ankawa
منتدى الهجرة واللجوء => الهجرة و واللاجئين => الموضوع حرر بواسطة: بغدادي76 في 08:59 27/08/2009
-
أخوان اريد اعرف شون واحد يحصل فيزة سوريا من العراق ؟
وشكد تطول ومنين ؟
شكرا
-
اخي العزيز..
يا اما فيزا سياحية حصرا عن طريق شركة سياحية وعن طريق المطار..او بواسطة تقرير طبي مصدق من قبل الجهة الطبية والخارجية العراقية والسفارة السورية وعلى اساسه تستتطيع الدخول عن طريق البر بعد دفع مبلغ 50 دولار..
تحياتي
-
تعقيبا على الاخ انه انتبه لشغلة الفيزا الطبية لايسمح فقط لشخص واحد مرافق مع الشخص المريض
-
اخوية Baghdady73 شنو قصدك عن طريق شركة سياحية ؟ يعني أي مكتب سفريات يجيبلك الفيزة ؟ ياريت لو تدليني على مكتب ابغداد , مافتهمت شنو قصدك عن طريق المطار ؟
ممكن واحد يشرحلي اكثر عن الفيزة الطبية ؟
-
اخوية بغدادي
اولا ليش خامط اسمي هههههههه ;D
اخي العزيز بالنسبة للفيزا السياحية فتكون حصرا بالمطار يعني اتسافر بالجو من مطار بغداد الى مطار دمشق وبالمطار تدفع 50 دولار رسم منح فيزا سياحية..حسب الاجراءات السورية فالمفروض تجي ضمن كروب سياحي معد من قبل شركة سياحية عراقية ولكن شفت كثيرين جايين وحدهم بدون وبدون الانضمام الى شركة وتم منحهم فيزا بالمطار بس لازم ابجيبك اقل شي 1000 دولار مصرف جيب "بس حاول تتاكد من اي شركة سياحية بالسعدون" عندك الشهد والتضامن وبالمنصور عندك بساط السندباد هذولة جيدين..بالنسبة للتقرير الطبي فاكو شركات سياحية حسب ما فهمت اتبيعلك التقرير كامل وية التصديقات بس تكتب اسمك يعني بس تحجز باص او جمسي وتجي ويكلف تقريبا 100 دولار او ان تاخذ تقرير من احد الاطباء كونك محتاج مراجعة طبيب مختص في موضوع معين "مثل طبيب سمعية لان صديقي دخل من اجل تصميم وتركيب جهاز سمعي غير متوفر بالعراق" وانته تكمل كل التصديقات واني بالخدمة لاي استفسار
-
اخي العزيز لتدوخ روح لمكتب اجنحة الشام اذا ناوي تجي بطياره همه ينطوك الفيزا ويه تكت الطياره وسعرها اعتقد يمكن 80 دولار . تحياتي
-
خوش معلومة هاي ما عندي علم بيهة بس ال 80 دولار تشمل فقط الفيزا لان سعر الطائرة ذهاب اياب 450 دولار..مشكورة ام شهد
-
بشركم الله بالخير ياخوتي , حيل ممنون منكم , هسه العلاقات جاية تتوتر بين العراق وسورية , بس لا علمن ما أسافر يسدون الحدود ههههه
اخوية Baghdady73 أنته 73 يعني قديم , يرجى إفساح المجال للدماء الشابة بغدادي76 ;D ههههههههه
الحمد لله , الله يسهل امور العراقيين ويفرجهه علينه.
-
اكو طريقة ثانية
تكدر تسويلك هوية غرفة تجارة بس لازم يكون عندك عقد لايجار محل او شركة وبهاي الطريقة تروح وتجي بكيفك يعني ما تحتاج لا شركة سياحية ولا هم يحزنون
بس انت اذا رايح مرة وحدة او مرتين ما تسوى التعب روح للشركة السياحية مثل ما كالو الاخوان
تحياتي
-
اخوية بغدادي تروح للسفارة السورية بالمنصور تدخللهة من كبال نادي الصيد واكو هناك شرطة من جماعة حرس السفارات لابسين مغاوير هذولة همة يطلعون الفيزة يعني يطلعولك التقرير الطبي بمبلغ 75 الف ويصدقوه من السفارة ب 15 دولار يمكن وبعدين تدفع فلوس الفيزة يعني لا اكلك ولا تكلي اذا اتريد همة يطلعولك كل هاي الاشياء راح يطلبون منك 150 دولار واذا اتريد عندي هواية عرف هناك بالسفارة السورية من هذولة الشرطة واذا اتريد روح على شرطي هناك اسمه شهاب ابو حيدر الشرطي وهمة يطلعولك الفيزة بس لا تدفع اكثر من 150 دولار و يصير مرافق الك بالتقرير الاب او الام او الاخو او الاخت بس هاي ياخذون عليهة فيزة 50 دولار غير ال 150 دولار اوكي حبي؟؟
-
وهاي الشغلة ما اتطول اكثر من يومين انتة اسئل حيدر الشرطي وين او اسئل على شهاب واذا اتريد راسلني على الخاص واني افهمك
-
اخي proph1 مشكور على المعلومة , بس آني سمعت انو هوية غرفة التجارة بيهه درجات , وسوريا صارت ماتقبل العادية لأن عرفوا كله مزورة
حبيبي geb كفيت ووفيت , مشكور جدا على المعلومات , وإن شاء الله من تصير شغلة سوريا عود اتصل عليك على الخاص للمزين من المعلومات.
-
اخي العزيز الافضل كمل شغلتك بسورية وبعدبن روح للعراق لان حسب مسمعت قبل شوية والله اعلم اذا الخبر صحيح ان سورية سحبت كل طاقمها الدبلوماسي في بغداد وسيكون عبور العراقيين بين حدود البلدين معتمد على حاملي الاقامة السورية فقط "الله اعلم اذا صحيح" بس الاجراء متوقع بعد التوتر الاخير
تحياتي