ankawa
منتدى الهجرة واللجوء => الهجرة و واللاجئين => الموضوع حرر بواسطة: Aram2003 في 02:29 26/08/2009
-
اخواني السلام عليكم
ارجوكم اريد مساعدتكم في مسالةايجاد عمل اهوايه سمعنا انو المنظمة تعرضك على خدمات توظيف ولكن لم احصل على جواب كافي الفيزا طلعت مالتي ومال عائلتي وانا مهندس صاحب خبرة فهل هناك مهندسون استطاعوا الحصول على اعمال في اختصاصاتهم؟فانا حاءر في اكمال المعاملة ولاسيما انا وصلت مرحلة ما بعد الحصول على الغيزا اخاف من ضياع شهادثي وخبرتي في مجال المحطات الكهرباءية افيدونب رجاءا وهل بامكان العراقي بعد صول الى امريكا العودة للعراف والعمل مع احد الشركات الامريكية ؟افيدوني رجاء
-
اخي العزيز ارام اهلا وسهلا بك معنا في بيتنا الجميل عينكاوا
والله الموضوع هذا ساخن ويخص الكثيرين وانا منهم وبانتظار اخواننا بامريكا ممكن يفيدونا انشالله ومايقصرون اكيد
اخوكم
ابوهدى-مصر
-
اخي الكريم
ما اريد منك تتشائم من الكلام اللي راح اقوله من الصعب جدا وخاصة بالبداية الصول على وظيفة من نفس اختصاصك لان راح اقول لك هاي الشغلة اني هم مهندس واشتغلت هم بمحطات كهرباء بس اني بعدني بالاردن ولكن زوج اختي وهو خبير بمجال المحطات الكهربائية الغازية و الهوائية و CT CVT و Relay الخ و دورات ماخذ على تنصيب المحطات الكهربائية الغازية في فرنسا والاردن وهسة شنو يشتغل كاعد يشتغل ب مخزن للمواد الغذائية
ولكن من اتكلم وياه يقول الف الحمد الله لان عايش براحة و مرتاح يم اطفالة بس هذا لايعني انه اختصاصك راح اضيع لا لان تكدر اثناء ما تقوم انت تشتغل بهاي الشغلات البسيطة تكدر اطور نفسك هناك يعني تدخل دورات لان صدقني ترة الشهادة العراقية هناك لا شئ بالنسبة الامريكية هذا واقع مو القصد منه اتضوج و تيأس بالعكس فهذا بالنسبة اللي تحدي اللي وللحياة حتى الواحد يطور نفسة لا ن فد يوم راح زوج اختي دزت عليه شركة و كان براتب خيالي وبشركة امريكية معروفة للمحطات الكهربائية من راح للمقابلة ما كعدوا ويه و قالوا له شنو خبرتك لا يقول راسا نزل للمحطة الكهرباء انطوه جهاز كهربائي لفحص ال relay اصحاب الكهرباء يعرفون شنو هذا بس صدقني بالرغم من الخبرة و الشهاداة لم يعرف زوج اختي هذا الجهاز لان جهاز حديث اول مرة أشوفهه بحياته فأخي هناك العلم يتقدم يوم عن يوم فشهاداتنه لازم تنصقل من جديد
هسة هو كاعد يأخذ دورة خاصة بهذا الجهاز صحيح غالية الدورات هناك بس شوية شوية و ثاني شئ من تحصل الكرين كارت لا تتسحن الضروف احسن و مجالات العمل تزداد اكثر علما انه اخي هم ماجستير هندسة بناء مدني و هم كاعد يشتغل شغلات بسيطة مو اختصاصىة بس صدقني محد يموت جوع والكل مرتاحين و كاعد ياخذ دورة بالسلامة safety لان هناك المهندس اللي ماياخذ دورة osha الخاصة للسلامة هذا مو مهندس فاخي الكريم اذا انت شخص صاحب طموح و تحب تبدا من الصفر فأمريكا هيه المكان المناسب و صدقني من تاخذ شهادة وحدة من امريكا دول الخليج اتبوس أيدك بعدين
اني هم مثلك مهندس و مشتغل اكيد راح تعرفها محطة كهرباء الرشيد بس صار اللي صار بيه و تركت العمل و ناوي من اروح هناك اشتغل اي شغلة حتى اعيش و أدخل دوراة بأختصاصي وأبدا من جديد
بالتوفيق ان شاء الله
اخوك رافد