل انسان حر بنفسة
-
قبل خمس سنوات وحدة بطلوها من الشغل على مود لبس الحجاب راح اشتكت يم دائرة ضد التميز العنصري
الي اني كتبت الكم رقم الدائرة بموضوع اخونا المهاجر ووكلت محامي بالدفاع عنها بدون دفع فلوس له يعني المحامي كان من هذة الدائرة وكسبت القضية واخت تعويض من الشركة الي بطلوها بسبب الحجاب حوالي مئة الف دولار وهم رجعت تشتغل خصبا عن صاحب العمل هاي القصة كانت لسيدة مغربية بولاية اوهايو هسى عرفت ليش ما يكدرون يمنعونا المحجبات من العمل ولا يعترضون على اي شي
-
اخواني احنه ليش نتعجب ونكول في امريكا لايهتمون الى الحجاب ليش اللي صار قبل كم شهر نسينا مو اكبر واقوى دوله بالعالم انتخبوا رايسا لهم من اصل افريقي فهل توجد دوله بمثل هذه الديمقراطيه . اخوان امريكا بلد جميع الاجناس والاديان وقيام دولتهم اعتمدت على هذا التنوع فلا يتصور اي شخص بالعالم اذا وصل الى امريكا ان هناك تمييز بينه وبين شخص اخر امركي كان ام غير امريكي ومثل ماكال ابو المثل ( عرب وين وطمبوره وين ) ودعائي للجميع بالموفقيه
اخوكم الخالدي الاصيل
-
شكراً اخواني واخواتي وصلت المعلومةواطمئنيت