ankawa
منتدى الهجرة واللجوء => الهجرة و واللاجئين => الموضوع حرر بواسطة: الدال على الخير في 12:07 27/08/2009
-
اخوتي اليوم في اصدقاء دازيلهم مسج اليو ان تعالو استلمو عيديات فبشارة الى كل من يستلم راتب لكم عيديات ان شاءالله
-
اخي يعني شنو قصدك عيديات ؟؟؟؟هو راتب هذا الشهر ليهسه ما صرفوه!
ان شاء الله خير ....اني سمعت راح يزيدون الراتب بس ليهسه ما مبين شي
تحياتي
-
وين اكو هيجي شي اصلا اكو جماعه اعرفهم خطيه راحو م اكو كاطعين راتبهم
-
اخواني اني اليوم استلمنة الراتب واصدقائنا اجاهم مسج لاستلام العيدية واذا كاطعين الراتب على ناس فسمعت ان ياما اتمر سنة على العائلة فيكطعون منهم علمود ينطوه لغيرهم او واصلتهم اخبارية من شخص ان هذا الشخص ممحتاج هذا الي اعرفة والله اعلم
-
شنو هي العيدية ممكن توضيح
-
اخويه العزيز اني من عمان وصار شهرين يقطعون برواتب العوائل وتقريبا 50% انقطعت رواتبهم لان اللجنه الحاليه (لجنة الاغاثه الدوليه هم اردنيون وليس عراقيون ) صارت في الفتره الاخيره زيارات على البيوت بعد ما القو القبض على عراقي عنده 10 هويات لسحب رواتب ناس مسافرين للعراق وديستلم رواتبهم على اساس هذا الشخص صار التجييك على كل العراقيين ولما يشوفو البيت مرتب واثاث جديد يسجلون عليهم غير محتاجين للمساعده وقطعو رواتب هوايه ناس
واما عن العيديات فالظاهر انته فاهم غلط لانه من هذا الشهر يوجد نظام جديد لسحب الراتب وهو من تسحب الراتب اوتماتيكيا توصلك رساله باللغه الانكليزيه مكتوب بيها ان رقم هويتك كذا ورقمك السري كذا واستلمت كذا فأغلب العراقيين ايضنون انه عيديه !!!
المشكله احنه اسرع ناس بالدعايات
يا اخي الناس حايره شلون ترجع رواتبها وانته تكول اكو عيديات !!! ماتكلي رحمه ال ابوك منو استلم عيديه ؟؟ حتى اروح اباركله ... طبعا مع احترامي لاخويه الدال على الخير بس هاي الحقيقه لاني صارلي كومه والله كومه سنين واني بالاردن واتصور اني جنت العراقي الوحيد بالاردن وماصارت الامم تنطينا فلوس لله هاي مستحيله بس كول يكطعون علينا الراتب هاي جدا عاديه .. مع احترامي للجميع
اخوكم : الفريدو