ankawa
منتدى الهجرة واللجوء => الهجرة و واللاجئين => الموضوع حرر بواسطة: علي ابو عسل في 10:13 23/08/2009
-
[رمضان كريم على الجمبع وكل عام وانتم بخير
اخواني اني عراقي مقيم بمصر حاليا والحمد الله قدمت الى منظمة الهجرة IOM وبالفعل تمت الموافقة واني حاليا انتظر موعد السفر
استفساري هو المدينة والولاية اللي طلعتلي هي مدينة هارتفور في ولاية كونيتيكت واني مااعرف اي شي عنها فقط المعلومات اللي على النت واكو تعليق لاحد الاخوة العراقين في الولاية بانها مدينة خطرة ووكالة التوطين بيها سيئة ومن هذا القبيل فالرجاء من الاخوان والاخوات المساعدة بالمعلومات من الاخوة الموجودين بالولاية او الي يعرفون اي شي عن المدينة وذلك لان اني متردد هل اوقع على قبول المدينة ام التحويل لولاية او مدينة اخرى
مع الشكر
-
اهلا وسهلا اخ علي انشالله الولد الي عندة معلومات عن المدينة ميقصر
تقبل مروري
-
الله يوفقك انشالله تنفتح بوجهك ابواب الخير بس ممكن تعرفني شكد طول تحديد الولايه لان اني باقي بس تحديد الولايه رحم الله والديك
-
اخي العزيز شكرا لمشاعرك الجميلة
بلنسبة لموضوع تحديد الولاية بالنسبة لي هو مدة شهر ونصف بعد مقابلة المحلفين ولكن لااعرف المدة بالنسبة للعراقين الذين كانوا معي بس اللي اعرفة انة الموافقة الامنية وتحديد الولاية لللاجئين الذين ليس لديهم كفيل اسرع من الذين لديهم كفيل والله اعلم
-
الاخ الغالي ابو عسل
رمضان كريم
وهذا موضوع اني خامطه من الاخ رافد من اعضاء المنتدى انشاءالله را يساعدك
اخوك ابو عبدالله
خواني كاعد الاحظ كثير من الاخوة خايفين من الولاية أو المدينة اللي راح يرحولهه و يطلبون معلومات اخواني الحل كلش بسيط بس يرادلك برنامج google earth وروح على المدينة او الولاية و اكتب في قائمة البحث عن اي شئ تريد تبحث عنه مثلا محلات او مطاعم و حتى اكو فقرة انه تكدر تتجول بداخل المدينة عن طريق الامر Street view
راح تلاحظ انه تفتر بداخل الشوارع واتشوف ب 360 درجة وتكدرون حتى اطلعون او تعينون الشارع و تحفظ الاماكن وراح اتفيدك من تروح هناك فهذا البرنامج ترة مفيد وحتى تكدر تكتب بقائمة البحث مثلا jobs
training courses يعني تبحث عن دورات تدريبية او عمل او حتى المناطق السياحية حتى اكو فقرة يعينلك البرنامج اماكن الجوامع و الكنائس و حتى معابد المختلفة لكل الديانات و كثير من الاشياء فهسة اني اندل المدينة اللي اهلي كاعدين بيها احسن منهم
ملاحظة البرنامج اكو منه انكليزي و عربي بس يرادلك خط شوية قوية مال الانترنيت
أخوكم رافد
وايضا هذا البرابط مال البرنامج اذا مكدرت اتحصله من غير مكان
http://myegy.com/programs/t2147/Google-Earth.html
والله الموفق
لا تنسانا بالدعاء
باقي للسفر 7 ايام [/b][/size]