ankawa
منتدى الهجرة واللجوء => الهجرة و واللاجئين => الموضوع حرر بواسطة: علي الكندي في 10:31 17/08/2009
-
السلام عليكم
قبل ان ابداء بالكلام اريد ان اقول ان في هذا المنتدى احساس غريب اقسم باللة فعندما اقراء المواضيع والردود اشعر كانني حقا بين عائلة عراقية كبيرة وهذا الشعور يبعث على الاطمئنان لذلك اتمنى ان يستمر هذا المنتدى نحو الابداع
اخوتي واحبتي اتمنى ان تجيبوني عن كل ما تملكون من نعرفة عن سؤالي
نحن عائلة متكونة من والدي 63 سنة
والدتي 53 سنة
وشقيقتي وانا
نسكن في الاردن في عمان بتاريخ 15/9/2008 اتصلت بنا المفوضية UN بشان التوطين واخذوا منا صور وكالو انتم توطينكم على امريكا وكالوا تقبلون كلنالهم اي ثم كالوا وقعوا واحنا وقعنا
ومن تاريخ 15/9/2008 الى الان وراح يصير سنة ولا اتصلوا بينا ابد وكل منتصل بيهم يكولون معاملتكم بالتوطين شنو السالفة مندري علما ان الوالد كان عسكري بالجيش السابق
اتمنى ان احد يجاوبني عن سبب التخير
تحياتي
-
اخي العزيز
حسب اعتقادي انه انتو من قابلتو توطين وانطيتو الصور كالولكم احنة راح نرفع قضيتكم للمسوول وهوة عنده القرار النهائي بقبول توطينكم او لا يعني مقابلة التوطين بالسنة الاخيرة خصوصا لا تعني مية بالمية التوطين بس اعتقد بالنهاية راح تتحرك الملفات المجمدة ان شاء الله
اخوك عبسي
-
اتقدم اليك اخي عبسي بالشكر الجزيل
اخي العزيز صحيح مثل ما كلت احنا من قابلنا واخذوا الصور كالت المستشارة اني راح انزل الملف الى اللجنة وهاي اللجنة اذا وافقت هي راح تمشي المعاملة بس اذا رفضت راح نتصل بيكم بنفس اليوم وانتظرنا وماكوا ولا واحد اتصل بينا
وكل منتصل بيهم مرة يكولون تحت الدراسة ومرة يكولون جاهزة واحنا نتصل بيكم وهاي راح يصير سنة ولا واحد اتصل بينا
تحياتي
-
الاخ علي بالبداية مرحبا بك بالمنتدى
اخي الكريم بالنسبة لملفك فنعم أتاخروا عليكم بس ان شاء الله اكو تسريع وتحرك بالمعاملات بس اكو شغلة واحدة انه ذكرت انه الوالد عسكري بالجيش فأذا ذكر انه كان مشارك بعمليات قمع الانتفاضة او مشارك بتطهير عرقي سواء بالشمال او الجنوب او مشارك بأحداث الكويت فهذا يمكن سبب التاخير لان همه كلش حساسين من هاي الشغلة و من الحزب والعسكرية هذا رايي الشخصي وليس قانون
ان شاء الله تسمع اخبار جيدة
أخوك رافد
-
اتمنى لك اخبار فرحه
-
شكرا لكل الذين قاموا بالرد اتقدم اليكم بالشكر الجزيل
صحيح انهم كانوا يدققون في الاسئلة العسكرية لكن الوالد اصلا لم يكن مشارك في مثل تلك الامور من القمع واخره فلذلك لم يخبرهم بل اخبرهم بالحقيقة وبدرجته كنقيب في الجيش وبالدرجة الحزبية لكن نحن نعتقد ايضا ان سبب التخير هو كون الوالد عسكري لاننا سمعنا ان المعاملات العسكرية تاخذ وقت طويل جدا
عموما الله كريم وشكرا مرة ثانية
-
أخوان اني مهندس عراقي انكليزيتي زينه لا باس بيها كنت اعمل مع شركات هنا في بغداد ولكن العمل الان قد شح كما تعلمون والان انا ارغب في ايجاد عمل مع شركات امريكية او منظمات او اي وظيف وامنى احص وظيفة في الكورب اوف انجنير طبعا الاخوان المهندسين اتمنى ايساعدوني بهاي الشغلة شكرا