ankawa
منتدى الهجرة واللجوء => الهجرة و واللاجئين => الموضوع حرر بواسطة: القرش في 19:49 19/08/2009
-
السلام عليكم
اخواني خواتي نصيحه لوجه الله وارجو ان تعملوا بها .
اخواني اي عائله عدها طلاب في المدارس وفي اي دوله كانت في المهجر يعني قبل ان تجون لامريكا جيبوا وياكم شهادات التخرج والنجاح من المدرسه يعني اولادكم كم سنه درسوا جيبوا شهاداتها من المدرسه لان يطلبوها منكم ....وفي السابق كثير من الواصلين قالوا لي لاتجيب شهادة تخرج ومايحتاجوها .بس اني رحت وطلعت كل الشهاجات ولكل الصفوف التي درسوها اولادي في مصر ..واليوم عندما راجعنه الاداره التعليميه طلبوا مني الشهادات ومترجمه (مترجمه في الولايه ) وهم زين اني جايبها ويايه وترجمتها هنا في شيكاغو عند مترجم معتمد ب100دولار ...وكالت لي الموظفه لو ماجايب الشهادات جان خليتك تراسل مصر وتجيبها عن طريق الفاكس .....اخوان جيبوا شهادات الصفوف كلها وانتوا ماخسرانين شي احسن وحتى لاتتورطون ويرجعون اولادكم مراحل دراسيه وتضيع عليكم كل السنين التي درسوها في المهجر ..... وبالنسبه للترجمه الي افتهمته منهم لازم تكون هنا في امريكا ومعتمده ....اخوان هاي نصيحه لكم وارجو ان اكون قد اوصلت الفكره لكم ...واي سؤال اني حاضر .
ابو انس
-
تسلم اخي ابو انس على النصيحة اني كم مرة ذكرتها الكم قسم من الاخوة كالوا لا ما تفيد يجوز بعض الولايات بس اغلب الولايات يطلبوها وكم مرة ذكرتها بالمواضيع هم زين انت هسى نبهت الاخوة بارك اللة بك اخي ابو انس وانشاءاللة تشوفهم متفوقين باعلى الدرجات ربي يباركلك بيهم
-
بارك الله بيك اخوية العزيز قرش والله يعزك
مشكور على النصحية اخوية الغالي
اخوك جوزيف
-
بولاية تينيسي ونيوهامشر المهم عدهم شهادة التخرج من السادس العلمي او الادبي علمود الكليه
\بس بالنسبه للدراسه المدرسيه للي اقل من 18 سنه
ميحتاج بس العمر وعلى العمر يعني اذا 6 سنين اول و هكذا
بس اعتقد هنا 51 ولاية و كل وحده تمثل قانون خاص و شروط معينه تختلف من ولاية لولايه وهذا يسوي صعوبه حتى في مسالة النقل من ولايه الى اخرى
-
الف شكر وتسلم ياالطيب على هل النصيحه الغاليه
-
بارك الله بيك اخي على المعلومه المهمه ويارب تتيسر كل امورك
-
عاشت ايدك ابو انس الوردة
-
جزاك الله الف خير وماقصرت على التنبيه الضروري
-
وعليكم السلام شكرا لك يااخى على النصائح القيمة وبارك الله بك وجعلها الله فى ميزان حسناتك عندى سؤال بالنسبة لى عندى خلصو ثالث ابتدائي بمصر وسادس ابتدائى بمصر يعنى نجيب وثيقة مصدقة من الادارة التعليمية لو فقط شهادة الامتحانات النهائية الى توزع فى المدرسة نهاية العام وبالنسبة لبناتى هى هى تعتبر فى مصر شهادة لان بكلوريا ارجو التوضيح ولك جزيل الشكر
-
مشكور اخي العزيز القرش على هالمعلومات القيمه....
اذا ممكن سؤال يعني اذا جبنه شهادات اطفالنه مصدقه ولغتهم الانكليزيه جيده راح يخلوهم بنفس الصف اللي واصلين اله لو يرجعوهم سنه؟واذا وصلنه بعد بدء السنه الدراسيه بشهر او اكثر هل تروح عليهم السنه ام لا؟
اشكرك مرة اخرى لان كل مواضيعك بيهه فائده وتوضيح لاخوانك ...بارك الله بيك
تحياتي
-
مشكور اخي العزيز القرش على هالمعلومات القيمه....
اذا ممكن سؤال يعني اذا جبنه شهادات اطفالنه مصدقه ولغتهم الانكليزيه جيده راح يخلوهم بنفس الصف اللي واصلين اله لو يرجعوهم سنه؟واذا وصلنه بعد بدء السنه الدراسيه بشهر او اكثر هل تروح عليهم السنه ام لا؟
اشكرك مرة اخرى لان كل مواضيعك بيهه فائده وتوضيح لاخوانك ...بارك الله بيك
تحياتي
اخي العزيز هنا ماكو شي اسمه تروح عليهم السنه لو المدرسه باقي عليهه اسبوع لازم ايدامون لانوا هنا تعتبر جنحه اذا الاطفال او الطلاب الي اعمارهم مؤهله للدراسه يكعدون بالبيت واذا يوم غاب لازم اتجيب عذر مقنع ليش غابوا لانو ا بيه مساله
واني لي هسه مشفت واحد اخروا سنه كلهم حطوهم بالسنه الي جانوا بيه لانوا ميضيعون سنه عليهم وكل متكون الشهاده بيه تفاصيل المواد الي درسه الطالب يكون افضل
-
مشكور اخي حسين على التوضيح ...بارك الله بيك
تحياتي
-
شكرا لنصيحتك اخي ابو انس وان شاء الله الخير لاولادنا واولادكم وجميع العراقيين الله يحفظ الجميع يارب
-
اخوان بأي تاريخ يبدأ العام الدراسي للابتدائية؟
-
تختلف من مكان الى اخر بس عموما بالثامن اغلب المدارس اداوم يعني ماكو مدرسه بعد التاسع اغلبيته بالثامن
و تنتهي تقريبا بالخامس
-
الاخ الغالي ابو انس الورد تسلم النا على هاي النصيحة الله يبارك بيك دومك رائع بكل كتاباتك ومواضيعك المهمة
ابو فهمي
-
السلام عليكم
اخويه العزيز fddd
اولا تروح للاداره التعليميه وتكولهم انت مسافر وتريد وثيقه تثبت ان اولادك اكملوا المراحل الدراسيه وهم راح يفهموك وين تروح وتكمل الاوراق وتصدقها واخر مرحله تصديقها من السفاره العراقيه ..(بصراحه اني دفعت فلوس لشخص يشتغل بالمدرسه وهو كملها كلها وجابها واني بس رحت للسفاره وصدقتها ) اخويه العزيز اذا ماسويت هاي الاجراءات تره تضيع كل سنين الدراسه بمصر .. اتمنالك الموفقيه .
ابو انس
-
السلام عليكم
اخويه toofy العزيز ....بالنسبه لولايه الينوي ومدينة شيكاغو يريدون اوراق تثبت بان اولادك قد اكملوا المراحل الدراسيه بمصر .وبعدها يتم تحديد المرحله المناسبه لهم وبعدها يتم اجراء اختبار لهم في المدرسه هذا ماحصل معي اليوم ويوم الجمعه سوف يمتحنون اولادي لتحديد الشعبه وسوف اكتب لكم ماحصل \اما عن سؤالك الثاني يحق للاجى ان يسجل اولاده حتى بعد بدء الدوام ..اتمنالك الموفقيه وعسى ان اكون قد اوصلت المعلومه لك .
ابو انس
-
بارك الله بيك يالقرش عالمعلومة المفيدة ....أنشاءالله الأخوان والعوائل ألي عدها أولاد بالمدارس يستفادون منها لأن أكيد ألي ما عنده شهادة راح يرجعوه سنة أو أثنين ليوره ..........وأهم شي الترجمة بالولاية معتمدة
تحياتـــــــــــــــــــــــــــــــــــــــــــــــــــــي ;)
-
السلام عليكم
اخوان اليوم كنت في المدرسه وابلغوني ان الدوام يبدء في شيكاغو 8--9--2009للمرحله الابتدائيه والمتوسطه والثانويه high school .
اخوان نصيحه وانتوا ماخسرانين شي اذا سويتوهه جيبوا شهادات كل السنين الي درسوها اولادكم في الدول العربيه يعني جم صف درس مثلآ الاول والثاني والثالث اطلبوا الاوراق وتكون مصدقه كلها ..اني بالنسبه الي كلها جبتها وكلت اني ماخسران شي .وصدك فادتني وطلبوها مني خصوصآ لابني انس لانه في مصر نجح الى السادس الاعدادي وطلبوا مني اوراق وشهادات الرابع والخامس .
ابو انس
-
شكرا للاخ ابو انس عالموضوع القيم وبارك الله بيك,,,كلامك صحيح اخويه بس مو كل الولايات يطلبون الشهاده,,,,احنا حطوه الاطفال حسب اعمارهم وبس ,,,,تخلتف كل ولايه عن الاخره
-
مبروووك القرش اخوويه العزيز
بس سوال مهم......ياريت اجاوبني علي
اوراقالجهال صدقتوووها من السفاره الاميركيه ابمصر لو ميحتاج؟؟؟؟يعني المدارس الجامعات؟؟؟؟
او السفاره العراقيه في مصر؟؟؟
تحياتي
-
السلام عليكم
اخويه العزيز mr neo تصدقها من السفاره العراقيه بس وبنفس اليوم تستلمهه بس روح من وكت وماتطول ساعه بس طبعآ بعد ماتصدقها بالخارجيه المصريه ...اخويه هاي عملية التصديقات كلها تخلص بيوم واحد ...وانت اسأل الاداره التعليميه وهمه يرشدوك للطريق ولا تشيل هم بسيطه كلش كلش واتمنالك كل الخير والموفقيه .
ابو انس
-
بارك الله بيك اخوية وانت دائما اخبارك مفيدة للجميع .....اختك ايات
-
عزيزي ابو انس انت صدك اصيل وتحب الخير للغير.