ankawa
منتدى الهجرة واللجوء => الهجرة و واللاجئين => الموضوع حرر بواسطة: arizona في 09:40 20/08/2009
-
الامل هذه الكلمه التي تجعلنا نعيش الامل بمستقبل جيد للشاب والامل بمستقبل جيد ورائع للاطفال للذي لديه عائله هي نفس الكلمه التي قادتني الى امريكا بعد قرائتي لموضوع الاخ موزارت صديقي القديم والاخ بيرج قررت ان اكتب كلماتي تجدث الجميع عن المساعدات عن الحياه عن السكن ولكن لم يتحدث احد بل التفصيل الممل كما نقول عن الاطفال اي اطفالنا في امريكا ومدرستهم فقد بدات الدراسه في اريزونا يوم عشره اوكست اي قبل حوالي 9 ايام وفرت امريكا لاطفالي باصا مكيفا بل الهواء البارد ينقلهم من البيت الى المدرسه بدون الخوف على اطفالنا من اقدار الطريق التي تعودنا عليها اي المفخخات وغيرها وفرت امريكا لاطفالي زيا مدرسيا جميلا وعندما رفضت هذه الملابس من المدرسه ضنا مني انها للعوائل المتعففه حسب التعبير العراقي خضر المدير الى شقتي المتواضعه تخيلوا المدير وليس اي شخص اخر وشرح لي ان الزي قد اشترته المدرسه من اسواق الولمارت وهو هديه للطلاب الجدد وليس كما ضننت وفرت امريكا لاطفالي وجبتين من الطعام في المدرسه بحيث الاطفال نسوا الفطور والغداء في البيت وام الاطفال اقصد الداخليه ارتاحت من الطبخ وتحضير السندويش استلمت من المدرسه خلال 9 ايام اكثر من 54 ايميل وحالي 30 رساله خطيه مع اكثر من 51 مابين وثيقه وملازم كلها تتعلق باطفالي فيها اكثر من معلومه عن اطفالك وصدقوني كل مايتعلق بحياتهم وفرت امريكا وداخل المدرسه مكتبا صحيا اومايسمى اوفيس هيلث وطلبوا مني ومن بعض العوائل زيارته فوجدته اقرب الى المستشفى منه الى المكتب اسره واجهزه انعاش وتخيلوا حتى كرسي للاسنان ويسمونه اوفيس هيلث اي مكتب الصحه وفرت امريكا معلمه خاصه لابنتي لتعليمها على الحاسوب لانه اي ابنتي ليس لديها المام كامل بهذا الجهاز وتبرعت نفس المعلمه بل الحضور مرتين في الاسبوع لتدريبها اكتر اي مجانا وليس دروس خصوصيه ولكن الداخليه اقصد زوجتي غير مرتاحه من هذه الشغله لان المعلمه جميله جدا وكانها لعابه باربي فل الى الذي يحب الامل لاطفاله هذا ماقدمته امريكا لاطفالي واترك المقارنه لكم يااخوتي
-
السلام عليكم
شكرا على الموضوع وهو هذا الشي اللي يخلي الواحد ممكن يصبر ويتحمل في سبيل مستقبل أطفاله.
تقبل مروري
عيني بغداد
-
شكرا اخي العزيز على هذا الموضوع . بالخير عليكم هذه النعمه الفضيله انهو الاب او الام عندما يبعثو اولادهم الى المدرسه لا يهمو بحوادث الطريق من خطف ومفخخات واختيالات .
وطبعا هذا الكلام الي ذكرته اخي العزيز هو اكبر حافز لنا بان نهتم بموضوع الهجره .على الاقل كي نضمن مستقبل اطفالنه .
اكرر شكري وامتناني لك اخي العزيز .
ابو مريم
-
مشكور اخي العزيز على هالوصف الرائع ..طمئنتنه الله يطمئن قلبك ...وفعلا هذا الموضوع قليل متطرقيلله بالمنتدى ....الله يبارك بيك شجعتنه على تحمل الغربه من اجل مستقبل افضل لاطفالنا
-
الله يباك بيك اخي على الموضوع وكل ما كتبت وان شاء الله يارب كل منتظر يسافر قريبا
ويحقق كل اماني الي يتمناها الاطفاله ويعوظنه الرب بالخير ان شاء الله
جزيل الشكر اخي
-
عمي الله يساعدهم
هذا الكلام الحلو والمنطقى عاشت الايادي
عمي الواحد من يوصل لامريكا لو يعرف يشتغل 25 ساعة باليوم بس اهم شي يباوع لمستقبل عياله واطفاله
يباوع ابنه لو بنته ورة كم سنة شراح يصير؟وياجنسبة حامل ؟وبيا جواز يسافر ويدخل مطار الاردن مثلا وشلون راح يعامله الظابط؟
هاي اني انصح انه اي واحد من يوصل يكتبها ويعلكها بالهول علمود كل مايتعب لو يصيه الياس يتذكر
ابنتي ؟بنتي ؟المستقبل ؟الجنسبة ؟الامان ؟الاحترام ؟
وابوكم الله يرحمه
ابو الحسن -ماليزيا
-
يسلمو على الموضوع الرائع ... وين جنتوا من قبل من ينزلون مواضيع كلها مغثة للعالم
-
طبعا أخوية العزيز.......
هذا النظام يوجد في كافة الدول الأوربية وأهم شي هو الأهتمام بالطفل والزوجة ويا ويلي أذا واحد سوه شي ههههههههههههههههههههه لا تجربوها أحسن ترة كبل للقلوا ههههههههههه..
حبي عاشت أيدك عالموضوع وأنشاء الله موفق .........ز
تحياتــــــــــــــــــــــــي ;)
-
تسلم اخوية العزيز على هذا الموضوع المهم وبارك الله بيك وبكل عراقي طيب
يحب الخير للجميع هذا عهدنة بيكم اصدقائنا الي بالخارج شكرا على كل المواضيع التي تكتبوها لنا
تحياتي
اخوك غريب اني
-
السلام عليكم
قريت الموضوع وكلش فرحت من شفت الاحترام والمعامله الجيده اللي تلقاها اطفالك وانشالله الله يتممها عليكم ويوفقكم جميعا بس عندي سؤال اذا الطفل الصاحي هيج يعاملوة لعد ذوي الاحتياجات الخاصه شلون ؟ ياريت اذا اكو احد عنده معرفه يجاوبني . لان هنا ( بالعراق )و للاسف ماكو اي رحمه او احترام لا للطفل المعاق و لا لعائلته ولا احد يحس بمعاناه اهل هذا الطفل لا انسانيه و لا تفهم ولا هم يحزنون . وميكتلني غير اللي ايكولون لتطلعين بهجرة غير شرعيه من العراق.
تحياتي
-
الاخت العزيزة ام بكر لا اتسولفين على ذوي الاحتياجات الخاصة لان هذولة سالفتهم وحد وما تنوصف حسب ما افتهمت من احد اصدقائي الطلع قبل فترة ومن جان بالعراق جان محتار بابنة المعوق وما خلة مكان يعتب عليه ومجان احد ايديرلة بال بس من سافر ايكول شو الجماعة استلموني ذمة المنظمات الانسانية وكامو يومية يجون للبيت ويجيبون العاب للطفل وياخذوه للعلاج ويلعبوه ويفروه وما ايخلون شي ابنفسة وبعدين ايرجعوه للبيت ايكلي جنت اركض ورة العالم حتى الكة جارة للولد وما لكيت شو من طلعت كامو يقصد المنظمات ايركضون وراية حتى بس ايساعدوه.
اخوكم ايو يوسف
-
بارك الله بيك اخي الكريم على هل المعلومات الرائعه 0 انطيتنه الامل والصبر عل الانتظار من اجل اطفالنا ويارب ايفرج علجميع
-
عمي لعد احنه بالهالحاله راح انروح راس الشهر لان بعد مدا اصبر
عمي احنه شخلانه انفكر بالسفر غير اطفالنا ((اني والداخليه)) غير اريدهم ما يشوفون الي شفناة 5 حروب واثنين حصار وكللله مفخخات ومدرسات مال لنكه وصلاااااااااااااااحوووووووووووووووووو
هههههههههه
تسلم اخويه على هاي البشاره
-
لعد احنة شكو جايين لامريكا مو على مود اطفالنا يعيشون حياة كريمة وميشوفون الي شفنااه
اني هم راح احجيلكم على بنتي
اني بنتي صغيرة عمره 3 سنوات ونص فيعني ماكو مدراس حكومية على عمره شلووون
رحنة قدمنة على الويك والي هو برنامج مال اكل وكلش زين للاطفال والحوامل وهناك سألونة تريدون حضانة لبنتكم ببلاش طبعا احنة كلنة اكيد نريد
دزونة على حضانة قريبة من البيت طبعا كنا خايفين لا تطلع مو زينة لانه ببلاش دخلنة يا روضات عمان بالترتيب والنظافة والبرامج الي مقررين ينطوهم ياااهه
وقبل كل شي الاحترام والترحيب الي شفنااه من عدهم
طلبوا من عدنة فحوصات لمنية واوراق نجلبه من طبيب الاسنان ومن الطبيب العام وخلوا ابوه يوقع على ورقة انه كل اسبوع لازم يقضي يوم وية منية بالحضانة يسوي وياه فد فعاليه يعني يقراله قصص او يلعب رياضة ويااه او يرسم
هههه هاي الحكومية هيجي لعد الخاصة شلووون
-
الف رحمه الوالديك على هدا الموضوع ثلجت صدورنا حتى اخاف واحد من الجماعه متريد خلي شوف شلون يتعاملون مع الاطفال حتى يفتهم شنو امريكا ...
والله العظيم اني الدي هامني بالسفر غير بس اطفالي ماأريدهم يشوفون شفت بالعراق العظيم وبين قوسين اتمنى من الله ان يصير براسهم خير ....
والله ايدك كلامك يا ختي ام مينه وشكرا لكي على المشاركه
اخوكم ابو مرتضى
-
تحيه طيبه
ممنون اخي على نقل هاي الصوره المشرقه لحياه الاطفال في اميركا والي حضرتك لمستها من خلال الي شفته ويه اطفالك والي تبعث رساله للكل ان حياه اطفالك بامريكا مضمونه وبيها ان شاء الله المستقبل الزاهر .
ممنون
hopeforall
-
عاشت الايادي ياصديقي العزيز القديم موضوعك اكثر من روعه , ياربي ايخليك ذخر للمنتدى ياطيب, سلامي للعائله والاولاد
-
مهما يكون هم متوصل لمدارسنا ببغداد .. عدهم هناك بامريكا معلمة مسوية جنبر بالصف ولازم كل طالب يشتري ب 250 دينار اقل شي ؟ عدهم مدرسة ما بيها مي او حمامات مكسرة وغير نظيفة ؟ عدهم معلمة تنجح الطلاب الي من طائفتها وترسب الي من غير طائفة ؟ عدهم معلم يدز الطالب يشتريله جكاير من الدكان الي كبال المدرسة ؟ ووووووو ......... الخ
شكرا للاخ اريزونا على هذا الموضوع امنياتي لك بالموفقية وربي يبارك باطفالك ويتربون بعزك وتفرح بيهم ان شاء الله
امنياتي الحلوة
-
تسلم وتعيش ياورد
-
الف شكر اخوية العزيز
ويارب يحفضلك اطفالك يارب وتشوفهم كدام عينك يكبرون ويصرون با احسن المراتب
الله ايوفقهم يارب ويوفقك
اخوك جوزيف
-
السلام عليكم
اايد كلامك اخويه العزيز وبارك الله فيك على نقل هذه الصوره الواضحه التي انارت الظلمه
عن عيون اخوانك واخواتك الذين يجهلوا الحقيقيه .وانا كنت اتكلم البارحه مع صديقتي بنيو مكسيكو
وقالت ان اطفالها اليوم اول يوم الهم بالمدرسه واخبرتني عن الوضع قالت نفس الكلام الذي ذكرته
في موضوعك واضافت ان المنظمه ياخون اطفالها من المدرسه بعد انتهاء الدوام بسياره لكي يعلموهم اللغه
الانجليزيه وبعد ذلك يرجعوهم للبيت باللسياره .بصراحه واحد يفرح حين يسمع مثل هذه الامور وبالذات
من تتعلق بمستقبل اطفاله..فبارك الله فيك اخي
-
هاي العالم ووووووووووووووووووووووووووين والعراق وووووووووووووووووووووووووووين ... حسبي الله ونعم الوكيل على اللي كان السبب .... يصبغون بهالمدارس ويرجعون لوره ومن تدخل تلكاهه سكراب ...!
مشكور اخي الكريم على الموضوع المبهر
سيزر