ankawa
منتدى الهجرة واللجوء => الهجرة و واللاجئين => الموضوع حرر بواسطة: ام منية في 09:06 20/08/2009
-
السلام عليكم بس حبيت اسأل الي عدهم خبرة بهالموضوع
اني اريد اعادل شهادتي صدك يريدون الجدارية بالاضافة لشهادة الدرجات
اني وزوجي ممطلعين الجدارية وسمعت هذا الخبر فبس اريد اتأكد
والف شكر
-
شنو هو الجدارية اني مفتهمت معنى الجدارية ممكن توضحين شنو هيه حتى اساعدك ؟؟؟؟؟؟؟؟
-
البارحة انجي ماكو ظل بالنا؟
سؤال الاخت العزيزة
اعتقد اذا تلحكين طلعيها او قدمي عليها وبعدين الاهل يستلموها ويدزولج اياها اكو وية الورقة الي بيها الدرجات والساعات وحدة ثانية اسمها certificate
هاي اذا عندج اعتقد تكفي بس انتي اي ورقة زايدة اثبات ممكن تحصليها اخذيها وياج متظر تنفع
اختنا انجي الجدارية الي يكتبون بيها نؤيد ان فلان ابن فلان تخرج من جامعتنا بتاريخ كذا وكان تسلسله كذا من كذا وبتقدير كذا الدور كذا
يعني غير الوثيقة الي بيها عدد الساعات والمواد
-
الاخت ام امنية
الوثيقة الاهم هي وثيقة التخرج والمفصلة بعدد الساعات لكل مادة في كل سنة دراسية مصدقة من عمادة الكلية ووزارة الخارجية قسم التصديقات وعلى اساسها يتم التقديم من اجل مقارنة عدد ساعات كل مادة بالسنة بما موجود لديهم ولكن لديهم قائمة تشمل الجامعات المعترف بها في كل انحاء العالم وهي اول خطوة لقبول الشهادة..بالنسبة للجدارية فتاخذ تقريبا شهرين لانها تصدر بموافقة وزارة التعليم العالي وعمادة الجامعة وترسل بعدها مختومة بظرف حكومي الى قسم التصديقات في وزارة الخارجية ويتم استلامها من هناك وبامكانك ارسال وكالة اخراج وتصديق شهادة جامعية مصدقة من كاتب عدل وسفارة وخارجية البلد في حال لم تحصلي عليها وانتي في بغداد وموكلك يقوم بجيمع الاجراءات وانا شخصيا قمت بذلك ولكن حسب معلوماتي الاهم في المعادلة هي وثيقة الدرجات وتقبلي تحياتي
بغدادي
-
الف شكر جميعا
بس هاي غير دوخة اذا صار بيه وكالة وكاتب عدل
الله كريم تدبر
-
اختى هنا ميطلبون الجداريه و حتى ميعرفون شنو هيه
الاهم هي الدرجات والمواد الي ماخذيه
واكو شغله لخ يطلبوه بالمعادله و هي وصف المواد (دسكريشن) يعني مثلا الرياضايات الي اخذتيه بالكليه شنو جان مواده و تفاصيل معينه عنع لان اكو الكثير من المواد ديختلف الاسم الي يكتبوا بالشهاده والاسم الي الامريكان يستخدموا وعن طريق هذا الوصف يعرفون بالضبط شنو هاي الماده لانوا ما اختلاف الاسامي لاكن المواد تبقى مثل ما هي وهاي تكدرين اتجيبيه من الكليه يعني مو اله فد شي باسمج اي وصف للمواد يكون موجود بكتلوك الاختصاصات مال الكليه و هسه اكو هوايه من الجامعات العراقيه عده محتويات المواد و تفصيله على الانترنيت مثلا ادخلي على موقع الجامعه المستنصريه و اكو كل سنه شنو مواد ياخذون و شنو تفصيله و بالانكليزي تكدرين اطبعيه
-
صح لسانك اخوية ابو علاوي
وهاية يسموهه ال Syllabus واني الحمد لله اخذتهم للشهادتين مالتي
وباي قسم باي كلية مخصصين واحد من الstaff مسؤول عن هالسالفة بس تنطيه السنوات اللي درستهه ومتطول الشغله يومين
-
اخوان زين شهادة معهد اعداد المعلمين نفس الحالة ممكن ان يعادلوها لو شلون واذا اني معلم شلون اكدر ادرس هناك علما" اختصاصي انكليزي بس موقوي شلون الحالة
-
بالنسبة للطب ال Diploma أو ما نسميه بالجدارية مطلوبة و لا زم تكةن موجودة حتى الطبيب يقدر يدخل الإمتحانات و يعادل شهادته
أما باقي الإختصاصات فلا أعلم
تحياتي
wingo