ankawa
منتدى الهجرة واللجوء => الهجرة و واللاجئين => الموضوع حرر بواسطة: حمودي ابن زيونه في 20:45 25/08/2009
-
السلام عليكم
اخر فترة الاعضاء استفسروا وين نروح وشنو اغلى دولة بالمعيشة! هذا الاثبات بانه عمان - الاردن هي اغلى دولة عربية وفق لاحصائية جديدة.
خل يشوفون الـ UNHCR اللي خابروني وره 3 سنوات علمود ينطوني مواد تنظيف ???
(http://img139.imageshack.us/img139/3117/image0011i.jpg)
-
مشكور اخويه بارك الله بيك.................اختك ايات
-
اخي حمودي
الله يكون بعونكم لانكم معاشرين ..... بالاردن ;) وبالاضافة الى الغلاء المعيشي
اخوك
ابو هدى-مصر
-
اي والله حمودي الله يكون بعونه على هاي الحياة البلوة
الله كريم
-
حبيبي حمودي صدكني لو نعرف عمان هيج ما اجينه الها بس قدرنا نكعد بيها ونتبهذل بهيج شعب تعبان وماعنده اي اطباع من اطباع العرب لانهم ناس جوعانين وشبعوا شتترجه منهم
وصدكني بس اطلع منها والله لو الكعبه تصير بعمان ما اجي واحج بعد طول عمري لان تعبنا بهذا البلد
واسف على هذا اللفظ بس من قهرنه وبهذلتنه هنا
والله يوفق الجميع يارب
اخوكم : الفريدو
-
لاحظوا انه بغداد اصلا مش عالخريطه
ارخص مدينه بالعالم هيه بغداد
وبهالمناسبة اني اشجع كل اللي يكدرون يتحولون لبغداد ان يستعجلون وميضيعون مدخراتهم بهيجي اماكن نص ردن
-
اخي حمودي
يؤسفني انو اكول هذا الغلاء سببه تكدس العراقيين في عمان وجشع الناس هناك وحبهم لاستغلال العراقيين
اني بسنة 2000 رحت لعمان والله كانت رائعه اولا مابيها هلكد بنايات وعمارات وبعدين دخل الفرد يتناسب مع الايجار
اخي كنت اعمل بارت تايم بروضة اطفال وبارت تايم بصالون كلهم يم البيت وزوجي همينه عنده شغل
دخلنه احنه الاثنين 400 اردني وايجار بيتنا مؤثث ويسموه تشطيب سوبر ديلوكس ب 150 اردني اكل وشرب ومعيشه حوالي 70 اكثر شي الاكل جان رخيص والايجار وحتى ابو التكسي ماجان يفرق بين عراقي وغير عراقي يعني جنه عايشين اوكي
وبس صار السقوط بده توافد العراقيين بشكل كبير ناس شاردين من العنف وعلى كد حالهم والناس الثانين حشاكم حواسم هذوله اللي خلوا الاسعار نار والاردنيين طبعا مو الكل الاكثريه منهم ماصدكوا راسا رفعوا الاسعار ايجار واكل ومن هالسوالف
ولاتنسون الاقتصاد الاردني تاثر سلبيا بعد السقوط لان انقطعت عنهم مساعدات النفط والكهرباء اللي جان يجود بيه النظام السابق وعلى راي المثل وهب الامير بما لايملك
ده اقتراحي في الاضيه يعني ;D
-
اخوان صح غالية نظرا ..لنسبة الضرائب التي تقدر ب 16 %..
بينما اي اغلى ولاية امريكية لا تتجاوز نسبة الضرائب 8%
ولا تستغربون اذا اكلكم بغداد هسة حاليا صارت اغلى من امريكا وعمان ..لان تضخم اقتصادي صار بيه وعدم تناسب الراتب مع المعيشة ..وعدم ركود الدولار على سعر محدد
-
ماجلان انته غير طكوك اذا بالشهر ثنعش ورقه متكفيك
مو اللا تلث وجبات اوردر من صاج الريف
كول يا الله
يعني قابل هسه العراقيين كلهم دخلهم خمسطعش ورقه لو كاتلهم الجوع
زين انته شكد جان دخلك قبل ما تشتغل وية الامريكان وشلون جنت عايش؟؟
-
اخواني هذا اشلون حجي ، عمان اغلى العواصم العربية ، وين اكو هيج شي ، اني عايش في دبي قبل وايضاً عشت فترة بالدوحة ، يعني ماكو اي وجه مقارنة ، الأيجارات بعمان والي هسه اني موجود بيه ، شقة مرتبة ومفروشة وماخذه 500$ بالشهر ، بدبي شقة بسيطة وغرفة وحدة جنت ادفع حوالي 600 دولار غير كلشي الي غالي بيه ، وبالدوحة الأيجارات نار ، وبعمان على سبيل المثال التكسي ارخص بهواية ، وجبات الأكل + الضريبة تطلع ارخص من دبي والدوحة ، المسواك كله يعني الخضروات واللحم وباقي المواد الغذائية هم ارخص ، وبالمناسبة اني بالعراق الفترة الأخيرة كنت عايش بالشمال يعني بالسليمانية ، وصدكوني اغلة من عمان بهواية ، يعني مأجر بيت والله العظيم ب 600 دولار ، ولتر البنزين ب 750 دينار وكلشي غالي والمولدة حوالي 60 دولار بالشهر وغيره وغيره ، العراق مو العراق قبل ، لحد يسولفلي على الرخص يالعراق
-
اي صح بغداد واربيل هم غاليه بس الظاهر ما شملها الاحصاء.
اني هم عشت بدبي بش مشاركة والصراحة ارخص من عمان يعني وفرت افلوس كومه مو مثل اهنا تمشي يجوك النشامى يريدون دينار ونص غرامة على كل يوم !!!
-
يقول الله تعالى :ولايجرمنكم شنأن قوم على الا تعدلوا؛اعدلو هو اقرب للتقوى:صدق الله العظيم
-
اخواني انتو تحجون على العيشة بدبي اني جنت عايش بدبي 4 سنوات
سؤالي هل ابسط راتب بدبي مثل راتب بعمان اغلى شي بدبي هو الايجار والمدارس مال الاطفال ولكن الراتب في دبي كان يسد الايجار والمستلزمات الاخرى
يعني مثلا الزوجة والزوج ادا اشتغلو يقدرون يأجرون شقة جيدة ويمتلكون سيارة لكل فرد منهم ويستطيعون العيش بكرامة
اما هنا فحدث بلا حرج تضل تركض والعشى غباز
-
الله يكون بعون الجميع وياربي رزق حلال للكل ودعائي لكم بالموفقيه
اخوكم الخالدي الاصيل
-
انته طلعت مو نادر وانما نسبة اللي مثلك من العراقيين اقل من واحد بالمليون
وجاي تقيم الغلاء ببغداد
وانت اصلا ما جنت عايش بيهه
يعني بعمان واجيت اشتغلت وية الامريكان
وبعدين سافرت لكاهونستان
صديقي
اذا مجبور او لا (هذا فد شي يخصك)
فترى العراقيين معظمهم جانوا عايشين قبل سقوط النظام ب5 دولارات بالشهر ومسيطرين
فهسه اللي يحصل 500 دولار بالشهر مئة مرة اسعد من كبل
واني ما حجيت من منظور ذاتي حول نفسي وانما عن اصحاب العوائل اللي اعرفهم
الله يزيدك
-
حمودي هذا التقرير يقصد ( عمان الغربية ) فقط ام عمان الغربية والشرقية
لان تعرف عمان الشرقية محد يروح بيها فقط الي دخلة الشهري اقل من 300 دولار تقريبا ولاتقاس بعمان الغربية من حيث التطور المعماري بالسكن (هذا كلامي مال واحد بال2005 جنت بيها وهسة ماعرف بعد)
تحياتي والله يعينكم عليها وعلى ناسها
-
اخوان اخويه سواله صاحب البيت امر اخلاء واضطر ايأجر شقه طبعا فارغه ب600 الف يعني بهذا المبلغ أأجر ارقى شقه فارغه بعمان واني كعدت ابيت اخويه ابغداد 3 اشهر لاغراض الدراسه يعني سكن بلاش وكان مصرفي اربع ورقات مع الاقتصاد وكان مشوار التكسي ابو 10000 دينار ميكلفني بعمان دينارين اردني يعني 3000 عراقي0بعدين احنا اليوم بعصر العولمه يعني المعلومه ماظلت حكر على احد واحنا بعدنه نحجي بالكاعد برا والكاعد جوا
-
سلام عليكم
الاخ العزيز حمودي والاخوه الكرام
سؤالي الكم جميعاا شنو الي موجود الآن ابغداد ارخص من عمان ؟
جدر البيت ؟ والمقصود بيه المخضر الدجاج اللحوم الفواكه
الخبز؟
الايجار ؟
المواصلات؟
الاتصالات؟
بعض المنتجات النفطيه؟ ناهيكم عن الجوده
الاثاث المستعمل وقسم الجديد؟
اشو حتى التمر البرحي الاردني ارخص واجود الآن من تمرنه
ارجو من الاخوه الكرام الاجابه مع التقدير
ولا تنسو موضوعنه عن الغلاء فقط
-
بس معلومة
هذا التقرير صارلة أكثر من سنة
يعني إحتمال هسة المعلومات تختلف و الأسعار تغيرت
تحياتي
-
بس معلومة
هذا التقرير صارلة أكثر من سنة
يعني إحتمال هسة المعلومات تختلف و الأسعار تغيرت
تحياتي
من وين عرفت سنة؟
-
عيني حمودي
أنا شايف هذا التقرير قبل مدة ، تقريباً بحدود السنة.
نفس الصورة و نفس المحتوى
تحياتي
Wingo