ankawa
منتدى الهجرة واللجوء => الهجرة و واللاجئين => الموضوع حرر بواسطة: ssrr في 10:23 26/08/2009
-
تحية حب,
حصلت على فيزا زيارة الى امريكا و اريد ان اطلب لجوء عند الوصل, هل اطلب اللجوء عي المطار؟هل اتلف الجواز؟ام انتظر الدخول الى الولاية و اطلب اللجوء؟ و ما هي الاجراءات التي ستتخذ معي في كلتا الحالتين ؟ و ما هي الفترة الزمنية للحصول على جواب او تسوية لوضعي؟
سؤال اخر, هل يمكنني الدخول الى كندا و طلب اللجوء؟ و ما هي الاجراءات التي ستتحذ معي؟
ارجوكم افيدوني لانني ساسافر الشهر القادم ان شاء الله
مع خالص امنياتي و تقديري لكم و للموقع المحترم
سرمد
-
والله اخي الكريم اللي اعرفه بس مامتاكد يعني يمكن شخص ثاني عنده معلومات أكثر ما راح يعطوك صفة اللجوء لان أنت فيزا أصولية الا في حالة رايح للدراسة فتكدر بعد ما أتكمل الدراسة أتقدم لجوء مثل ما سوه أخي
بس فيزا زيارة فما أتصور راح تكدر تقدم لجوء والله اعلم واكرر مامتاكد
-
اخويه رافد شكرا على جوابك،لكن اني مشتغل ويه الاميركان،ومداكدر احصل رسالة التوصية من السوبرفايزر لان ما اعرف هو وين حتى اقدم على اي برنامج ،فبدل ما اضيع الوقت كلت اروح واتوكل على الله.بلكي عندك او عند الي ويانه بالمنتدى اي معلومات تنفعني ..تحياتي
-
كنت اتمنى مساعدتك بشغلة السوبر فايزر بس أني متاكد اكو اخوان عدهم خبرة أكثر بهاي الشغلة بس اللي اعرفة انه اكو برنامجين واحد اسمه siv والثاني IOM التقديم المباشر على الهجرة للعاملين مع القوات الامريكية و اكو بقسم المواضيع المثبته بالمنتدى لاهم مواضيع راح تحصل معلومات اكثر و هاي البرنامجين موجودين بالاردن و مصر و العراق و التقديم عن طريق الايميل راسلهم بس اتصور اهم شئ هو السوبر فايزر مالتك يعني لازم تنطيهم عنوانه حتى يتاكدون من شغلك وياه
التقديم من الاردن هذا عنوانهم ammaninfocenter@iom.int
-
اخي العزيز وتعقيبا لما قاله الاخ انه اكو برامج الiom و الsivبس بكل الحالات لابد من كتاب يثبت انه انت عملت مع الامريكان ومن اي فترة ولغايه متى وايضا لازم السوبر فايزر يذكر الايميل الخاص به او رقم الهاتف الخاص به لغرض التأكد منه شخصياً !!! أما بالنسبة للوصول لامريكا وبعدين تطلب لجوء فأني شخصياً ماسامع بيها..... وفي النهايه تقبل مروري وتعذرني لصراحتي.
-
حبيبي شنو السوبرفايزر مالتك عدل لو ميت
اذا عدل فاكيد تكدر تتصل بيه لان اكو اختراع عظيم اسمه الانترنت
وانت اكيد تعرف اسم الشركه اللي جنت تشتغل بيهه
فتدور موقعهم بالانترنت وتبدي المعارك بينك وبينهم الى ان تحصل كل الاثباتات اللي تريدهه
بالنسبه للوصول بفيزا زياره وبعدين تقدم لجوء فعندي صديق سواهه قبل سنه
بس هم تحتاج اثباتات شغلك وتزكياتك
ومتكدر تقدم اس اي في وانما فقط لجوء عالاي او ام (ولو هو هناك مو اي او ام بالظبط وانما كبل تقدم لجوء للحكومه)
وانت بكيفك بعد
-
اخوية ادا عندك توصيات وكتب شكر مثبت بها اسم الوحدة والشعار ممكن تقديمها للاي او ام مباشراتا
-
شكر و امتنان لكل الاحباء الذين ساهمو و اهتمو بموضوعي،صدكوني يا اخوان موكادر احصل السوبرفايزر لان طلع تقاعد من زمان و هو اسمه مكتوب ولازم من عنده التوصية تجي،اضافة الى ان الاس اي في ,او, اي او ام مومضمونه لان عدد من اصدقائي اجاهم رفض و عدد منهم صار اكثر من سنه دينتظر رحمتهم،يا جماعه احنه مو دنكدي منهم لا خلفة عليهم لكن تورطنا من اشتغلنه وياهم بسبب الظروف التعبانة وصارت حياتنه بخطر وفقدنه مستقبلنه بالعراق الحبيب،اعزائي ارجو منكم البحث و التدقيق ومساعدتي بمشكلتي،فانا مسافر بعد رمضان ان شاء الله وساطلب اللجوء وشيصير خلي يصير ، ماكو شئ بعد نخسره.
مع حبي وتقديري
-
اخي انته شجنت تشتغل "وياهم"؟؟ اذا مترجم وية اللجيش او وية شركه مشمولة بالاس اي في ولاكثر من سنه وتكدر تثبت هذا الشي وفد تزكية مرتبة من اي امريكي من المسؤلين المباشرين عليك فبكم شهر انته طالع
اما اذا اي شي من اللي ذكرته ما متوفر عندك فتوكل وقدم عالاي او ام وتحمل سنين تاخير وهم يرادلهه اثباتات لان جان كل العراقيين طلعوا بالملايين لابسط سبب هو انه بالعراق حاره بالصيف وتراب ومزاجهم يتعكر ;D ;D
-
هذا رقم المحامي اللجوء اتصل به واتفق معه هو راح يفهمك شلون بس هو ترى بمشكن واي مساعدة اخرى تدلل اخي
الشخص اسمه مهدي مهدي
هاتف
بدالة 1313
هاتف 5861974
كول اله اني من طرف انجي وانشاءاللة يكون خير
-
تحية طيبة اخت انجي وشكرا على رقم تليفون المحامي لكن اكو انسرمشين و الاتصال لايمكن اتمامه وخابرت هوايا على الرقم لكن بس الانسرمشين دتجاوبني،رجاءا ممكن رقم اخر ..
شكرا اخويه فرزيون على تواصلك ويايا ، ارجوك انت كولتلي ان صديقك طلب لجوء قبل سنه،رجاءا تكدر تتصل بصديقك و تستفسر منه شنو سوى وشصار وياه من طلب لجوء وشلون،اي تفاصيل اكون ممنون،.
مع تقديري للكل