ankawa
منتدى الهجرة واللجوء => الهجرة و واللاجئين => الموضوع حرر بواسطة: العراقي123 في 10:16 21/08/2009
-
مرحبا اخواتي واخواني
محتاج مساعدكم بخصوص البلكات الامريكيه ام ال 110 فولت شنو اشكالها ؟
ومن وين واحد يشتريها من الاردن ؟
وهل ممكن شراء محوله تحول ال 220 فولت الى 110 بحيث تتركب عليها الاجهزه الكهربائيه؟؟؟
رجاءا ساعدوني
اني ادري انو اكو موضوع بالمنتدى بهل خصوص بس صارلي ساعه دا ادور بالارشيف ومدا الكي
-
مرحبا اخي العراقي بخصوص البلكات هوه عباره عن تحويله مثل التقسيم وتكون اقطابه الاثنين على شكل مستطيل وليس اصطواني الشكل . هذا كل الي اعرفه . اما بخصوص المحول فه الى موجودين داخل امريكا يستطيعون ان ايجاوبوك .
ابو مريم
-
اخي العزيز تنزل لوسط البلد اكو صعدة تقريبا مقابيل الجامع الحسيني تمشي بيها فد خمسين متر راح تلكة محل على ايدك اليمنى ويبيع الوحدة ويسموها ادبتر بنص دينار تحياتي
-
اخي العراقي حياك الله
عزيزي العراقي المحولة موجودة في الاردن وفي امريكا لاكن فائدتها ليس بالكبيرة
لانها ذات امكانية محدودة يعني تفديك في بعض الاجهزة فقط
كما ان اغلب الاجهزة الكهربائية اسعارها ارخص هناك يعني لاجدوى من حملها من هنا الى هناك
بالنسبة للهاتف المحمول او الابتوب فانه يعمل على ال 110 و220
بالنسبة لاين تباع في الاردن في سوق وسط البلد هناك شارع مقابل جامع الحسين وين العمارة الي احترقت قبل اسبوع شارع صاعد فيه محلات كهربائيات وعدهم كلشي من بلك 110 الى المحولة واي شي تحتاج اني حاضر
اخوك
ابو جيهان
-
تسلمون اخواني على الردود والله يبارك بيكم ويوفقكم
اخي ابو جيهان .شنو الاجهزه اللي تنفع بيها المحوله ؟
ييعني مثلا الشاحنه مال كامرا ..؟
الشاحنه مال مكينه الحلاقه ؟
بالنسبه للابتوب مكتوب على البلك 220 فولت بس على المحوله مال لاب توب مكتوب من 100 الى 220 فولت .
يعني ترهم بس اربط الادابتر على البلك بدون محوله ؟
-
مرحبا اخويه عبسي كيف الحال . كله لخونه العراقي ( بطلعت الخرفان ) مو هوه هذا الشارع الى تقصده للو اني غلطان . صارلي اكثر من 8 اسنين من عفت الاردن .
اشكد بقه من العد التنازلي مالك يعني اشكد باقيلك واتسافر . لو بطلت .
تحياتي الك اخوك ابو مريم
-
حبيبي ابو مريم
والله بصراحة ما اعرف اسم الشارع بس ذكرتني بمرحلة مشرقة من حياتي بهذا المنتدى الا وهي مرحلة الخرفان المجيدة بس شنسوي اذا عكعك اخذ الصاية والصرماية وماله حس
اخي العزيز بقالي 4 ايام ان شاء الله بس مثل ما تعرف هنا بالاردن ما تكول سمسم الا لمن تلهم
اخوك عبسي
-
عمي العراقي 123
تحيه حاره كلش تجوي تحرك حرك من بغداد واحنه على ابواب رمضان راح انطيك موسوعه الاخ شبح بغداد بعنوان (( القلاقيل)) وبيهه شرح كامل لموضوعك وانشاءالله الله يساعد لان موضوع كلش كلش هوايه بي تفاصيل
اخوك ابو عبدالله
http://www.ankawa.com/forum/index.php/topic,308359.0.html
-
مرحبا اخويه عبسي انشاء الله اتمر عليك اربع دقايق ومتحس بتعبهن وقلقهن لن اني دا احس بيك هسه اكيد الوقت عندك شبه متوقف . الله ايسهل وتوصل بالسلامه وادعيلك من كل كلبي بالسعاده والرزق والموفقيه واهم شي العافيه وراحت البال كول امين.
انته من دا اتوصف لاخونه على محلات الكهربائيات اني اتذكرت هذا الوصف مال طلعت الخرفان طبعن هوه الشارع هيج اسمه . وداعتك طكيت من الضحك كلت اخويه عبسي حن لشغلت الخرفان .
الله ايسهل امر الجميع وتتيسر امورهم .
اخوك ابو مريم
-
الله يسلمك ويحفظك ويسهل امرك وتنفك الجبسة عنك اخي الكريم ابو مريم وعن جميع اعضاء المنتدى
اخوك عبسي