ankawa
منتدى الهجرة واللجوء => الهجرة و واللاجئين => الموضوع حرر بواسطة: iraqi1110 في 11:12 23/08/2009
-
السلام عليكم
اخوان اني شاب اعزب مقيم بالاردن ومرايح لبغداد من سنة 2004 مقدم على المفوضية من سنة 2007 ولحد الان ما طلعلي كلشي وباخر مقابلة الي كلولي التوطين شاف ملفك بس انت ما الك اولوية وع انه هواية ناس مقيمين وحالتهم كلش زينة ويروحون لبغداد ويطلعلهم لجوء واني لحد الان كلشي ماكو
اكو ناس كلولي قدم شكوى للمفوضية احتمال يتحرك ملفك واني حاير ما ادري شسوي اتمنى تنصحوني
-
الصبر مفتاح الفرج اصبر وانشالله تفرج
-
اصبر اخونا وخليها على الله يسهلها هية الشغلة ماكو قوانين تحكمها والظروف والحظ الة دور بيها
-
كلشي بالقسمة اخي
هوة رب العالمين شقاسملك انت راح تشوفة
والله ييسر عليك امرك ان شاء الله
-
شكرا على الرد عيوني مقصرتوا
-
الله يسهل عليك وعلى الجميع وما عندك الا الصبر وبين ساعة وساعة الفرج
-
اخي العزيز
في الوقت الحالي ليس لديك الاولوية في التوطيين لانك شاب اعزب وحدك بدون عائلة الا في حالة انتة عندك قضية خاصة مثلا كنت تشتغل مترجم او في احد الشركات الامريكية في العراق او كنت مخطوف وعليك اثار تعذيب. اما غير هاي الاشياء فالاولوية الان للعوائل وبصراحة دنشوف العدهم اقامات معاملاتهم دتمشي بسرعة.
بس اخذ من عندي كلها مسألة وقت ويجيك الدور مو شرط امريكا ممكن غير دولة
-
ماكان لك لا يكون لغيرك صدقني اخي العزيز اني مثلك امقدم من 2007 واني مقيم واعرف ناس مقيمين وقبلي امقدمين وماطلعنه شي0شغلة اللجوء مثل اليانصيب انت وحظك فكلنا يااخي في طريق الصبر وليصبر ميخسر
-
الاخ العزيز
خلي ايمانك بالله والصبر مفتاح الفرج ترى اني اخوك امقدم من سنة 2006 وعلما اني ماراجع الى العراق من سنة 1990 وانرفضت من امريكا بسبب عدم المصداقية وكل شي صار ويايه واكول الحمد لله والله اكون بعون كل العراقين الطبين
اخوك
القرش الاسود
-
اخوان اشكركم على ردودكم والله الصراحة متوقعت اكو هيج مودة وتاخي بهذا الموقع وبارك الله بيكم ومتقصرون
وان شا الله الواحد يصبر الى ان الله يفرجها
تحياتي للجميع
-
والله يا أخوية المشكلة أنت أعزب ولا مشتغل ويا شركة أمريكية ولا مترجم فالأفضل أن تصبر وتتحمل مثل باقي الأخوان وأنشاء الله أذا مو أمريكا غير دولة ويصير خير.........
تحياتـــــــــــــــــــــــــــــــــــــــــــي ;)
-
نصيحتي الك انه كل اسبوع تذب مناشده بلبريد مال اليؤان وصدكني راح يتحرك ملفك
سوي مناشده واكتبها على ورقه واستنسخها وكل اسبوع روح ذب بلبريد بليؤان
وان شاء الله خير
تحياتي الك
-
شكرا عيني ابن زيونة على النصيحة
بس ممكن توضحلي شكتب بهاي المناشدة بالضبط
-
اخوية هاي مشكلة الكل.....فآني رأيي لو تزوج هسة وتقدم بلكي حتى تزيد فرصتك بالسفر وانت ضارب عصفورين بحجر همين متزوج وهمين مسافر......تحياتي الك اخوية
-
ههههههههههههه
حلوة ابو شكرية بس اللي ميريد يزوج شلون؟
-
الله كريم اخي تفرج ان شاء الله
ومتعرف الله وين قاسملك تكون
-
كلشي بالقسمة اخي
هوة رب العالمين شقاسملك انت راح تشوفة
والله ييسر عليك امرك ان شاء الله