ankawa
منتدى الهجرة واللجوء => الهجرة و واللاجئين => الموضوع حرر بواسطة: Elv1 في 19:54 23/08/2009
-
السلام عليكم اخواني في منتدى عين كاوة الجميل
اخوان عندي سوال محيرني وهوة بخصوص مرحلة ما بعد استلام الفيزا
سوالي.. يعني *الواحد ايقدم على برنامج المساعدات (بنفست ريسيتلمنت)
لو احسن يروح *على حسابة الخاص ومناك يقدم على برنامج المساعدات
*يعني الشغلة اتحير اذا اتقدم على البرنامج يجوز يشتلوك فترة طويلة وبعدين ايدزوك الى ولاية انتا متريدها او ما عندك فكرة عليها يعني ممرتب نفسك الها مثل مصار وية اخونا (الزلمة الحديدي)خطية انتضر شهرين و اسبوع بعدين دزو الى ولاية ايوا يعني مخلوالة اي خيار ثاني
*بس اذا واحد يروح على حساب راح هوة يختار المكان يم واحد صديق او كرايب حتى يكر يساعدة ويوكف على رجليه ??? بس لازم هوة يتكفل بل المصاريف ال حد ما يسجل بل المنضمة يعني مصاريف اضافية
بس هوة عل الاقل يختار شوكت يروح وين ايروح بعد ما ادري شكول ???
والله هية حيرة
ارجو من الاخوان الي عدهم معلومات او مارين ابهاي المرحلة ايفيدونة لان هذا قرار صعب
اكون ممنون الكم
اخوكم ELVIS
-
الاخ العزيز ELv1
اولا اهلا وسهلا بيك في منتى الهجره في عين كاوه
عزيزي
الضاهر اكو صاير عندك لبس بالموضوع
1. انت الي تحدد الولايه الي تريد اتروحله (( عند ملي الفورم الخاص بمعاملهDS 234 )) في خانة الملاحضات
الفتره الي تقدم بيها على الراب نت هي 10 ايام من استلام الفيزا
بعدها راح يدزولك ايميل ايكلولك بيه انه المكان الي انته رايده ويتاكدون منك - هاي اولا
تاسعا
هههههههههه
انت راح اتحدد موعد سفرتك من تتصل بيك خلود الحموي من ال IOM وره ما تسالك اشوكت اتريد اتسافر بس من ضن الفتره مال صلاحية الفيزا
سابعا
اهم شي الواح يروح على مكان من يوصل لامريكا لان انته جاي تعبان ولا تكلي كرايبي وما اعرف شنو لان هناك كلمن ملتهي بهممه ومد راح ايفيدك غير نفسك و خصوصا اذا كان عندك زوجه واطفال يروحون وياك
وايضا المنضمه راح اتساعدك بتسهيل امور المعاملات ما بعد السفر مثل (( السوشيل سكيورتي والكرين كارد والستايت اي دي
وبعدين تعال دا اكلك انته عندك 1250 $ زايده تنطيهه على كل نفر
عمي روح وياهم واخلص من دوخت الراس والكال والكلت والله يوفقك
تره هناك اول ما توصل محد راح ايفيدك لان لام تعتمد على نفسك وصدكني كل فلس اتصرفه راح اتدور عليه ادواره
وهذي نصيحتي الك
تقبل مروري ,تحياتي
اخوك ابو عبد الله
-
اخونا العزيز اغلبية الاخوة والاخوات هنا قدموا على البنفتس والناس الي نعرفهم واخذوها من وصلوا ارتاحوا احنا اختارينا الولاية بس المهم اكو كفيل وعلى الاغلب تطلعلك خصوصا اذا مابيها عراقيين هواية يعني الي اعرفه دترويت مثلا الا اقرباء درجة اولى لانه صار بيها كومة عراقيين بس احنا طلبنا مريلاند بيثسدا توقعنا متطلع لانه كلش غالية او وين راح يلكولنا ايجار بيها بس الحمد لله طلعت عد نروح ونشوف الزاغور الحيكعدونا بيه وبعدين هم احنا حددنا موعد السفر ونقطة الانطلاق
يعني همة شمتريد اذا ممكن يسووه
واحد اذا وحده مثل الاخ فنشنزو كاره البنفتس يكدر ميقدم عليها لانه ماكو برقبته احد
بس العنده عائلة مو الافضل اكو احد يستقبله يوصله يدليه
يعني ربحان مخسران
معجبتك المنظمة خلي غراضك بطيارة من داخل اميركا وروح للولاية التريدها تطلع اصرف
شوف تجربة الاخ ماجلان عن السفر والاستقبال وحجز الفنادق حتى وجبات الطعام وصلتلهم للغرف
اتمنى اكون فدتك
تحياتي
-
اخوية العزيز
همزين اختنا ورقاء ذكرتني بكلامهه
هنا بالمنتدى الغالبية متورطين (متزوجين وجهال ودوخة راس عبالك رايحين يفتحون بلاد الفرنجه وياسسون مستعمرات زغيره هناك ههههههههههه)
يعني فد 80 بالمية من اعضاءنا قدمو عالبنفتس و 20 بالمية راحو براحتهم وراسهم بارد
بينما اصدقاءي من خارج المنتدى بعكس النسبه
يعني الغالبية ما قدمو عالبنفتس بس من وصلوا هناك راحو للمنضمات برجليهم وحصلوا نفس الفوائد
يعني باختصار:
1- فلوس الطياره براسك اول وتالي انت دافعهه وحتى اذا انته وياك عشيره هم راح تدفعهه بعدين وبهالطريقة راح تتخلص من جزء من فلوسك اللي ناوي تاخذهه وياك اللي احتمال اذا زادت عن الدفتر لازم تبقيهه بالدوله الجاي منهه عند اصدقاء او اهل وهاي دوخة راس
2- اذا ما تقدم تكدر تحدد اليوم اللي تسافر بيه والخطوط الجوية مال الاوادم (مو الشركات العربيه التعبانه) وتخلي الترانزينت مالتك مثلا بدبي وتاخذ الوزن اللي يعجبك وبنفس الوقت تختار السعر الرخيص ذل بالطريق (مثلا يكعدوك بمطار لمدة 13 ساعة مثل ما صار وية هواي اعضاء لو يجيبولك اكل بيه تيزاب وفلفل حار بنص الليل ومحسوب عليك باحد المطارات) وانما كلشي براحتك
3- من توصل (على فرض عنك احد عراقي او امريكي كدهه وكدود يبيتك يمه فد كم يوم لان الفنادق تره تكسر الضهر) راح ميقشمروك المنضمات باثاث مضحك ويطيرون نص الويلكوم (يمكن 450 دولار للشخص واللي هي تعوض نص فلوس الطياره) بينما انته هناك تدورلك مكان اللي يعجبك مو بنص اللاجئين لو الاحياء التعبانه وطبعا ماكو احتمال بوري الاخ الحديدي اللي ذكرته حضرتك وانما بالولاية اللي انت يعجبك تروحلهه ومحد يكلك على عينك حاجب (وبضمنهه مشيكانستان وكاليفورنياستان)
4- منضمات هاية التعبانه توديك وتجيبك هههههههه ليش انته عوزك كبر!!! انته هناك تسال وتندل وتروح للمنظمه تطلب حقوقك واللي هي نفس اللي يحصله ابو البنفتس (عدى قرض الطياره واللي يدلوك وين تروح و وين تجي)
5- يكولون انه المنظمه تلكالك شغل :D
هذا مو شغل هاي مذله ان يساعدك واحد حتى تلكه ENTRY LEVEL JOB ويخلوك تشتغل عند اصحاب عمل استغلاليين يعاملوك كلاجئ (مطفي) وتطير عليك المساعدات
يعني قيود
ملاحظه: افترض بتحليلي السابق انه انكليزيتك مفوله وانته سباعي ومينخاف عليك وانه عندك شبكة اصدقاء من الجنسيتين (عراق وامريكا) وخصوصا الامريكية حتى اذا تتخارب وية واحد اكو هواي غيره وانه عندك صنعه او شهاده معترف بيهه كلش قويات وانه انت منسق على دراستك وشغلك من هسه وانه عندك خوش مدخرات وانه ما راح تتكاب شما يصير وياك هناك لان كلش عاجبك تعيش بامريكا
وهذا رايي ولو صار قصة عنتر وانت بكيفك
-
شكرا اخوان على المشاركة
*.طبعا اخويا ما قصرت shawqi shumran بل المعلومات بس اني بنسبة الى الاستمارة ds 234 مليتها بس مكتبت وين اريد اروح
.واني مقدم على برنامج siv يعني مو iom طبعا اعزب لا عائلة ولا جهال ولا ابد بطرك روحي يعني انتا شنصحني اسوي لان شفت اصار وية iron man خلو ينتضر وبعدين شلفو اب ولاية ايوا
طبعا اني منون الك وانشاء الله رحلة سعيدة نهاية الشهر
*عيني ورقاء شكرا الك هواي بس مؤخرا كامو من تقدم عل البنفست همة يدزوك بكيفهم يعني ما عندك خيار ثاني هاي بل الفترة الاخيرة يعني اني بوحدي اروح على حاسابي
بل المناسبة عندي صديقي نفس الشي راح ايروح على حسابة همين اعزب بس يفكر اب ولاية كاليفورنيا و اني اشوفا غالية عل المهاجر ما ادري يجوز اني غلطان طبعا هة هنا ويانا عضو ما اريد اكول اسمة
jay jay ههههههه
شكرا عيني ورقاء اني هم راح اسال ماجلان هم مراح يقصر مشكورة :-\
-
طبعا ما ادري شكلك اخويا ابو الفناجينس انتا فلستة لموضوع اتفلس واني همين مثلك اعزب يعني حديقة
يعني ممتورط الحمد للة
طبعا كلامك منطقي اني اتفق وياك بهاي النقاط الستة الي ذكرتهن
بس هم بعدني حيران اخاف انضرب بوري لان بعدهي الاراء مختلفة بهذا الموضوع
الف شكر اخويا vincenzo تعبتك وياي
-
انته عندك اصدقاء حيل تمون عليهم بفد ولايات معينه ؟؟
يعني بس يلفوك فد يوم لو يومين
وانكليزيتك توب التوب؟؟
وعندك شغله او شهاده محترمه؟؟
عندك خوش فلوس دافنهه زين؟؟ (يعني دفتر لو ثنين مو هواية)
اذا كلهه اي فمعناهه انت كانه دتنتقل من منطقه لمنطقه ارقى بالعراق
-
اي اخوية vincenzo اني عندي اصدقاء امريكان وعراقين يعني همة دكو صدرهم الي
واحد صديقي رائد بل الجيش كال تعال عيش يمي شكد متريد
بل النسبة لفلوس المد لله زين هذا الدفن مال 3 سنوات
شغل هواي عندي خبرة بل الكمبيوتر النت ورك بس اني افكر بل الجيش
اللغة مالتي جيدة جدا
بنسبة الى الشهادة اني بعدني طالب
يعني اول تالي لازم ب امريكا تاخذ امتحان G.E.D
-
دروح عمي شمنتضر لعد
ويا جيش هذا
يعني انت بعدك زغير مبين
يعني اقصى طموحك تصير جنيدي ههههههههه
عمي دروح اوصل ومليون فرصه تلكالك
-
عيني vincenzo اني طموحي هوة الاستقرار انتا تعرف بل الجيش تحصل الجنسية ب 6 اشهر
وهناك اكو بونوس للي يحجي عربي عراقي يعني هواية فوائد اكو بل الجيش
يعني هوة المواطن الامريكي ده يطوع بل الجيش شحال لو مهاجر
يعني اني اشوف احسن بهل الطريقة راح تختصر هواي اشياء
احسن من تضيع الوكت
بعد ا ادري ياريت اتفيدني بمعلومات بهذا الموضوع
شكرا vincenzo اخوية
-
حبيبي روح والله يوفقك
من البدايه انت مرايد هذا الموضوه بعد شكو
اخذ راحتك
;D ;D ;D ;D
-
حبيبي shawqi shumran اني بعدني متخذ قرار بل الموضوع
يعني ما ادري وانتم اخوتي الكبار اكيد انتو تعرفون اكثر مني
فده اسالكم يعني اني ممار بل المرحلة فه ما ادري
منكم نستفيد يجوز اني على خطا بس ما ادري
شكرا الكم هواي و الله يوفقكم
-
صديقي و اخي elvis
الصراحة موضوع جداً حلو او اكيد كلش مهم.
يعني اني اوافقك الرأي اذا انت اعزب الافضل ان تروح بطرك روحك. لئن مثل ما كالو الاخوان انه هاية الفلوس راح تدفعه بعدين يعني براسك براسك او ا اكو شغلة ثانية اذا لا سامح الله ما عندك او خلصت فلوس هناك راح تطلع مطلوووووب , او هذا شي موو زين على الكردت مالتك.
او اكو هواية من الاصدقاء طلعوا بدون البنفتس او عايشين. او تكدر اتقدم على غير منظمات من توصل.
اني اعتبر اهم شي بألبنفتس هية مسألة توفير الشغل.
يعني انت اذا تلكة شغل يــــوكلك ويــــشربك بعد لا تحتاج لا بنفتس ولا بطيخ.
واذا انت ناوي على الجيش فشغلتك سهلة. يعني ما يحتاج تدوخ بس الصراحة انت ما دام راح يطلعلك الكرين كارد بفترة قصيرة شكو دايخ ليش مستعجل على الجنسية.
اما باقي الشغلات يعني ال social security number وال state ID وال DMV هاي شلغات سهلة
اللي سمعته انه مكاتبهم كلش معروفة او تسأللك اي واحد طلايع اقصد شرطي او صديق راح ينطيك العناوين مالتهم.
اكو شغلة ثانية مهمة وهي مسأله وصولك. او ويين راح تكعد يعني بفندق او انت تعرف اكو فنادق غالية. خصوصاً للولاية اللي رايحلها اني كاليفورنيا.
هاية لازم تفكر بيهة لان لازم عندك مكان تروح بيه من توصل, او انت ما تكدر اتأجر لئن ما عندك ssn.
اكو شغلة اني لكيتها بس ينرادلهة صديق يساعدك. او انشاء الله تصير.
يعني كون صديقك يأجررلك شقة او ستوديو. يعني اذا ما يكدر يكعدك يممه, بين ما تطلع الssn او بعدين انت تكدر تنطي الفلوس او اذا تريد اتحوللة الفلوس.
بألمناسبة اكو فنادق او اماكن ايجار اسبوعي او ايجارات معقولة جداً.
او هذا اللنك شوف اسعارهن. او انت بعدين من الله يوفقك او تشتغل راح اتشوفلك فد شقة مناسبة او تشوفلك واحد رايدلة room mate او تكعد وياه.
http://sfbay.craigslist.org/search/roo/sfc/28?query=&catAbbreviation=roo&minAsk=min&maxAsk=200&neighborhood=18
بخصوص المتزوج اني اشوف ان يقدم على المساعدات افضل, حتى اذا يدفعهة بعدين لئن مصاريفة راح تكون اكثر. و حتى اذا يشتغل يعني راح يبقى محتاج للمساعدات الا في حالة لكة شغلة زينة او تمنياتنا للكل بألشغل الزين.
اني اسف ولو طولتها عليك بس انشاء الله ايفيدك الرد او اني احييك على الموضوع الحلو. او تنمنى نسمع ردود اكثر.
او حبي خللي اببالك ترة الحياة مو دائماً صعبة او ترة احنا ندبرهة انشاء الله. او انت ماشاء الله اللغة مالتك زينة.
يعني مثل ما يكول ابو المثل لا تدوخ تجييييييك ص!!!!!!.
اني انشاء الله بس اوصل شتحتاج اني حاضر.
بس احب اكللك هذه وجهة نظري يعني لا تعتمد عليها فقط وشوف الاخرين شيكوولون.
الموفقية والتساهيل.
اخوك ملك ال call of duty 4
جاي جاي