ankawa
منتدى الهجرة واللجوء => الهجرة و واللاجئين => الموضوع حرر بواسطة: صوفيا في 15:05 24/08/2009
-
اخواني الاعزاء منو يكدر ينصحني بخصوص طلب او عدم طلب مساعدات خدمات اعادة التوطين يعني اس اي في وهل اذا طلبتها رح يتأخر سفري لو لا . شكرا جزيلا
-
اختي صوفيا
اهلا وسهلا بيك في هذا المنتدى الرائع ..
بخصوص المساعداد لجماعه SIV تكدر اتقدمين عليها بعد صدور الفيزا مثل ماتعرفين واذا عندج كفيل هم ايظا راح يرتبولج الاتصال بهذا الكفيل وايجاد منظمه قريبه على الكفيل لكي تستقبلج وتقوم بتقديم المساعدات الي اكيد اتعرفيها ...
لكن بخصوص الوقت انتي اذا قدمتي على المساعدات الوقت سيكون من 40 الى 60 يوم الى ان يتم موعد السفر وهذا حسب ماذكر الاخوه الذين سافر وهم مقدمين على المساعدات ...
اما اذا قررتي السفر بدون طلب مساعدات تكدرين السفر مباشره واتروحين يم الكفيل ومناك اتقدمين على اي منظمه قريبه على الكفيل واتحصلين كامل حقوقج ...
هسه اتكولين لعد شنو الفرق بين الاختيارين الفرق هو فلوس الطياره بالاختيار الاول راح اتقسطيها على مده 3 سنوات (في حاله طلب المساعدات) اما بالحاله الثانيه فانتي ادفعيها ليكدام مره وحده وطبعا هاي الشغله بالنسبه لصاحب عائله اتفرقله هوايه ..
اني قدمت الخيارين وانتي اتعرفين وضعج شوف ياهو الانسب واختاري ...
وبالموفقيه والنجاح ان شاء الله
محــ2009ـــمد
-
الاخت الكريمه صوفيا
هذا القرار عائد الج وبس ومحد يكدر يدخل بيه
وبخصوص موعد السفر ممكن يتاخر بناءا على طلبج فقط لان انت الي تحددين الوقت
انشاءالله جاوبتج
-
اني افضل تقدمين مساعدات ..
اكل وشرب لمدة 8 شهور وايجار لا يقل عن 4 شهور ..ومساعدات عينية اخرى ...وتذاكر الطائرة تقسط بعد فترة طويلة
والخيار راجع الج ..
لكن اذا طلعتي على حسابج الخاص ...
راح تدفعين ايجار لا يقل عن الاربع شهور ..ويعني 2400 دولار بالوجه وفلوس التذاكر فوك 1400 دولار ..
والاكل طبعا مسواكج فد 150-200 دولار شهريا ...
ما اتصور اكو واحد يترك هيج فوائد ؟!!!
بالمناسبة العشرة الالاف دولار ما تبقى عندج 8 شهور تطير مثل الورد