ankawa
منتدى الهجرة واللجوء => الهجرة و واللاجئين => الموضوع حرر بواسطة: اهلي ياعراقين في 01:32 19/08/2009
-
السلام عليكم ورحمة الله وبركاته
( اهلي ياعراقين ياناس ياطيبين خلونا نعيش اخوان انسان يحب انسان )
اخوان الله يحفظكم على كيفكم وخلي واحدنا يتحمل اخوانه , الكل عايش بغربة سواء كان بالعراق اوخارجه واعتقد ان هذا المنتدى المحترم والكبير بكم ملكنا جميعا ومن حق الجميع ان يبدوا رائيهم فلا يوجد داعي للردود الجارحة وخلونا نتوحد , كافي فرقه على ابسط شئ نتنرفز ونتعالى على اخوانا واذا بكلمة محد يساعد اخوه لعد اشلون اذا احتاجه بشي اكبر ولو اني رأيي انه كلمة حلوه ووجه باسم ونظرة حنيه تسوه مال الدنيا ( والي يشوف مصيبة غيره تهون عليه مصيبته ) ===وارفع رأسك انته عراقي=== دمتم جميعا اخوة اعزاء
وتقبلو جزيل شكري وفائق احترامي .
ملاحظة :- اذا اي اخ معرف اني شأقصد خلي يقرأ موضوع الاخ يلمز \ العراقيين في وضع حرج ................
-
بارك الله بيك اخوي العزيز
هاي اخلاق العراقيين جميعا" وانساعد كل اخوانا بالغربة وبداخل العراق
شكرا" على موضوعك الجميل
-
ورده وشعور مشترك والله يديم المحبه وشعور جميل
ودعائي للجميع بالموفقيه
اخوكم الخالدي الاصيل
-
شكرا لك اخي
بالفعل هاي اخلاق العراقي وصفاته
حقيقة اتألمت من شفت الردود على موضوع الأخ يلمز بمكان منوكف ويا ونشوف شنو معاناته
كمنه نوجهله الردود الجارحه والتصنيفات
والشكر للاخ بيرج على مشاركته والأخ العزيز غسان الأشقر على ايضاحهم
تحياتي للجميع ورجائي انه محد يتسرع على الناس لان كلمن وظروفة
-
بارك الله بيكم جميعا على هل المعاني الجميله اللي لازم هي اللي تصدر هذا المنتدى الجميل0والله ياخوان صرت اتردد بالكتابه بهذا المنتدى بعد صدمتي من بعض الردود وكلت معقوله هذا المنتدى ايكون الكلام بيه بهذا المستوى لكن الحمدلله بوجودكم الطيب نكدر انصوب بعض الكلام الغير لائق
وتعاونوا على البر والتقوى ولا تعاونوا على الاثم والعدوان
اخوكم ابن الاعظميه
-
نعم اخويه
بارك الله جهودك الطيب تحياتي زونا
-
عاشت ايدك ياوردة على هالطرح الجميل والرد الرائع اللي سبق وان طرحته في ردي على الاتهامات والانتقادات المتسرعة اللي اطلقها وللاسف بعض اعضاء المنتدى في ردودهم للاخ يلمز.
اخوان خلونا نكون متسامحين متحابين متعاونين وهذا اللي سبق وان شفته في هذا المنتدى الرائع منذ ان كنت ضيفا لفترة ليست بالقليلة مما شجعني ان اسجل كعضو واطرح موضوع وجدت الكثيرين تفاعلوا معي مما شجعني اكثر واكثر بس للاسف اللي صار مع الاخ يلمز كان قاسي لكن مع ذلك من نشوف انه اكو هيجي انفاس طيبة نقول الف الحمد لله والشكر انه بعدها الدنيا بخير وهذوله الناس صدك "اهلي يا عراقيين، يا ناس يا طيبين" وترة مو كل اصابيع ايدك سوة
ارجو من الاخوان ان لا يستجعلوا بالحكم على الاخرين فكل واحد منا له ظروفه الخاصة واللي اكيد تختلف عن غيره وعلينا ان نقدر وضع الاخرين ونساندهم وندفعهم للامام مو نكسر بخاطرهم ونهبط معنوياتهم .
هذا المنتدى هو متنفسنا الوحيد فلنجعله بيتا لنا نرتاح فيه ولنكون عائلة واحدة في السراء والضراء. ولكم مني التحية