-
اذا موبيك اسولف اني ما موجود
لان بس بيك اسولف كل وكت انه
وتدري انته ابمكانك وين بيه ايصير
بس اشويه اوخر تطلع اهنانه(ابمكاني)
مو بس انه احبك انه وانه اهواي
وبعد مني عشره انحبك اويانه
ادري انته بشر بس هالخضار امنين
وابو البستان شافك حرك بستانه
الورد من شاف طولك بس علي مريت
مايقبل بعد يكعد ابسندانه
ادري اشلون رايك يعني كلنه انموت
كول انموت كلنه امنين دفانه
الحانه اوداعتك سكرت ناس اهواي
بس انته الوحيد السكرت حانه
بتهوفن امس لو سامعك ما صار
يم صوتك امس جا كعدن الحانه
يلوموني من اشوفك اسكت من الخوف
عمي الشاف طولك ضيع السانه
ربك بالخلق سواك بس سواك
وانه أوذول مدري اشلون سوانه
لا تنطينه عين ايجوز نلهس بيك
بس انطينه جارك نشتم اردانه
بس كون افتهم فارس احلامك وين
وخيعونه اليشوف امبارك احصانه
بس اوكف دقايق رحمه للعباس
بس اتمر عليك اتطيب مرضانه
ما احبن هلك منهم اخاف اعليك
انحب يوسف نعم بس نكره اخوانه
اذا بس بيه انته الدنيه جنه اتصير
واذا مابيه انته الدنيه خربانه
-
مشكورة على الكلمات الجميلة والرائعة....
تحياتيAngel_F.
-
موضوع رائع عاشت الايادي ورده
تحياتي
-
ما اروع لحظات الحروف معك
وما اجمل مشاعرك
خاطرتك سطورك كلماتك
كلها لؤلؤة في السماء
تلمع مع شعاع القمر
ابدعت حبيبتي في الاختيار
الف كلمة واكثر من الف كلمة شكر
لك ولقلمك الرائع
محبتك يسرى
-
يعجز القلم عن وصف ذوقك الرفيع في اختيار الخواطر المنقوله الرائعه .....
-
عاشت الايادي خاطر روعه
-
ابداع رائع
وجمالية خاصة تجتاح كلماتك
وحروف براقه ومعاني شامخة بالجمال
شكرا لك على رائعتك الجميلة
تحياتي لك وتقديري
ننتظر القادم
حنان / هولنده
-
عاشت الانامل المبدعه
دمت تحت رعايه الرب
الاشــــــــــــــــ 10 ــــــــــــــــوتي