-
مساء الخير شباب ....
حي الله احلى منتدى ...
شباب اليوم اتصلت بيه خلود الحمودي وحددتلي يوم 7-9 رح ايكون موعد سفري الى عمان ومن عمان الشيكاغو وشباب اني وجهتي لهيوستن ان شاء الله....
اريد اعرف منو رايح ابهل يوم بلكي انروح سوة وخاصه ااذا كان لهيوستن ...
تحياتي شباب والله ايسهلها على لجميع ...
-
الف الف مبروووووووووووك اخ ابو العباس على تحديد موعد السفر
وان شاء الله سفره سهله ومريحه والله ايوفقكم
اختكم ريم
-
الف مبروك ابو العباس انشالله وراك الى كاليفورنيا
نتمنى لك الموفقيه وتوصل بالسلامه
فادي
-
الله سهلا عليك اخيرا
الف مبروك وسفره سعيده مقدما
ومع الاسف ما راح اتصير سفرتنه سوه
بس انشاءالله نتلاكا بهيوستن
الله معاك ابو العباس
اخوك ابو عبد الله
[/b][/size]
-
اخويه ابو العباس
شــــــــــــايف كل الخير والف الف مبروك وان شاء الله رحله سعيده وبالموفقيه والنجاح والاستقرار الدائم والله ايرزقك على كد نيتك الطيبه ...
اخوك
محــ2009ــمد
-
مساء الخير شباب .....
ريم عبد ....
تسلميلي ويوم الالج ... كلج ذوووق ...
فادي .... ان شاء الله موعد السفر القريب وكاليفورنيا اتخبل حبي ... تحياتي ...
شوقي ( ابو عبدالله)...
تسلملي يا طيب وكلك ذوق ان شاء الله رح اضيفك واني الممنون وردة ...
mohammed2009....
ابو جاسم الطيب تسلملي كلماتك الحلوة حبيبي الله ايوفقك وردة ....
تحياتي ...
شباب بس هم معرفت شنو رايح وحــــــــــــــــــــــــــــــــــــــــدي؟؟؟؟؟
يعني شنو ماكو احد رايح لاميركا ويايه؟؟؟
خير ان شاء الله ....
-
الله معاك اخي ابو العباس الف مبروك بتوفيق انشاء الله
لا تنسانا في دعاء اخويه
ابو مرتضى
-
عبدو 99 ...
الله ايوفقك وايسهلها عليك ...
-
انشالله الوصول بالسلامة
-
اخوية ابو العباس مبروك عليك ويارب اتشوف كل الخير
ونتمنى لك سلامت الوصول انشاء الله
اخوك غريب اني
عمان 24/8/2009
-
مبروك اخي ابو العباس وانشاء الله توصل بالسلامه . ونتمنالك الموفقيه.
ابو مريم
-
الاخ ابو العباس
الف الف مبروك توصل بالسلامة
اخوك
القرش الاسود
-
أبو العباس الف مبروك رحلة سعيدة توصل بسلامة
-
الف مبروك طريق السلامة انشاءاللة توصل بالسلامة وتشوف كل الخير بالتوفيق اخي الكريم
-
الحمد لله طلعت سفرتك الي شيكاغو مباشرة وعلى الملكية الاردنية لان لو ترانزيت على فرانكفورت جان عصيب بمطار عالية 13 ساعة بالصالة ..
انتو بحالكم يودوكم لفندق مطار عالية الدولي ...لانكم طايرين على الخطوط الملكية ...
ومن توصل مطار اوهير في شيكاغو راح تطير لدالاس ..وتنزل بدالاس و تصير لهيوستن على مطار هووبي
وهلة بيك بهيوستن ....
-
الف مبروك اخويه العزيز ابو العباس ورحله موفقه انشاءالله وادعو من رب العالمين توصل بالف سلامه وتتهنه بحياتك الجديده امين
اختك ميادة/مصر
-
مليووووووووووون مبروك واتمنى لك رحلة سعيدة وموفقة ...
تحياتي وبالتوفيق
اوديسوس
-
انشالله الوصول بالسلامة والف مبروووووووك
تحياتيـــــــ بالتوفيق
-
الف الف مبروك ورحلة سعيدة ويارب توصل بالسلامة وتحقيق الاماني يارب
اخوك جوزيف
-
مبروك اخوي ابو العباس وانشاء الله سلامة الوصول والاستقرار
Iron_man
-
ابو العباس
الف مبروك وشايف خير وانشالله ترتاح بسفرتك وحياتك القادمة..
واي شئ تحتاج موجودبن
-
اهلا بك اخي ابو العباس
راح تنور هيوستن بوصولك
اني ارسلت لك جواب للاحد اسئتلك عن طريق
زميل لنا في المنتدى
اني حاضر وبالخدمه
انا اسكن هيوستن
اخوك
NOOR 2
-
ألف ألف مبروك أخوية العزيز ........موفق أنشاء الله .....أنشاء الله ترتاح بسفرك وترتاح بولايتك الجديدة...
تحياتــــــــــــــــــــــــــــــــــــــــــــي ;)
-
بالبدايه احب اباركلك واهنيك لتحديد موعد السفر بس كلي انت من وين راح تسافر ؟
اني اخويه راح يسافر بنفس اليوم بس همه خيروه كالوله تريد من بغداد لو من البصره طبعا هو اختار من البصره يعني احتمال تتلاقون بعمان او تاتلاقون بيوم الفحص بابن البيطار
تحياتي
-
تحيه قلبيه للكل ....
يعني اني بس اسال سؤال بسيط اشكد العراقيين طيبين؟؟
الله ايجازي كل واحد على كد نيته .....
احبابي ...
محبكم ....
تسلملي على الدعاء وردة....
غريب اني ...
الله ايبارك بيك وتسلملي وممنون على دعواتك وردة
والله ايسهلها عليك ....
ستار اكس بي (ابو مريم )...
اني ممنون منك والله ايسهلها عليك ....
القرش الاسود....
تحياتي الك وتسلم يا طيب...
شيبو .....
الله ايبارك بيك والله ايسهلها عليك وردة ....
انجي ....
تسلمين يا وردة والله ايجازيج على اللي دتسويه للاخوة والناس اللي دتستفاد من ورة معلوماتج
شكرا اختي مرة ثانيه .....
بلاك ووتر .....
حبيبي وصديقي وان شاء الله جاري العزيز قريبا ....
طبعا كل اللي حجيته صحيح انه اني اول شىء ترانزيت ابعمان ابمطار عاليه واخير مطار رح اوصل اله هو مطار (وليام بي. هوبي) اللي كلت عليه واني ممنون منك يا طيب ودائما اتفائل بحجيك اني ...
تحياتي الك ..
اخت ميادة الوردة ....
يارب ايسهل عليج وتمشي قضيتج امين يا الله ... شكرا اختي مرة ثانيه ...
اوديسيوس ....
شكرا حبيبي والله ايبارك بيك تحياتي الك يا وردة...
عراقي غيور تسلم يا وردة يوم الالك...
جوزيف العراقي الجزء الثاني ....
اسمك طويل حيل ههههههههههه
تحياتي حبيبي وشكرا المرورك وتسلملي ....
الرجل الحديدي .....
حبيبي خوب انته سالفتك انلفت بيها حيه مو اخويه؟؟؟؟
بس بلكي الله وبجاه ال البيت وهسه تنحل واتفض يا رب باسرع وقت يا رب ....
تحياتي حبيبي ....
ماجلان الوردة .....
حبيبي اول شىء انته الف مرة الحمد لله على سلامه وصولك ويا رب ترتاح وتسلملي حبيبي ومرح انسى وكفتك ويايه تحياتي وردة .....
غسان الاشقر ( ابو ابراهيم) الطيب ....
اول شىء انته حضرتك غني عن التعريف لان المواضيع اللي دتنزلها كلها فائدة وجزاك الله كل الخير وردة
واريدك سالم حبيبي ,,, ترة اني يمكن داخل وياكم مرة كونفرس على المسنجر اني وياك وعلاوي الشبح الله ايذكره بالخير ....
تحياتي وشكرا مرة ثانيه ...
اخ نوور الطيب ....
اكيد اني ممنون الك وتعرف شنو اكو مرة موضوع حضرتك نزلته كتبت بيه انه انته استلمت الكرين كارد اب 20 يوم تعرف لحد الان يمي وحاطه بالفيفرتس مالتي لان صدك اتفائل بيك وبيه ...
شكرا مرة ثانيه وان شاء الله انصير جيران ...واني اي شىء تحتاج اني ابخدمتك .....تحياتي
ابو سارة ....
شكرا الك وتحياتي وتسلملي ....
عاشق الصمت حبيبي ...
الله ايبارك بيك ...
اني ان شاء الله سفرتي من بغداد يوم 7-9
واهلا وسهلا بيك وباخوك وحبيبي اني امسوي فحص وكامل ...تحياتي الك
تحياتي شباب والله ايسلم الايادي اللي كتبتت ...
شكرا جزيلا مرة ثانيه للجميع واتمنى ما نسيت احد ....
-
اخوية ابو العباس بالخير والففففففففففف مبروك وان شاء الله الوصول بالسلامة وربي يفتحها عليك من اوسع ابوابة................
اخوك ابو يوسف....
-
اخوية الحبيب ابو العباس ....
والله ضحكتني على سالفة الحية .... هههههههههههه
الله يسمع من حلكك ويستجيب الدعاء ..... السالفة طولت
واشكر اهتمامك
Iron_man
-
السلام عليكم
أغاتي الكريم .. أبـــو العباس
تحياتي .. مبروك والحمد لله على وصولك لمرحلة السفر , اللهم سلامة الوصول
أتمنى لكم سفر ميسر ووصول بحفظ الله .. والنجاح والموفقية في أعمالكم
توكل على الله وأبحر يا جار المستقبل .. موفقين إن شاء الله
مع تقديري
أخوكم .. أبـــو دجــــلة
**
-
مبروك اخويا العزيز
طريق السلامة والله يوفقك ويسهل امرك ويفتحهه بوجهك
-
الف الف مبروك اخويه العزيز ابو العباس
توصل بالف سلامه وموفق باذن الله
تحياتي toofy
-
توصل بالف سلامة للاسف احنا وراك باسبوع
-
الاخ ابو العباس الله ايسهل امرك واينور طريقك يارب
اني اعرف جماعه راح ايطلعون وياك بنفس اليوم بس وجهتهم مو هيوستن
وهمه مخلصين الفحص الطبي بس كلولهم قبل 3 ايام من السفر انخابركم على الفحص الطبي التجييك الاخير
بس الضاهر حضرتك على برنامج ال اس اي في وممشمول بالفحص الطبي الاخير
وان شاء الله بس يتثبت سفرهم تتلاكون بالمطار وسفره سعيده وسهله ومريحه والله ايوكفلكم ولد الحلال
اختكم ريم
-
مبروك اخويه وان شاء الله سفرة سعيدة وبالموفقيه يارب ادعيلنا الله يفرج علينه
-
مرحبا شباب...
تحيه قلبيه ...
اني اشكر كل الايادي الكريمه اللي كتبت هنا....
شدو ماااان....
حبيبي اني اشكرك وتسلملي ويوم سفرك القريب ان شاء الله ...
ممنون منك ابو يوسف ...
الرجل الحديدي لتهتم وين متوكف سالفتك كول الله وشوف شلون واذا ربك كاتبها الك متروح منك ولا اتروح الغيرك....
عمي واستاذي العزيز ابو دجله المحترم .....
شكرا الدعائك واحنا ماعدنه غير رب العالمين نتوكل عليه هو سندنه ابكلشي ...
وبصراحه اني كلش ارتاحيت من قريتك كاتب (ياجار المستقبل ) لان اكيييد اللي الشرف انه اتكون جاري بس اني اسف مااعرف حضرتك بهوستن او ان شاء الله رح تتوجه لهيوستن وفي جميع الاحوال اللي الشرف وتسلملي عمي الكريم ....
تحياتي الك وشكرا الكلماتك الحلوة...
اهلي يا عراقيين ....
حبيبي تسلملي واني ممنون على دعائك مااعرف اشو هيجي يفتح الكلب ...
شكرا حبيبي مرة ثانيه ...
تووفي....
حبيبي تحياتي الك وشكرا على دعائك والله ايوفقك وايسهل امرك ....
د.ورقاء ....
توصلين بالسلامه ان شاء الله اختي وشكرا المرورج ....
اخت ريم عبد ...
تحياتي الج اختي العزيزة .....
اول شىء اني ممنون على كلماتج الحلوة ودعائج والله يفتحها ابوجهكم اختي ...
وان شاء الله رب العالمين ايسهل الرحله على اصدقائكم اللي رح ايسافرون ابنفس اليوم اللي بيه رحلتي اني رحلتي يوم
7-9 ورح اتكون من بغداد العمان وبعدين ترانزيت ابفندق عاليه وثاني يوم الرحله دايركت الشيكاغو يعني اذا همه ابنفس الرحله اكيد رح اشوفهم بحيل الله .....
اني على الــ اس اي في يعني عدنه بس فحص واحد وصار صارله هوايه ايكون قبل المقابله .....
تحياتي اختي والله ايسهل عليج ....
شجرة الدر...
تسلميلي اختي على كرم اخلاقج شكرا على الدعاء ويارب من كل كلبي الله ايسهلها عليج وعلى كل محتاج ...
تحياتي ...
تحياتي شباب واني ممنون لــــ كل ايد كريمه كتبت هنا .....
تحياتي