ankawa
منتدى الهجرة واللجوء => الهجرة و واللاجئين => الموضوع حرر بواسطة: haider111 في 14:36 18/08/2009
-
السلام عليكم اخواني اخواتي
اخوان بس ردت اعرف مستمسكات الي يجب ارسالها للاي اي في
اني دزيتلهم حاليا الريكومنديشن والاجح ار لتر والجواز والمعلومات العامة عني
واكو فورم اسمه دي اس 157 هذا هم لازم امليه وادزه؟ هذا السؤال الاول
واذا يريدوني ادزة مكتوب بي فقرة اسم ورقم وعنوان شخص اعرفه بامريكا واني ما اعرف احد شلون؟
واذا اكو بعد فورم لازم ادزه ياريت لو تكتبوا الي شنو النقص بالاستمارات
والسؤال الاخر خارج الموضوع انه اني من دا اكتب الكم الرسالة دا اكتبها بالورد واسويلها كوبي لانه ما اكدر اطبع عربي بالمنتدى ما اعرف شنو السبب
شكرا الكم وتحياتي للجميع
اخوكم / حيدر
-
تحياتي اخويه حيدر
بخصوص استماره DS-157 هاي لازم اتكون اول شغله ترسلها بالايمل الاول لجماعه الاس اي في ... وطبعا ماكو استمارات ثانيه فقط تملي هاي الاستماره مع الاشياء الي ذكرتها وترسلها ...
وبخصوص عنوان الشخص بامريكا اذا عندك تكتب عنوانه واذا ماعندك تكتب N/A
وبالنسبه للكتابه بالعربي ماعرف ليش ايصير عندك هذا الاشكال اني هسه داكتبلك وبالعربي وماكو مشلكه
شكرا
محــ2009ـــمد
-
اخي الكريم السلام عليكم حيدوري
اهم فقره هي فورم الدي اس 157 بالخطوه الاولى في للمعامله ال اس اي وطبعا انته مسوي كلشي بس ايضا تحتاج نسخه من الباجات مالتك ورسالة تهديد تكتبهه من يمك تكول بيهه انو حياتك بخطر (( فبركهه واحتفض بنسخه منها ))
الباقي جاوبك عليه اخونا محمد وكفو منه
-
شكرا اخوان تسلمون وفيتوا وكفيتوا محمد وشوقي تحياتي الكم واتمنى الكم الموفقية وربي يسعدكم
اخوكم حيدر
-
عمي ابو الكرار برسم الخدمه اني مشيت بالمعامله من الاف الى الياء واذا تحتاج شي فابد لا تتردد
اخوك ابو عبد الله
-
اخوان بلا زحمة عليكم
هم دزيتو شي مترجم من المستمسكات الشخصية للسفارة بالخطو الاولى؟
و كذلك الواحد شنو لازم يحظر علمود الخطوة الثانية: واذا امكن الاميل مال سفارة شي يكول لتدز لل ان اس في
تحياتي
اخوكم
شقلاوي
-
الاخ حيدر و الاخ شقلاوي ,,,,,
الي ذكره الاخوان هو عين الصواب ولكن اريد اضيف بان بالفترة الاخيرة صايرين جماعه الكوم حييييييييل يتفيكون عالعالم ,,,,,, لذلك بالنسبة لرساله التهديد من تكتبهه وراها اطبعهه ,,, وقع عليهه و ارجع سويلهه سكنر ,,,,,, و دزهه ,,,,,
بالنسبة لترجمه الوثائق ,,,, نصيحتي بان تدز ترجمه لاي شي بالعربي ,,,,, اكو موضوع اني كاتبه بي اتاجمنت مال اقرار المترجم الي المفروض ينشمل ويه الوثائق ,,,,, هم يفيدكم ,,,,,