منتدى الهجرة واللجوء => الهجرة و واللاجئين => الموضوع حرر بواسطة: الخالدي الاصيل في 17:10 19/08/2009
العنوان: اخواني احد حصل iom مصر اليوم
أرسل بواسطة: الخالدي الاصيل في 17:10 19/08/2009
اخواني واحبائي السلام عليكم ورحمة الله وبركاته اليوم من الصبح للعصر اخابر على الiom في مصر ولا يوجد رد لا على الرقم القديم ولا على الرقم الجيد . فسؤالي هل احد اتصل بيهم اليوم وحصلهم ؟ تقبلوا فائق شكري ومحبتي ودعائي والله يوفق الجميع اخوكم الخالدي الاصيل
العنوان: رد: اخواني احد حصل iom مصر اليوم
أرسل بواسطة: roea في 17:19 19/08/2009
أخوية العزيز
أني هم نفس الشيء لا حصلت IOM عمان و لا IOM مصر ???
روية \ عمان
العنوان: رد: اخواني احد حصل iom مصر اليوم
أرسل بواسطة: mayada2009 في 17:39 19/08/2009
ورده اني البارحه اتصلت بيهم وكالو بكره راح ننقل للموقع الجديد واعتقد بيوم نقلتهم الي هو اليوم ما عدهم مجال يردون على اي اتصال لان اكيد مشغولين بترتيب وضعهم الجديد اذا تريد تتصل فاصبر يومين او تلاثه واتصل لان بكره الجمعه والسبت ميفتحون فانته اتصل على يوم الاحد الجاي وتدلل اختك/مياده/مصر
العنوان: رد: اخواني احد حصل iom مصر اليوم
أرسل بواسطة: الخالدي الاصيل في 18:11 19/08/2009
العنوان: رد: اخواني احد حصل iom مصر اليوم
أرسل بواسطة: طوطي في 18:16 19/08/2009
اني هم خابرت ماكو اي رد لان البارحة خابرتهم كالو بعد منستقبل مكالمات الى يوم الاثنين لان الاربعاء ينتقلون الى مكانهم الجديد
العنوان: رد: اخواني احد حصل iom مصر اليوم
أرسل بواسطة: abn iraq في 19:13 19/08/2009
اخوان اليوم اني اتصلت بهم وكلمتني الموظفة وقالت لا يستقبلون اي استفسار بسبب انتقالهم الى المقر الجديد ومن يوم الاحد المقبل يستقبلون الطلبات على الهواتف الجديدة ان شاء الله
العنوان: رد: اخواني احد حصل iom مصر اليوم
أرسل بواسطة: عاشق تراب العراق في 19:16 19/08/2009
يلة ان شاء الله المكان الجديد يكون وجهة خير علينة .
زين عادي نفس الارقام مو ؟؟؟؟
العنوان: رد: اخواني احد حصل iom مصر اليوم
أرسل بواسطة: Shebo في 20:47 19/08/2009
أخويه ليوم دزيت مبعوثين مني للمنظمه وشايفيها تصوصي ماكو أحد شايلين بس نطوهم العنوان الجديد وكلولهم عزلنا هنا تحياتي
العنوان: رد: اخواني احد حصل iom مصر اليوم
أرسل بواسطة: ethan texas في 20:52 19/08/2009
السلام عليكم
اني هم اليوم اتصل من الصبح للعصر ماكو رد ??? ??? حتى كلت بس لا بطلو بعد ملهم علاقة ;D ;D
يارب المكان الجديد ايكون مكان خير علينة يارب
اخوكم جوزيف
العنوان: رد: اخواني احد حصل iom مصر اليوم
أرسل بواسطة: كمال الشاطيء في 21:20 19/08/2009
ان شاء الله يكون المكان الجديد عتبته زينه علينا على كولت الوالده العزيزه
العنوان: رد: اخواني احد حصل iom مصر اليوم
أرسل بواسطة: near_far في 23:45 19/08/2009
السلام عليكم انشالله الموقع الجديد خير علينا كلنا اني اليوم رحت للموقع الجديد ولكيت اكو حراس كالوا ماكو شغل فاني واكف جان تجي موضفة هناك فكالتلي احنة متوقفين عن العمل مؤقتا واشالله نبتدي على الاكثر يوم الاحد (يعني مو اكيد )او بعدهة خلال الاسبوع . طبعا الموقع الجديد الكل عرف العنوان بس راح اوصف المكان حتى الي يروح ما يسال راسا يوصل
ثاني مدخل من مدينة المعادي من على الكورنيش (المدخل الثاني) تدخل بيه شارع مجاور للبانزين خانة (البانزين خانة بالوجه) تمشي توصل لفلكة تلاكي جامع على ايدك اليمين تدخل بالشارع الي يم الجامع فرع صغير وبعدين اول فرع على اليسرة تمشي مسافة على اليمين تلاكي المنظة مسويهة بفلا مو عمارة .
العنوان: رد: اخواني احد حصل iom مصر اليوم
أرسل بواسطة: الخالدي الاصيل في 02:15 20/08/2009
جزاكم الله الف خير اخواني واخواتي الاحبه على المرور والمعلومات ويارب كلنه نتصل الاسبع القادم ونلكه موفقاتنا كلها جايه ودعائي للجميع بالموفقيه اخوكم الخالدي الاصيل
العنوان: رد: اخواني احد حصل iom مصر اليوم
أرسل بواسطة: مريمانه في 13:08 20/08/2009
اخويه.... الخالدي
اني هم هسه دكيت وكلت اليوم خميس بلكي اكو شي ....طبعا التلفون الارضي مالتهم شايلي من الخدمه..وردو عليه على على الموايل وهم المنظمه طبعا تحجي من وره خشمها...كالت اليوم منستقبل اي استفسار..لان اليوم دننقل للمعادي....
بلكت نشالله المكان الجديد يكون عتبه خير على الجميع....وبالتوفيق للجميع
اختكم مريمانه
العنوان: رد: اخواني احد حصل iom مصر اليوم
أرسل بواسطة: ابو محمود في 14:17 20/08/2009
ممنون ابنيnear_farعلى وصفك الدقيق وانشالله مثل ماكالت بنتي مريمانه المكان الجديد يكون عتبة خير لكل المنتطرين
غمكم ابو محمود
العنوان: رد: اخواني احد حصل iom مصر اليوم
أرسل بواسطة: سالم 1980 في 16:02 20/08/2009
اني اشكر ا خوية الخالدي الاصيل على هذا الاستفسار المهم بالنسبة النا كلنا واشكر كل من ساهم باعطاء المعلومات القيمة وان شاء الله يا رب اكون مكان خير علينا وكله موافقات ومواعيد سفر باذن الله
العنوان: رد: اخواني احد حصل iom مصر اليوم
أرسل بواسطة: البحارالعراقي في 23:51 20/08/2009
العنوان: رد: اخواني احد حصل iom مصر اليوم
أرسل بواسطة: غريب اني في 00:24 21/08/2009
الى الاخوان شيبو والاخ جوزيف العراقي الاصيل والاخ العزيز الخالدي الاصيل وكل الاخوة راجيا المساعدة
عندي نسيبي بمصر امقدم على اليو ان سنة 2007 وبعدين وراها بفترة راح سكر الملف ليش ايكول
الي يقدم على اليو ان يسحبون منه الاقامة لان هو مقيم بمصر متزوج من مصرية هسه الذي صار شنو
اهله راح يطلعون الى اميركا يوم 25/8/2009 من سمع هيج اتخبل الولد مايعرف شيسوي ايريد يطلع على السريع كتله يابة على كيفك احنة واهلك مقدمين من سنة 2005 من عمان الشغلة يرادلها صبر
فهو كلفني اناشدكم شراح ايسوي يفتح ملفة لو ايقدم من جديد لو شلون
حسب قوله الي ايقدم من جديد لازم ينتضر فترة 6 اشهر يله يعطوه استمارة لاجى هل هذا الشي صحيح
ام لا ارجو ان تفيدوني لان هو اخو المرة بس مطفي
تحياتي لك اخوتي
غريب اني
عمان 21/8/2009
العنوان: رد: اخواني احد حصل iom مصر اليوم
أرسل بواسطة: غريب اني في 00:28 21/08/2009
عذرا اخوتي نسيت ان اقول لكم تكتبونة العنوان الجديد
وكم رقم تلفون واكون شاكر لكم وممنون
غريب اني
العنوان: رد: اخواني احد حصل iom مصر اليوم
أرسل بواسطة: الخالدي الاصيل في 01:14 21/08/2009
اخوتي الاحبه ممنون جدا على اجاباتكم وتحياتي للجميع وشلونك اخويه البحار العراقي اشو ماكو ان شاء الله نتقابل سويه في طياره واحده ودعائي للجميع بالموفقيه اخوكم الخالدي الاصيل
العنوان: رد: اخواني احد حصل iom مصر اليوم
أرسل بواسطة: ethan texas في 13:22 23/08/2009
اتصلت هسة بالiom طلعلي صوت لا هوة رجال ولا هوة مرة ما اعرف ياسبحان الله صوت محايد
كلي يوم الاربعاء يلا نكدر نجي استفسارات حاليا احنى ماعندى اي ردود على استفساراتكم
عاد رح ايجروعة ويعروهة اسبوع ايجر اسبوع والحبل على الجرار والله كريم