ankawa
منتدى الهجرة واللجوء => الهجرة و واللاجئين => الموضوع حرر بواسطة: علي الحلي في 08:36 19/08/2009
-
السلام عليكم
اخوتي الاعزاء
كنت مترجم مع القوات الامريكيه وبعد مرور سنه على عملي معهم صارلي مشكله وياهم واعتقلوني لمدة سنه وست اشهر وبعد ما طلعت انطوني اطلاق سراح وحاولت ارجع لعملي لكن كان الجواب اني با (البلاك ليس)
واحاول اقدم على الهجره سؤالي هو
شلون اقدم اكو تقديم عن طريق النت
واي احد يعرف شلون اسوي نظيف للملف او يعرف شلون اكدر ارجع لعملي واسوي هجره عن طريق الجيش
وشكرآ
-
السلام عليكم اخوي العزيز
اتصور سبق وان رديت على موضوعك السابق بس حبيت ارد عليك مرة ثانية ايجوز موضحت عندك الصورة
عزيزي طالما عندك اوراق ثبوتية تبثت انك اشتغلت وية الامريكان اكثر من سنة فة تكدر اتقدم على برنامج siv
وكذالك تكدر اتقدم على برنامح iom
وهذا الموضوع للاخ فالكون بية كلشي عن الهجرة الخاصة siv عن هجرة ال iom
http://www.ankawa.com/forum/index.php/topic,270934.0.html
بس ومع الاسف الشديد ممكن انو ترفض بسبب اعتقالك ولانك بلائحة القائمة السوداء ( بلاك ليست )
مثل مذكرت حضرتك ارجو اكون قد افدتك
اخوك جوزيف
-
عزيزي قدم اللجوء على غير دولة اميركا استراليا كندا سويد ....لان انت بابلاك لست مال الامريكان فستحاله تنقبل على اي برنامج من برامج اللجوء او الهجره
تحياتي
ساسي
-
عزيزي
اولا مسالة رجعتك للشغل اعتقد كطنه وشيلهه
مو لان صعب تصليح فايلك يمهم بس على الاكثر لان همه ديسرحون بالناس اللي ما عدهم شي وهواي راحو لامريكا عالاس اي في فما انصحك تقدم
بالمناسبة انته شعجب ذبوك جوه قابل فد واحد عضو فلكه جابحك بتقرير مرتب يا خوية
غير انت مسوي فد شي غلط
اما اذا اكو اشتباه بالموضوع وخطا منهم باعتبار انه تم اطلاق سراحك وهذا احتمال كلش ضعيف فقدم هسه عالبرنامجين وخصوصا اذا عندك فد ظابط برتبه زينه وتمون عليه (وهذا هم احتمال كلش ضعيف لان هذا يا ظابط اللي يضحي بمستقبله بالجيش علمود اي احد)
لاحضلي بهاية الصفحه:
http://travel.state.gov/visa/immigrants/info/info_4172.html
هاية العبارة:
Does a record of disciplinary actions that have been taken against an employee automatically disqualify the employee?
The COM, or his/her designee, must assess the gravity of the reasons for the disciplinary action and whether the record as a whole, notwithstanding the disciplinary actions, is one of faithful service. It will generally be more difficult for an employee to demonstrate faithful service if the record reflects that disciplinary action has been taken against the employee.
واللي معناهه واضح انه قضيتك ضعيفة بس مو نهاية العالم وجماعة الاس اي في او الاي او ام همه اللي يقررون مو الجيش وهذا قرار مختلف
هسه نجي شانصحك ولو اني بمكانك
1- قدم على اللجوء ببغداد (اي او ام) وانتضر
اذا اجاك كيس نمبر فمعناه مشكلتك مو كلش مستعصيه (طبعا بالتقديم اشرحلهم بانكليزية واضحه القصة من وجهة نضرك مال الاعتقال حتى يكولون هذا الولد صريح وهو سولفلنه) فبهالحالة قدم اس اي في
2- اذا ما اجاك كيس نمبر او انرفضت من الاي او ام من البداية (وهذا امر مستبعد اذا اوراقك كامله لان هذوله مكبرة ماكو واحد ميقبلوه ويدزوله كيس نمبر) فحاول تلكالك محامي امريكي وظابط جنت تشتغل وياه حتى يحركولك القضية
3- انصحك بالاشتراك بالLIST PROJECT للمترجمين بالانترنت www.thelistproject.org وهمه احتمال يوفرولك محامي ببلاش
واعذرني من التقصير