ankawa

المنوعات => استراحة المنتديات => الموضوع حرر بواسطة: ديراني في 06:55 23/08/2009

العنوان: أبد مو چذاب .............. هههههههههههههههه
أرسل بواسطة: ديراني في 06:55 23/08/2009


أبد مو چذاب




كلكم إتعرفون الحرب العالميه الثانيه تقريبا بالـ (1935).. آني چان بوكتها عمري 16سنه..... المهم گاعد بالبيت دا العب بلي ستيشن 2.. دگ الموبايل مالتي (اي لا تتعجبون.. اني من ذاك الوكت عندي موبايل)

اي اكمللكم.. دگ الموبايل.. جنت حاط نغمة مال هيفاء (بوس الواوا).. شلته.... طلع (رئيس الجمهوريه مال روسيا).. گلي:  وليدي.. آسفين على الازعاج بس الوضعيه حيل عاوية.. والجيش نصه راح بالزلك.. محتاجيك حيل.

آني صفنت.. إتذكرت أيام الطفوله.. مِن چنت ألعب دعابل بروسيا ويه إبن الوزير.

گتله والله عمو... إبطن عيني.. هسه بس أفوّل المولده التايگر للبيت.. وأجيكم

والله ترست المولدة.... وچيـّـكت الدهن.. وأخذت البايسكل مالتي.. ذبيته (D)... وقبـّـطت سكليتر.. وين؟؟.. على الخط السريع مال (حله- كربلاء).. ومناك گلت آخذ يمنه على روسيا...  والله نص ساعه اني بنص موسكو.. بس شحچيلكم!!.. باردة ثلج.

شغلت التدفئة مال البايسكل و صعّدت الجامات... والله گلتلهم وين بيت رئيس الجمهوريه؟؟.. گلولي بقطـّاع 20 يم مرطبات (علاوي جرثومه)

وصلت.. دگيت الباب.. طلع أبو مصطفى (إبن الرئيس الروسي إسمه مصطفى لأن مرته من الديوانيه).. خطيه الرجال حالته جانت زفت.. حضنـّي.. وگلي الله جابك.. گتله خير عمو؟؟... گال هيچ وهيچ السالفه.. والالمان طبوا بينه گول.. گتله عمو.. صدگ چذب.. اني موجود وهيچ يصير!!!

اني رايح.. منا ليومين ان شاء الله تسمع خير

طلعت رحت على ولد أعرفه بروسيا اسمه (قاسم) هذا شقاوه مال بغداد چان وصديقي الروح بالروح.. گتله قسومي هيچ وهيچ الفلم أريد أسلحه.. گلي تدلل شتريد؟؟.. گتله اريد 65 صاروخ (أرض- أرض)..... و34 صاروخ (أرض- مي) اقصد (ارض- جو)..... و 89بي كي سي....... و فد 6784 رمانه يدويه...... و54564 لغم منوع بين مضاد للبشر ومضاد للدبابات

والله حطلياهن بعلاگه.. اخذتهن وعدل وگٍبل للجبهه.. وين؟؟.. بالخطوط الأماميه... ما اجذّب عليكم الوضعيه صدگ چانت داچـّه (يعني تعبانه).. بس اني اخوكم خوما اخاف!!.. لا يابه لا... گلتلهم للجنود انتوا لمـّوا چوالاتكم ورجعوا للبيوتكم.. مالكم علاقه.. السالفه يمي صارت

باوعت يمنه.. يسره.. شحچيلكم بلـ (564674534  جندي ألماني)... وكل واحد راكب دبابة منفيست حديث.. بس اني تعرفوني سبع.

نصبّت الصواريخ على چتفي وصيـّحت.... اني إلكم... طبا طبا.. طاخ طاخ طاخ.. الزگه.. جيبه.. ودي... الله.. إصلخه.. ألطمه (هاي موسيقه تصويريه).

والله صفيتهم بقوا بس 7 جنود ودبابتين واني باقيلي رمانه وعلچ أبو السهم...... شسويت؟.. لزگت العلچ أبو السهم بالرمانه وشمرتها على الدبابة.. لزگت بيها.. وچان تنفجر.

بقت دبابة وحدة.. ركضت عليها وبيدي قلم أبو النبالات (لحد يگولي منين جبته.. هوه إجه)... والله وبالقلم گطعت السرفه (التايرات مال الدبابه يعني).. وگفت... گـُمزت عالقمارة.. فتحت الباب.. نزّلتهم بيدي.. واخذتهم أسرى.

طبعا وره ما هيچ سويت.... إجه الرئيس الروسي وباسني من راسي وگلي:.. وليدي انته اقوه من گرندايزر والله..

گتله:.... لا عمو ما سويت شي آني.. عادي... وانطاني هديه سيارة لادا بعدها ما ماشيه بالچيس... واشترولي بنطرون كتان أصلي من الصين درجة أولى.. وبوتين أديداس أبو العلامة.

رجعت للبيت.. وشغلت المولدة.. وگعدت اتفرج (عدنان ولينا)   
 
العنوان: رد: أبد مو چذاب .............. هههههههههههههههه
أرسل بواسطة: رضوان ღ عذراء في 07:02 23/08/2009
اول
شئ منور عمووووو ;) ;) ;) ;)


ههه والموضووع يهبل..ابدا مو جذاب ههههه

من الحرب الفينقيه الئ الفين وهسه جنت داتقاوم هاي كم قرن عايش لولي :P :P

 ;D ;D ;D
بس احلئ شئ لمن الواحد ايحن الايام الطفولة ععهععه
رجعت للبيت.. وشغلت المولدة.. وگعدت اتفرج (عدنان ولينا)     
العنوان: رد: أبد مو چذاب .............. هههههههههههههههه
أرسل بواسطة: ديراني في 07:24 23/08/2009


اهلين بطيخ
شلونج عمو

نورت الموضوع
العنوان: رد: أبد مو چذاب .............. هههههههههههههههه
أرسل بواسطة: رضوان ღ عذراء في 08:01 23/08/2009
hala bek 3mna al *3ale lol
العنوان: رد: أبد مو چذاب .............. هههههههههههههههه
أرسل بواسطة: ღ♥ღ LoVely__87ღ♥ღ في 09:24 23/08/2009
ههه ليش هوه منوووووو كال  جذاب
لوووول

منور حبي
العنوان: رد: أبد مو چذاب .............. هههههههههههههههه
أرسل بواسطة: angel_f في 23:53 23/08/2009
مشكورعلى الموضوع الطريف....
تحياتي Angel_F.
العنوان: رد: أبد مو چذاب .............. هههههههههههههههه
أرسل بواسطة: ɱЯ.ŠɧДЯǾkəəή في 00:00 24/08/2009
لووووووووووووول
منور عمو وين هالغيبة عمو اشو ماكو عمو
يا عمو شوكت ترجع هههه

اليوم كولهة عمو يا عمو لووول
العنوان: رد: أبد مو چذاب .............. هههههههههههههههه
أرسل بواسطة: shakar في 00:14 24/08/2009
نصبّت الصواريخ على چتفي وصيـّحت.... اني إلكم... طبا طبا.. طاخ طاخ طاخ.. الزگه.. جيبه.. ودي... الله.. إصلخه.. ألطمه (هاي موسيقه تصويريه).
والله صفيتهم بقوا بس 7 جنود ودبابتين واني باقيلي رمانه وعلچ أبو السهم...... شسويت؟.. لزگت العلچ أبو السهم بالرمانه وشمرتها على الدبابة.. لزگت بيها.. وچان تنفجر.
لاابد موجذب هاي شنو امريكا تعلم تطيرون فيالة لوووول :D :D :D :D :D :D :D
ومنووووور المنتدى وردة وييسلموووووووو  :D :D :D
العنوان: رد: أبد مو چذاب .............. هههههههههههههههه
أرسل بواسطة: NAHIL_TLKEFE في 08:00 24/08/2009
رجعت للبيت.. وشغلت المولدة.. وگعدت اتفرج (عدنان ولينا) 

مشكورعلى الموضوع الطريف
العنوان: رد: أبد مو چذاب .............. هههههههههههههههه
أرسل بواسطة: ديراني في 18:13 24/08/2009


منورين الصفحة ياغاليين
العنوان: رد: أبد مو چذاب .............. هههههههههههههههه
أرسل بواسطة: ★M a r t i n a★ في 04:46 26/08/2009
عاشت ايدك دودو للموضوع  
العنوان: رد: أبد مو چذاب .............. هههههههههههههههه
أرسل بواسطة: عاشقة هيثم يوسف في 01:53 27/08/2009
نصبّت الصواريخ على چتفي وصيـّحت.... اني إلكم... طبا طبا.. طاخ طاخ طاخ.. الزگه.. جيبه.. ودي... الله.. إصلخه.. ألطمه (هاي موسيقه تصويريه).

والله صفيتهم بقوا بس 7 جنود ودبابتين واني باقيلي رمانه وعلچ أبو السهم...... شسويت؟.. لزگت العلچ أبو السهم بالرمانه وشمرتها على الدبابة.. لزگت بيها.. وچان تنفجر.

بقت دبابة وحدة.. ركضت عليها وبيدي قلم أبو النبالات (لحد يگولي منين جبته.. هوه إجه)... والله وبالقلم گطعت السرفه (التايرات مال الدبابه يعني).. وگفت... گـُمزت عالقمارة.. فتحت الباب.. نزّلتهم بيدي.. واخذتهم أسرى.

طبعا وره ما هيچ سويت.... إجه الرئيس الروسي وباسني من راسي وگلي:.. وليدي انته اقوه من گرندايزر والله..

هذا المقطع غير خرافي يموت ضحك عاشت ايدك عليه دودو ومنتظرين ابداعتك دوم

تحيتي

بسمة بغداد
العنوان: رد: أبد مو چذاب .............. هههههههههههههههه
أرسل بواسطة: ديراني في 06:24 30/08/2009


يسلمو للمرور الاكثر من روعة