ankawa
منتدى الهجرة واللجوء => الهجرة و واللاجئين => الموضوع حرر بواسطة: احلامك هية المستقبل في 23:10 19/08/2009
-
مرحبا شباب هل في حال تعرفت على بنت في المانيا والبنت عراقية ولكن تحمل الجنسية الالمانية ونويت الزواج بها فهل اذا ارسلت لي دعوة وذهبت لها هل بمقداري ان اتزوجها في المانيا يعني اعقد عليها وفي حال لماستطيع ان اتزوجها في المانيا فما هو الحل
-
اخي انت وين مقيم او متواجد حتى اكدر اوضحلك الصورة
-
انا مقيم في سوريا وانا عراقي الجنسية
-
اخي اذا انت مقيم بسوريا وعراقي فحتى اذا سوتلك البنية دعوة مراح تحصل فيزا على المانيا
لانه صعبة وحتى ان حصلت راح تجي زيارة وممكن الزواج يطول اكثر لان هنا يعتمدون على المحكمة ولان تثبت للمحكمة انكم تزوجون من صدك مو فقط لتبقى بالمانيا
اما اذا البينة نزلت لسوريا وزوجتوا بالمحكمة اي شي رسمي لان هذا ما تعترف به المانيا فقط الشي الرسمي
راح تقدم لبنية الاوراق لسفارة وهم يبلغوها شراح سوي و ترجع لبنية لالمانيا وتقدم اوراق زواجكم لدائرة البلدية بالمكان الي هي مقيمة بي وراح يطلبون كل الاوراق منها وبعدين ترسل الى السفارة الالمانية بسوريا حتى انت تقابل وطبعا راح يطلبون منك تدخل كورس لغة عند احد المكاتب التابع لسفارة ولازم تنجح بي والا ما تحصل فيزا وهذا الكورس يعتبر بدائي بنسبة للغة ويسمى اي 1
واظن هو بحدود 3 اشهر
اتمنى وضحتلك الصورة
تحياتي
تايكر
-
شكرا على المعلومة طيب في حال عندي عقد زواج اني متزوج هذه البنت واوراق رسمية كاملة هل من حقي ان اقدم الاوراق الى السفارة الالمانية ويكون بذالك لم شمل
-
اخي العزيز من حقك بس لازم لازم البنية هم تقدم الاوراق هنا
وبكل الاحوال لازم تروح تدرس اللغة هذا الشرط صار تقريبين من سنتين لازم الي يزوج او تزوج من الماني الجنسية لازم بلده او البلد الي هو مقيم بي يدرس اللغة المانية لمكاتب تابعة لسفارة اي سفارة تعترف بكفاتها
واي سؤال اني حاضر
-
اخي العزيز
تاكيدا فقط لكلام الاخ تايغر وانا سكنت في المانيا لعدة سنوات ان احد الاصدقاء والحامل للجنسية الالمانية ومقيم في مقاطعة بادن فوتمبرغ ومركزها شتوتغارت ان قدم اوراق زواجه الى دائرة البلدية وبعد اتمام التفاصيل اللي اتفضل بيهة الاخر تايكر وانه يعمل وراتبه يكفي لشخصين ومن ضمنهة مساحة الشقة كان العائق انه لا يوجد مركز لغات معترف به من قبل المانيا في العراق ولهذا سافرت البنت الى سورية للانضمام الى معهد غوته ومدة الدورة شهرين نص ومرحلة اساسية فقط...انته موجود بسورية فالافضل تجي البنت من المانيا وتزوجون بخير وسلامة وتروح اتقدم اوراق الزواج من مدينتهة..وتقبل مروري
بغدادي