ankawa
منتدى الهجرة واللجوء => الهجرة و واللاجئين => الموضوع حرر بواسطة: علي الكندي في 15:01 24/08/2009
-
السلام عليكم جميعا
اخواني واخواتي ساقتصر الموضوع تجنبا للاطالة
اخواني انا مؤمن بان العراقيين جميعهم يعتبرون من ذوي العقول والكفاءة
انا مثلي مثلكم من اللاجئيين العراقيين في الاردن
اعزائي الكرام اريد منكم ان تطرحوا افكار تساعد على جعلنا نعمل معا كيف ساعطيكم مثال
لي صديق عراقي في هولندا كان في الاردن وهو الان في هولندا يروي صديقي انه ومجموعة من الشباب العراقي هناك قاموا بتاسيس مجلة اسبوعية باقل التكاليف ومن حسن الحظ لاقت المجلة رواجا كبيرا منذ انطلاقها
لذلك اريد منكم افكار تساعد على ان نؤسس عمل معين يجمعنا ونحن نديره ونستثمره
صدقوني هذا الشيء ليس مستحيل فجميعكم طموح وجميعكم لديه افكار جمة لذلك كل شخص يكتب المشروع الذي يطمح به على ان يكون المشروع تعاوني اي نعمل به جميعا وبعد اخذ المشاريع والافكار سنقوم بتنفيذ واحد منهم وسنتفق على الية العمل بعد اتخاذ القرار
انتظر
-
اني الى الان متابع الردود وماكوا ولا رد وما اعرف لويش ادري هذا المجال بس للنقاش مال اللجوء بس هذا يخص اللاجئين همين ليش الى الان 16 واحد شاهد الموضوع ولا واحد رد
اللة كريم انشاللة باقي الاخوة يردون
-
عمي قوم التعاونت ما ذلت
الله يسهل على الجميع وبلكي كلها توكف ايد وحدة ان شاء الله
ابو الحسن
-
مرحبا
اخوي علي المشاريع كثيره ولا يمكن العمل علي مشروع معين الا اذا كنا نجتمع في مكان واحد و طرح المواضيع و المشروع و دراسة المشروع عن قرب .
انا اقترح و عملت مدة معينه علي مشروع في الأنترنت و هو عبارة عن موقع الكتروني يحمل أقسام معينة أو موقع الكتروني يحمل مواضيع خاصة مثل مواقع اخبارية أو مجلات الكترونية و يمكن في المستقبل تطويرها و العمل علي ارض الواقع و من خلال الشبكة العالمية .
هذه مشروعي ولا اعرف مدي تفاعلكم مع الموضوع و يمكنك اخي علي مراسلتي و التواصل معا
شكرا
-
حبيبي اني جد ا اسف
بس اني رايح لامريكا وانت بعمان المهجوره اشلون راح ناسس المشروع سوى
اخوك ابو عبد الله
-
واني هم مثل اخي ابو عبد الله ... بس موضوعك جدا جميل واتمنى تحقق طموحك.
تحياتي ذاكر ابو فابيان
-
السلام عليكم .........
حقيقة الموضوج جدا جميل ومهم .....
والحمد لله اني من عائله كلها كفائات وهم عندنا هيج فكره ....
والحمد لله اطرحت هاي الفكره سابقا وكل واحد عنده طموح لمن يوصل ....
وياريت الي بامريكا يساعدنا لان نحتاج معلومات عن السوق وعن طبيعه العمل .....
واتمنا نبقى متواصلين ونسمع كل جديد عنكم .....
تحياتي
-
الله ايسهل أمروك يا ربي
-
والله اخي احسن فكرة هاي ولكن اغلب الاعضاء واني منهم رايحين على امريكا قريبا فياريت لو تكدر اهناك انسوي مشروع ونشترك بالتكلفة مالتة ايكون فد شي ممتاز.
-
اخي العزيز انا افضل ان اكتب عن العراقيين وعن معاناتهم في الدول العربيه وما فرقها عن الدول الغربيه وكيف التعامل مع العراقي كبشر هل في الدول العربيه احسن او الغربيه ؟؟
وموضوعي الثاني والاهم هو مواضيع عن الحنين الى الوطن وكيف كان الوطن وكيف اصبح ؟؟
هذه كلها فوارق كبيره ..... وانشالله اكون مستعد للحوار عن هذا المشروع الجميل
وانا حاليا في عمان وانشالله مقبل على السفر الى كندا
اخوك : الفريدو
-
الاخ علي الكندي
والله موضوع وفكره حلوه انت شكلك انسان طموح واني هواي احترم هيج ناس مومثل النايمين للظهر يبجون ويريدون يعيشون عالمساعدات عبالك تكول عمرهم 70 سنه ولو حتى اللي عمره 70 سنه اذا انسان طموح همينه راح يشتغل لان العمل عباده والعباده ماتتوقف عند عمر معين
كلامك حلو جدا لكن راح افاجئك بهذا الشي
اولا اني عمري 35 سنه ومن عمري 18 سنه بديت اشتغل خياطه على تصميم اكسسوارات يعني اعمال بسيطه على كدي هذا غير الوظيفه عند الحكومه
ومن سافرنا لعمان دخلت عدة اكاديميات وتعلمت حلاقه والحمد لله ماشي الحال يعني طموحي مااله حدود واحب اطور نفسي
هنانه بماليزيا العراقيين دائما يفتحون مشاريع واني منهم عندي صالون مرتب وباسعار جدا جدا تعاونيه
بسسسسسسسسسس مع الاسف العراقيين هنانه ماكو واحد ينفع اللاخ يعني مثلا اكو هوايه ناس عراقيين فتحوا مطاعم عراقيه باسعار رمزيه وانت اخي تعرف الاكل العراقي ماكو اطيب منه بس الناس العراقيين مع الاسف يستحيفون ينفعون العراقيين يروحون ياكلون بمطعم هندي وصخ وغالي ومابيه شوفه
طبعا مااحجيلك عالعداوات اللي حصلتهه من النسوان علمود هذا الصالون لويموتون مايجوني يروحون على وحده هنديه حتى جرب عدهه X
بس الحمد لله والشكر لو الرزق على بني ادم جان الناس ماتت من الجوع الحمد لله كل العربيات يجوني الا بنات بلدي طبعا هذا غير محاولاتهم وتوسلاتهم انو مااسوي هيج مشروع يكولون اخاف تخصرين ومن هالسوالف مال الغيره والحسد
اخي انت من دتكول اكو عراقيين مجتمعين على مشروع ووين ??? بالغربه كووووووولش دااتعجب يمكن العراقيين اللي باميركا غير اللي بماليزيا والله اعلم
صدكني هذا موبس كلامي ومدااتبله على احد والله الشاهد اسال اي عراقي عنده مشروع بماليزيا راح يكولك نفس الشي
تحياتي الك واتمنى تظل على حماسك وتبدع
خويتك مظلومه سوادي فلك ::)
-
أخوية العزيز .........
طبعا فكرتك جدا حلوة ومفيدة وأني هم أشجع واحد مثلك يحب يدور شغل أو يكون مشروع صغير يبدي بي الى أن يتوسع .....بس المشكلة أخوية أكثر الأخوان جاي يلجؤون الأمريكا بهذا الموقع ......فينراد تكون مجموعة من الأخوان الى رايحين الكندا وتتناقش معاهم حول الموضوع ......
أما الأخت مظلومة سوادي فهي بطلة وعاشت أيدها عالعمل الى جاي تقوم بي بماليزيا يعني صدك معتمدة على نفسها ....................
تحياتــــــــــــــــــــــــــــــــــي لكل الأخوة الى يفكرون بهيج موضوع وما يعتمدون على المساعدات وهمه كاعدين...................... ;)
-
والله فكرة رائعة وانشالله اصفن لكم بفد فكرة حلوة.
-
السلام عليكم
الحقيقة افرحتني الردود كثيرا فالمهم الجميع شارك برده والحقيقة اوجه تحياتي الى البطلة الصامدة ( مظلومة سوادي) على الكفاح الذي تبذله اما مع الاسف من مضايقة العراقي للعراقي فللاسف الشديد هذا موجود في عمان ايضا وانتم اعرف به كثير من الحالات صارت هنا في عمان حتى وصلت الى الضرب بين العراقيين انفسهم
وعموما انا كان املي ان احد يعطيني فكرة عن مشروع يجمعنا من خلال الانترنت وليس على ارض الواقع على سبيل المثال
الشباب في اميركا حاليا من جنسيات اخرى لديهم مشروع يدعى التسويق الالكتروني
شارك المجموعة من الشباب مع شركة كبرى وقاموا باخذ كود تفعيل واحد تحت اسم الجميع ثم قاموا بترويج منتجات الشركة عن طريق الانترنت وفعلا حققوا مكاسب تفوق الخيال لان الشركة اعطت لكل شخص منهم نسبة 35% من سعر المنتج
وعموما انشا لله تعالى تنورونا بهيج مشاريع
تحياتي لكم
-
الاخ علي الكندي
شكرا على هذا الموضوع الراقي وفعلا انت فكرت بموضوع نقلتنا من الملل والسام وانتضار الامنيه وانتضار المحلفين الى موضوع فعال ومفيد
اني اتمنى اكدر اساعد واقدم اي موضوع ينتفع بي اخواني واي موضوع تتفقون عليه اني اكدر ابحث واشتغل واشارك بيه
اما بالنسبه لاختصاصي فعندي دراسات واهتمامات متنوعه ومنها البرمجه اللغويه العصبييه والي يعمل على تطوير الذات وهاي ممكن انساعد بيها الاخوان الي ايفكرون بمقابلات العمل او بفتح مشاريع صغيره او بالتعامل مع الاخرين وخصوصا بالمجتمع الجديد الي ينتضرهم وهذا ميتعارض مع اي مشروع تتفقون عليه لان ممكن ايكون من مكملات اي مجال في الحياة
واني بخدمة اي مشروع هادف تتفقون عليه
اختكم ريم
-
الاخ ابو ساره
الاخ علي الكندي
والله خجلتوني :-[
بالنسبه للعمل عالكومبيوتر والترويج فاني مستعده لهيج مشروع ومابيهه شي اني عندي وقت فراغ يوميا 4 ساعات اتمنى استغلها بهيج مشروع بيه فائده
انا معاك يامعلم :)
-
شكرا الك اخي على موضوعك
وبالنسبه لكلامج اختي مظلومه اني اكلج صحيح مليون الميه لان فعلا العراقيين واحد يضايق الثاني ما ادري ليش
اما عن المشروع عن طريق النت اني جاهز لان اني شغلي حاسبات اني خريج هندسة برامجيات وان شاء الله اكون وياكم
-
واني هم وياكم ، اني معندس شبكات ، وعندي شهادة من سيسكو وخبرة ممتازة ، والفكرة كلش حلو ، يعني صحيح احنة منكدر نشتغل بعمان ، بس عن طريق الأنترنيت كلش نكدر نسوي ، وموضوع التسوق الالكتورني ابالي من زمان ، وعندي معلومات زينة عنة ،
-
السلام عليكم
موضوع حلو وجميل ويسوي واهس بصراحة واني وياك مقتنع بالكفاءات الي يملكها الفرد العراقي
بس بما انه احنة في منتدى اللاجئين خلي نشوفلنه فد قصة واحد لاجئ من اصدقائنه الي بالمنتدى تكون قصة صعبة وماساوية ونسويها مسلسل تلفزيوني او مسلسل بالردايو او اي شئ هذا واحد
ثانيا ياريت لو نسعى الى ان يكون ارتباط هذا المنتدى بمنظمة اليو ان او على الاقل يكون اكو ممثل من اليو ان يتابع هذا المنتدى ويشوف بعينه العراقي شديصير بي من اجل الحصول على اللجوء
يعني خلي نسخر افكارنا من اجل ان يستفيد كل شخص موجود ويانه في هذا المنتدى
تبقى الطريقة شلون؟ هايس ينرادلهعا علاقات والبركة بيكم عبر وسائل الاعلام شلون توصلوها انه اكو منتدى بي معاناة العراقيين ومن هاي الامور
شكرا لكم/ اخوكم حيدر
-
اعمل من بيتك
الي يحب يشتغل من البيت وعلى جهازه الكبيوتر الشخصي ومن له المقدرة في انجاز الاعمال التي يطلبونها في هذا الموقع لا يتردد ان يدخل ويسجل بصراحة انا جربته والدفع بي مضبوب ومضمون وسرعة انجاز العمل تعتمد عليك وسوف تحصل على تزكيه كلما انجزة عمل وسيكون التعامل معك مستمر كلما انجزة عمل وحصلة على التزكيه اليكم رابط الموقع
http://www.odesk.com/jobs/?q=