ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو ريم في 15:11 24/08/2009
-
تحية عطرة
انني سمعت بان اكثر من 80 الف مكسيكي قد عادوا طواعيا من امريكا الى المكسيك هل بسبب الازمه المالية الخانقة ام بسبب انه يعتبرون مهاجرون غير شرعيين . ام اسباب اخرى وشكرا
-
عمي ابو ريم هذولي جانو من السواعد ((بيت الساعدي )) وجانت عدهم طلابه (( او فصل عشائري)) يم عمامهم البو بوش حلوها وهسه رجعوا لاهلهم
والسلام
اخوك ابو عبد الله ;D ;D ;D ;D ;D
-
تحياتي
اني هم قريت هيج خبر قبل فتره ولكن كان السبب لانهم مهاجرين غير شرعين وليس لهم وضع قانوني داخل الولايات المتحده فقط .. واكيد ايسون هذا الترحيل لان باليوم الواحد يدخلون المئات من المهاجرين غير الشرعين الى الولايات المتحده عبر الحدود الامريكيه المكسيكيه .
شكرا
محــ2009ــمد
-
الاخ ابو ريم حقهم يرجعون عمي شايف المكسيك من المسلسلات المدبلجة تشك شك
كلشي ماكو عدهم هناك بالهم صافي
-
مو العراقيين وصلوا
-
لا أخوان ترة المكسيكيين يكدرون يعبرون قجق من وره حدودهم يعني كلها شمرة عصا وهو بأمريكا....فأكيد هذولة شكوا بيهم أو مسويين طلابة وأضطروا للرجوع الى ديار وطنهم ...........وهي شلونها المكسيك الأ تخبل ..........شوفوها بالتلفزيون..............هذولة ناس بطرانة
تحياتـــــــــــــــــــــــــــــــــــــــــي ;)
-
اني اللي سمعته ب
ان عمنه اوباما انطاهم اقامه دائمية حتى يصيرون شرعيين وميستغلوهم اصحاب العمل.
-
حبيبي رئيسهم المالكي - فرع المكسيك - سوه اتفاقية ضد أهله علمود يرجعوهم أجباري هههههه
-
تعتبر المناطق الشمالية والبعيدة عن الساحل من افقر المناطق بالمكسيك وسكان هذه المناطق هم المهاجرون الرئيسيين الى الولايات المتحدة.وحالياً وبسبب الوضع الاقتصادي الحالي في امريكا فأن الكثيرون من المهاجريين المكسيكيين سواء الشرعيين او الغير شرعين يفضلون العودة للمكسيك لأن تكاليف المعيشة ارخص بكثير وبالتلي فبما انهم بدون عمل فانهم يفضلون الصرف من مدخراتهم في المكسيك عن ان يمضوا بالعيش في امريكا على الأقل بالوقت الحالي
ومن اكثر الولايات التي شهدت عودة المهاجرين هي نيومكسيكو واريزونا