ankawa
منتدى الهجرة واللجوء => الهجرة و واللاجئين => الموضوع حرر بواسطة: اوراس اورو في 10:22 23/08/2009
-
اولاً مرحبا بكم اعزائي الاخوة في هذا المنتدى الجميل وارجو منكم تقبلي كصديق وصاحب قضية ووضع مماثل للمقدمين على الاي او ام بغداد ....اما بعد فيا اخوتي الاعزاء اني عندي case no. BGD57** يعني اخاف مو واضح الرقم بالخمسة الاف ...لكن صارلي تقريبا من الشهر الثالث 2009 ولحد الان لا اتصلوا بي ولا اي ايميل ولا حتى جاوبوني على اي شي ؟رجاءً اللي عنده اي علم بالموضوع خلي يساعدني لانه صارت قصة طويلةو انتظار صعب!!! ...مع جزيل الشكر مقدماً
-
اهلا وسهلا بيك اخوية اوراس نورة المنتدى ما اريد اهبط معنوياتك انشالله خير بس اني مقدم على اللجوء من شهر الواحد 2009 وصديقي العزيز المهندس مقدم قبلي بسنة هو موجود هنا يكدر يخدمك بتفاصيل اكثر شو جنها ظلمة ما اعرف شكلك بس النتيجة ما طول انت قدمت وعندك مؤهلات السفر انشالله و 100% طالع بس يراد صبر
تقبل تحياتي ولتاخذ كلامي بعين الاعتبار كل واحد قضيتة تختلف عن الثاني يعني ممكن يجاوبوك وميجاوبوني بس مثل ماكتلك صبر شوية
-
اخويه اصبر انشالله يجاوبوك صديقي هم طول بعدين جاوبو
-
السلام عليكم
اخوان اني مقدم من السابع 2008 وبس مقابلة عندي وحدة ونصيحة ماطولكم جديد على البرنامج واذا عدكم فلوس قدمو على siv لانو اسرع
تحياتي
-
الاخ العزيز ماطول عندك بي جي دي فشغلة وكت وتقابل يعني احسب سنة او اكثر بشهر معاملتك خلصانة
-
اني 8000 اللا شوية يعني انشاء الله وراك فد بخمس سنين انشاء الله اقابل وبذاك الوكت يجوز اني واصل عالاس اي في
الله كريم
-
شكراً جزيلاً لكل الاخوة والاخوات وممنون لمشاركتكم والله يسهل اموركم جميعاً
-
أخوية العزيز........
أصبر وأنشاء الله يصير خير لأن عندي صديق مثل الكيس نمبر مالتك يبدي ب5 الأف وأجاله أي زي نمبر قبل 3 أيام وراح يحددوله مقابله أنشاء الله فتحمل وأصبر ما باقي شي أنشاء الله .......وأذا عندك واهس بجمع مستمسكات هواي واذا أنت مستعجل فقدم عالأس أي في........
تحياتـــــــــــــــــــــــــــــــــــــــــــــــي ;)
-
والله يااخوان مااعرف شكولكم --- يعني حتى لو تحصل الاي زي نمبر هم مو فد شي مفرح بصراحة !!! لان اني حصلت عليه قبل شهرين ونص ولحد الان اي مقابلة او موعد مقابلة اولى ماكو !!! واخر ايميل وصلني منهم يكول انتظر فقط وقضيتك مازالت in processing والحمد لله والشكر ---
يعني الى متى نظل ننتظر ؟؟؟؟ ماعدنة غير الصبر
تحياتي
المهندس
-
اخواني صبروا بعد الطريق باوله وشوفوا الي قبلكم اني الBGD بالالف الاول وصارلي شنه وشهرين وبعدني بانتضار الامنيه
هيه المقابلات هسه تجي وحده وره اللخ بس المهم الامنيه بالنهايه هم يرادلها صبر اضافي
والله ايسهل عليكم وعلى الجميع
اختكم ريم
-
اخي العزيز اوراس اهلا وسهلا بيك بالمنتدى انشاء الله تفيد وتستفيد.
شوف اخي العزيز اني مقدم على اي او ام بغداد من شهر ال11 2008 استلمت الكيس نمبر ويبدي ثلاثة الاف وره تقريبا اكثر من 7 اشهر يله قابلت مقابلتين بنفس اليوم ودا انتظر مقابة المحلفين فالشغله يرادلها صبر اكثر من قبل لانه العدد هسه زاد كلش اذا واحد يقدم هسه يجي رقم كيس ثمانية الاف يعني شغلة تعبانه صارت وطويله بسبب الزخم الي صار عليهم, فانصحك ان تصبر واكو خلال شهر التاسع مقابلات محلفين في بغداد الي ما مقابل محلفين الى هسه احتمال يتصلون بي قريبا يحددوله موعد وتحياتي للجميع.
-
مرحبة اخويه اوراس كصديق بلمنتدى
اخوية احنه صارلنا سنه وشوية مقدمين على IOM وبس عدنا BGD وهاليوم وبعد طول انتظار اجانة IZ وكاتبيلنا انه قريبا المقابلة الاولى واظاهر الجماعة حبالهم طويلة وشغلتهم شغلة وماكو ورانه غير الانتظار والصبر الله يعينك ويصبرك...........
تقبل مروري
-
اخي العزيز اوراس مليون هلا ومرحبا بيك ....
اخوية هو الانتظار ما من مفر يعني تنتظر لازم .. لان هناك زخم جبير عليهم ...
واني صديقي قبل يومين قابل مقابلة اولى وهوة مقدم من شهر السادس 2008 بس هذا مو قياس لان عندي صديق لاخ مقدم بشهر 8 2008 وقابل مقابلتين وهسة دازين علية على مقابلة 3 طبعا اني اول مرة اسمع مقابلة 3 في بغداد ...... بس الله يعلم شنو هي اولوياتهم ...
انشالله تمشي معاملتك بسرعة ...
مع العلم اخوووك انشتل سنة كااااااااملة يلا سافر .....
تحياتي للجميع
اوديسوس
-
مبروك اختي مها حصولج على IZ
بس ممكن تذكريلنا شكد الرقم التقريبي لل IZ حتى نعرف وين واصلة الارقام ؟ وياريت تذكريلنا بالضبط شكالوا بالرسالة مالتهم علمود قرب موعد المقابلة الاولى ؟ واني ممنون مقدما
بالمناسبة ولكل الاخوة --- الرقم التقريبي للاي زي نمبر مالتي هو IZ 106XXX
تحياتي
المهندس
-
اخويه العزيز .. اني قدمت شهر السابع 2008 وعدي اصدقاء ويايه بس قدمو قبلي واني هسه كملت كل الاجراءات الممله والانتضار القاتل وطبعا حصلت على ال BGD وره فتره حصلت على ال IZ وقابلت مقابلتين وكملت كل الاجراءات واصدقائي الي قدمو قبلي بس حصلو على ال BGD .. يعني الضاهر انو الشغله مو شغلت سره لا شغلت جنص او اختيارهم يكون عشوائي . واتمنه للجميع الموفقيه وانشاء الله الكل اتسافر بدون استثناء ...... اخوكم عبوش
-
طبعاً اشكر كل الاخوان والاخوات على مرورهم ومشاركاتهم والله يوفق الجميع...بس اني ليش متعجب انه هيجي صار تأخير؟؟؟ لانه يااخوان اني مااخفي عليكم عملت ويه الامريكان بصورة مباشرة وعندي ركمنديشنات قيامه يعني هوايه.... والقضية مثل ماكال احد الاخوة الظاهر والله اعلم هي قرعة او عشوائيه بمعالجه طلبات اللجوء بعد غير هاي الله اعلم....وأكرر شكري الجزيل لجميع الاعضاء ممنون الكم.
-
شكرا اخوية سيوفي على الشعور الحلو
رقم IZ مالتنا مثل مالتك 106XXX وكاتبين بلضبط انه العائلة كلها مشمولة بالتقديم وانه موعد مقابلتك الاولى قريبا SOON وحاطينه من ضمن الجدول للمقابلات الاولى واصبر وانتظرنا...
وبس ماكو غيرها .
طبعا احنه بس هيج كاتبيلنا وكلبناها عرس لعد لو انقابل ونوصل مرحلة ويكولولنا باجر السفر شنسوي؟؟؟؟؟؟؟؟؟؟؟ ههههههههه
ترة يا اخوان الصبر والانتظار يتعب
تمنياتي للجميع بلسفر والحصول على مايتمنون والله الموفق