ankawa

المنوعات => استراحة المنتديات => استراحة الخواطر => الموضوع حرر بواسطة: njmat_alba7r في 14:50 20/08/2009

العنوان: مو كَتلك مكانك بين العيون /منقولــــــ
أرسل بواسطة: njmat_alba7r في 14:50 20/08/2009
مو كَتلك مكانك بين العيون


(http://iraq8.com/up/uploads/f95f4db759.jpg) (http://iraq8.com/up)




مو كَتلك مكانك بين العيون ..


وأسمك في سواد العين مكتوب


تسكن بالكَلب والشارع الروح ..


ورقم الدار الك بسنيني محسوب


يالحبك حديقه وشوكَك أسوار


وبيبانك شمع من دكَتي تذوب


وأمر أكَبال بيبانك وأدكَها


وأظل أوشم حروف أسمك وأدكها


أشيل الروح للعليا وأدكَها


أذا مره زعلت وانطيت بيه
مو ذنبي عشكَتك وأسكرت بيك


وأظل دايخ عليك بغير مشروب


شجاني تسودنت واتراهن وياك


وأنه الكَدام حسنك دومي مغلوب


من تفاحه وحده وآدمك .. تاب
وأ نته ثنين عندك منها ما توب
ياملمس حرير وجمر بركان
وأنه المابين هذا وهذا مصلوب


دخليني على صدرك أطلب مراد


وأجوي أيدي بلهيبك وامحي الذنوب


أحس الكون كله بحظنك يبات ..


وأذا طر الفجر يسكر بالدروب


وعلى رموشك ينام الليل بالليل


وعلى شفافك شمس وبساعة غروب


يميزان الذهب ما بيك مغشوش


أشتريت بعمري كله وهسه مطلوب


جنت أمشي عدل ما ظايكَ حلوكَ


ومن بستك كَمت .. أمشي آ نه مكَلوب


ولك ذبنه بحلاتك وانسبينه


شتظن حبك يخلي ونسه بينه


ننسه امنه واخونه وننسه ابينه


وأذا مريت تحظرنه المنيه
العنوان: رد: مو كَتلك مكانك بين العيون /منقولــــــ
أرسل بواسطة: angel_f في 00:33 21/08/2009
مشكورة على الكلمات الجميلة والرائعة....
تحياتيAngel_F.
العنوان: رد: مو كَتلك مكانك بين العيون /منقولــــــ
أرسل بواسطة: shomana_4_u في 01:17 21/08/2009
موضوع رائع عاشت الايادي ورده


تحياتي
العنوان: رد: مو كَتلك مكانك بين العيون /منقولــــــ
أرسل بواسطة: YOSRA في 08:30 21/08/2009
ما اروع لحظات الحروف معك
وما اجمل مشاعرك
خاطرتك سطورك كلماتك
كلها لؤلؤة في السماء
تلمع مع شعاع القمر
ابدعت حبيبتي في الاختيار
الف كلمة واكثر من الف كلمة شكر
لك ولقلمك الرائع
محبتك يسرى  
العنوان: رد: مو كَتلك مكانك بين العيون /منقولــــــ
أرسل بواسطة: nasir yako في 16:05 22/08/2009
يعجز القلم  عن وصف ذوقك الرفيع في اختيار الخواطر المنقوله الرائعه .....
العنوان: رد: مو كَتلك مكانك بين العيون /منقولــــــ
أرسل بواسطة: زيزو ديرابوني في 18:53 22/08/2009
عاشت الايادي خاطر روعه
العنوان: رد: مو كَتلك مكانك بين العيون /منقولــــــ
أرسل بواسطة: hananamir في 21:51 23/08/2009
ابداع رائع

وجمالية خاصة تجتاح كلماتك

وحروف براقه ومعاني شامخة بالجمال

شكرا لك على رائعتك الجميلة

تحياتي لك وتقديري

ننتظر القادم

حنان / هولنده
العنوان: رد: مو كَتلك مكانك بين العيون /منقولــــــ
أرسل بواسطة: alashoty10 في 22:41 23/08/2009
عاشت الانامل المبدعه

دمت تحت رعايه الرب

      الاشــــــــــــــــ 10 ــــــــــــــــوتي