ankawa
منتدى الهجرة واللجوء => الهجرة و واللاجئين => الموضوع حرر بواسطة: osama5477 في 22:24 17/08/2009
-
السلام عليكم ،
اخواني الأعزاء ابن عمي جاي للأردن صارلة شهرين يعني فات شهر على الفيزا الي اانطوهيا بالمطار وهوة مقدم على ال IOM ومكمل كل المقابلات ، فهوة يخاف لا تصيرلة مشكلة وية الأردنين رغم اني طمته انه الموضوع طبيعي ، سؤالي هل ممكن يحصل اقامة 3 اشهر حتى ولو كان متجاوز شهر او اكثر ، يعني ممكن يسوي فحص دم ويروح على مركز الشرطة ويدفع غرامة ويسوي الأقامة لو يكعد ويسكت احسن اله هوة موعد استلام الضرف مالته 5-9 وسوه فحص طبي ، ارجوا ان تساعدوني بهذا الموضوع
وشكراً
-
اخي الكريم طول ماهو بحاله محد يجي عليه الامر طبيعي جدا ومن باب التاكد خلي اي واحد من معارفكم بعمان ايروح لوزارة الداخليه ويسألهم ايصير ايجدد لو لا؟
-
على ايامنا التجديد من مركز الشرطه
يروح لمركز الشرطه ويسال و على الاكثر اذا لساعهه قانونهم التحفه ايجدد 3 اشهر يدفع غرامات الشهر 45 نيره على كولتهم الله لا ينطيهم العافيه و ينطو اقامه 3 اشهر من اليوم الي انطو الاقامه
واذا يريد يتاكد اكثر او ااممن يروح للداخليه ويسال و لا تخاف ميسووله شي لانوا الي يلزموا بس ديشتغل يترحل غير هيج ماكو ترحيل
-
اخي اسامه
اني بالاردن والي اعرفه عن الاشخاص الي ايدخلون الاردن عن طريق الفيزا ينطوهم شهر مثل ماتفضلت .. وره مايخلص الشهر ايروحون لمركز الشرطه ايجددون الاقامه مالتهم هاي شي كلش طبيعي واذا كان متاخر كم يوم يدفع الغرامات ...
بخصوص حاله ابن عمك عنده خيارين اما ايضل مايجدد الاقامه مالته وهذا شي عادي بعمان اغلب العراقين مجاوزين وعدهم ورقه الحمايه مال يو ان ... فاحسنله ايروح لليو ان بدير غبار ايقدم على ورقه للحمايه ابعمان حتى لو هو مقدم دايركت اكسس لل IOM من ايقابل بال يو ان بعد ان ياخذ موعد ايكللهم اني اريد ورقه حمابه فقط لان اني عندي ملف يم ال IOM وراح ينطوا مباشرتأ ... وراها اذا الله قسمله وسافر بالمطار لازم يدفع الغرامات الي عليه لان هو تقديم مباشر لل IOM ولو كان مقدم عن طريق ال UN جان مادفع ولادينار ...
او ايروح ايجدد الفيزا مالته لمره واحده فقط ومن راح تخلص مره ثانيه مراح ايجددوها اله وراح ايظل متجاوز..
برائي الشخصي ايسوي الاختيار الاول وان شاء الله الموفقيه للجميع
شكرا
محــ2009ـــمد
-
مشكورين اخواني الاعزاء هوة اني هم نصحتة يروح لل يو ان ويطلع ورقة حماية ويعوف موضوع الأقامة كلنة متجاوزين