ankawa
منتدى الهجرة واللجوء => الهجرة و واللاجئين => الموضوع حرر بواسطة: alsarmd في 16:21 17/08/2009
-
اني ارفض لجوئي بالسويد وارجعت لان عندي عائله بس هسه كلش متأذي واريد اطلع اني والعائله الى تركياواقدم للامم الله يخليكم بس سؤال اكدر اكول الهم اني كنت بالسويد وارفضت لو خاف يرفضوني اني ما عندي اي فكره الله يخليكم الي عنده فكره يجاوبني لان والله متاذي
-
اخي العزيز هل انت انرفض لجوئك بالسويد او انت رفضت اللجوء اذا بصمت بالسويد فلازم تكللهم عند تقديمك لان اذا تحول ملفك الى التوطين والمحلفين فاول سؤال حيسالوه الك هل انت مبصم بسبب جنحه لاسامح الله او لاي سبب واني اشوف بان تكللهم بان رحت انت للسويد وهو اهو شي ياأخي العزيز انت تكون قصتك مقنعه عند التقديم وحاول ان تقدم من الاردن انت وعائلتك لان اسرع .
ملاحظه/ هل انت دخلت للسويد عن طريق فيزا الاتحاد الاوربي لو دخلت بدون فيزا في حالة بدون فيزا واذا انت كنت بصم بالسويد حتكون شغلتك صعبه لان ميحبذون التوطين واحد داخل بالدول بصوره غير شرعيه الحقيقه اني مسامع واحد رجع من السويد وقدم أذا أكو أحد من المنتدى يعرف معلومات اكثر مني انشاءالله الكل يساعدك بموضوعك وانشاءالله اكون اني فدت بشي.
تقبل مروري.....
أخوك
الحديقه من عمان
-
والله يا اخي العزيز اني مسامع احد جاي من السويد ومقدم علة اليو ان بس اني اعرف ناس اكثر من واحد جاي من اليونان وعندة طبع اصابع باليونان واجوي لتركيا وقدموا وانقبلوا لامريكا بس السويد بصراحة مسامع بلكي الاخوان يعرفون شي
-
اهل اخويه اولا ما انصحك تجي ال تركيا لان صايره كلش بطيئه مصاريف ثانيا اني اعرف شخص سافر ال امريكا بس جان رايح اسبوع للسويد او جان ناوي يقدم مقدم او همه جابو ملفه من السويد واتكدو والرجال هسه صارله كومه من سافر
-
الاخ السرمد
الاخ حديقة
تحية طيبة
اني حالتي نفس حالة الاخ سرمد كنت في بالسويد 2003 وقبلها كنت بالمانيا ورجعت قبل الحرب الاخيرة
وبالمقابلات وضحت بان اني دخلت المانيا والسويد بطريقة غير شرعية وعدت الى بغداد وسافرت الى مصر وقدمت في اليو أن توطنت حولوني الى الي او ام والامور ماشية والحمدلله بس اذا ما ذاكر باول المقابلات لدى اليو ان ماكو داعي يذكر السفر اصلا لان البصمات خاصة بدول الاتحاد الاوروبي واني ذكرت لجوئي في السويد والمانيا عسى ولعلى يوطنوني في السويد كون والدتي واخوتي كلهم في المانيا والسويد ارجو ان وصلت الفكرة
واني حاضر لاي سؤال
ابو فهمي
-
يا هلا بيك اخوي , آني مثلك مرفوض بالسويد , يمعود طول بالك , شيصير بعد أكثر
اخوية آني أعرف موضفة سويدية تشتغل بمكتب الهجرة والاجئين التابع للأمم المتحدة , فرع السويد , طبعا هذه المكتب فد شي رمزي ماله شغل بس إستفسار ومعلومات , وهية بنفسهه كلتلي ماكو اي إشكال تكللهم انك مرفوض جنت بالسويد , لأن رفضك جاي من عملية تقييم مكتب الهجرة السويدي لوضعك , ومو بالضرورة يكون صحيح ولا أله أهمية في تقييم الأمم المتحدة لحاتلك , هية اكدتلي انو ماكو اي اشكال , هذه تقييم وهذه تقييم وماكو علاقة , والعهدة على الراوي مثل مايكولون ,,,,, والله أعلم.
-
اخى العزيز انى واحد من الذين تم رفض طلب لجوئى فى السويد عام 2008 الشهر الخامس ورحت للسويد تهريب فى بداية 2007 وبعد رفضى رجعت اجبارى الى العراق ولانى صاحب عائلة اخذتهم الى لبنان وقدمت على اليو ان واخبرتهم بانى كنت فى السويد وانرفضت وقدمت كل اوراق الرفض وماكو اى مشكلة ولحد الان مقابل مقابلتين ومنتضر التوطين والله يسهل على الجميع واى شى تحتاج انى حاضر
-
اخواني اني ممنون هوايه على اهتمامكم واشكركم كلكم بس اخويه باسل اني مثلك دخلت تهريب للسويد نهايه 2007 واجاني رفض بال8\2008 ورجعت بالثالث2009 لان عندي عائله وهسه ضروفي اسوء اكدر اعرف انه قبلتك الامم يعني باقي بس تحدد اي دوله واكدر اعرف لبنان تنطي اقامه اذا ماكو زحمه الله يوفقكم
-
اخى العزيز نعم الامم المتحدة قبلونى واختاروا لى امريكا وملفى حاليا فى اخر مرحلة من مراحل قيد الدراسة حسب اخر مراجعه لى قبل اسبوع واذا رفضنى الوفد الامريكى لا سامح الله هناك امكانية قبولى على غير دولة كندا او استراليا وبالنسبة لسوالك عن الاقامة هناك عده طرق للاقامة اذا عندك اولاد فى المدارس تاخذ اقامة الهم ولوالدتهم لمدة سنه قابلة للتجديد مثل ما انى مسوى وبالنسبة الك كل 3 اشهر لازم تجدد الاقامكة اما ان تخرج وترجع مثلا الى اربيل او تسوى اقامة دراسية اى تسجل بالجامعه وتاخذ اقامة لمدة سنه تتجدد تلقائيا كل سنه وممكن تلكى كفيل لبنانى يتكفلك وتاخذ اقامة وانى حاضر لاى مساعدة
-
طلعت الجماعة هنا كلهه مرفوضة من السويد :)) بس آني بعدني بالسويد :)) هسه شهر شهرين يجيني الرفض الأخير ولو ألحك اطلع لأمريكة لو أرجع للعراق العظيم :) تحياتي للجميع.
-
alsarmd اخوية العزيز اني مثل حالتك حاليا عل ابواب الرجعة وانشالله نهاية الشهر اني بل عراق وراح ابدي من جدة وجديد كول يالله وانشالله محلولة مثل مشجعوني الاخوان اهنا مقصرو والحمدلله اهلي وصلو لامريكا واني راح ارجع واقدم من البداية ..انشالله ربك يحلها
اخوية بغدادي 75 داعيك من المرفوضين واجالي غلق ملف وراح ارجع اكو خير من الله من جماعتنا بس الكل مترددة بل رجعة ..انشالله محلولة وياك يارب