ankawa
منتدى الهجرة واللجوء => الهجرة و واللاجئين => الموضوع حرر بواسطة: omar al-ani في 21:38 21/08/2009
-
السلام عليكم
طبعا اني جديد في هذا المنتدى الرائع وهذا القسم المفيد جدا واشكر كل من وضع معلومة استطاع ان يفيد بيها اخوانه في المنتدى وعني اني بالذات استفاديت كثير من المواضيع هذه.
طبعا اني واحد من اللي مقدمين على الاي او ام وعندي سؤال بخوص الاقامه عند الكفيل او المكان اللي المنظمة تحدده في حاله عدم وجود كفيل هو المده اللي تبقى فيها عند الكفيل هل الى ان تنتهي الفتره اللي المنظمه محددتها الى ان تقطع المعونه عنك او الى ان توفرلك سكن بديل ممكن احد عنده معلومات حول هذا الموضوع.
وشكرا
-
اخ عمر
اولا اهلا وسهلا بيك في المنتدى وبين اهلك وناسك
اللي اعرفه انه المده هي اربعه الى ثمانيه اشهر وحسب الولايه الي رايحلهه وهذا شي انذكر بالمنظمه بمواضيع مختلفه
تكدر اتكلب بالصفحات الثانيه والثالثه وانت صاعد الى ان توصل الارشيف واكيد راح تلكي اجوبه اكثر
وتقبل مروري
ومن الله التوفيق
اخوك ابو عبدالله
-
اخ عمر
اولا اهلا وسهلا بيك في المنتدى وبين اهلك وناسك
اللي اعرفه انه المده هي اربعه الى ثمانيه اشهر وحسب الولايه الي رايحلهه وهذا شي انذكر بالمنظمه بمواضيع مختلفه
تكدر اتكلب بالصفحات الثانيه والثالثه وانت صاعد الى ان توصل الارشيف واكيد راح تلكي اجوبه اكثر
وتقبل مروري
ومن الله التوفيق
اخوك ابو عبدالله
مشكور اخ ابو عبدالله على الرد وعلى المعلومه.
-
تحية طيبة
اخونا الاحسن توصي الكفيل مالتك انه يكللهم ما اكدر استقبله يمي حتى يضطرون يوفرون سكن
من تسكن يم الكفيل بعد همةراح يبردون راسهم
-
تحية طيبة
اخونا الاحسن توصي الكفيل مالتك انه يكللهم ما اكدر استقبله يمي حتى يضطرون يوفرون سكن
من تسكن يم الكفيل بعد همةراح يبردون راسهم
اها
هيج الحجي .شكرا جزيلا اخت ورقاء
-
اي احنا وصينا يكول اني اي مساعدة مادية ما اكدر اقدم مساعدتي معنوية ادلي منطقة اعلمهم اسلوب الحياة فلس ما اصرف
حتى همة يلتزمون بيك
طبعا هاي اكو ناس رايحين وصوني بيها لانه مثلك نزلوا يم كرايبهم وتدري واحد ميرتاح مثل ما لو بيته وحد وشتلوهم هواية يلة دبرولهم سكن
تحياتي
-
شكرا اخت ورقاء على هاي المعلومات المهمة.
والله بدون معلوماتكم القيمة الواحد يتورط وياهم
شكرا مره ثانيه على الاهتمام بالموضوع
تحياتي
-
اولا اهلا وسهلا بك اخي العزيز نورت المنتدى بين اهلك وناسك كل الهلا
اخي العزيز كل ولاية الها نظامها الخاص اكو قسم من الولايات ينطون المساعدات مدة 8 اشهر وقسم ينطون 4 اشهر وقسم 6 اشهر كلها تتبع على نظام الولاية اذا ولايتك ينطون المساعدة مدة 8 اشهر طبعا بالبداية اول وصولك اذا عندك كفيل خير على خير واذا ما عندك كفيل المنظمة هي المسؤولة عنك يعني اما تكون محضرة مكان قبل وصولك اذا عازب راح تسكن مع شخص اخر وياك نفس الشقة واذا عائلة راح تسكن لوحدك بالشقة او بيت حسب عدد النفرات واذا ما تكون محضرة الك مسكن راح يخلوك بالفندق كم يوم على حساب المنظمة الى ان يشوفون الك مكان تسكن بيه واذا عندك كفيل راح تبقى يم الكفيل الى ان تجي المنظمة بعد كم يوم من وصولك راح ينطوك المبلغ الي ينطوه لكل لاجئ عند وصوله تقريبا 425 دولار لكل فرد من العائلة وبعدين الكفيل هو يكون ملزم ان يوديك الى تكملة المعاملة مال كل لاجي من يجي الى الولايات المتحدة من شوسل نمبر والمساعدات مال حكومة مو مال منظمة لانه مثل ما كتلك كل ولاية تختلف عن الثانية مثل كلفونيا اكو منظمة اسمها كاثلك جارتس هاي المنظمة تنطي للاجئ اربع شهور مساعدات من كلشي وبعدين يروحون يقدمون على المساعدات الحكومة مثل الولفر وبنسبة لمشكن نظامها يختلف عن الولايات مثل ينطون 425 هاي تكون اول وصولك وبعدين تروح تقدم 8 اشهر مساعدات الحكومة اي الولفر وبعد انتهاء المدة اذا ما شفت شغل وعندك عائلة راح تستمر المساعدات حتى بعد انتهاء المدة وبنسبة للكفيل مثل ما كتلك هو يكون ملزم ان يقوم بكل واجباتك الى ان تكمل كل شي وتتعلم سياقة والاماكن وتعتمد على نفسك بس اذا الكفيل يشتغل يكدر يبلغ المنظمة ان تساعده والمنظمة هي تقوم بمساعدتك حتى لو عندك كفيل لانه هو يشتغل وما يكون عنده الوقت حتى يساعدك هذا هو كل الشرح الي تريده عن وجود الكفيل او بغير كفيل
واي استفسار اخر تدلل اخي الكريم وكل الهلا بيك بين اخوانك واخواتك
-
والله يا اخت انجي ما اعرف شلون ارد على هاي المعلومات والتفاصيل الدقيقه اللي كتبتيها والواضح انه اخذت منك وقت كثير غير انه اشكرك واشكر كل من رد على هذا الموضوع واعتقد اني محضوض بوجودي وسطكم في هذا المنتدى الرائع.
وشكرا على الترحب الجميل
تحياتي
-
لا حبيبي الكفيل بس اول ايام من تلكة شقة ويبقة بس يوديك للمعاملات
تحياتي الن فرنسو
-
اخت انجي شرحتي وفيتي وبارك الله بك .