ankawa
منتدى الهجرة واللجوء => الهجرة و واللاجئين => الموضوع حرر بواسطة: بغدادي76 في 12:40 27/08/2009
-
أخوان آني طبيت تركيا بالألفين وسبعة من مطار أتاترك , وبالمطار دكولي ختم دخولية , وبعدين طلعت قجغ لليونان و و و و و .... المهم هسه السويد حترجعني للعراق .
مشكلتي أنو جوازي صار بيه ختم دخولية تركيا ومابيه ختم خروج ! يعني المفروض هسه آني بعدني بتركيا هههههه , شنو الحل مالتهه ؟
أكدر ادخل بيه تركيا بعد لو لا ؟ أخاف هنوب انزل بالمطار مالتهم يكلولي عليك غرامة مال سنتين ونص!ويرجعوني
يأثر هذا الشي إذا ردت فيزة لسوريا لو ماله علاقة ؟
أكو واحد صايره بيه مثل هذي الحالة النادرة ؟
ياريت تفيدوني بالمعلومات
علما أنو آني ماأريد أغيره لأن مقدم على SIV بيه (منطيهم صورته والرقم مالته)
-
انته لو كايلي من البداية عن وضعك لان اختلفت هيجي التفاصيل..
عندك حلين..يا اما تطلب من السلطات السويدية ارجاعك الى العراق بمعرفتهم او ان تطلب الحصول على فيزا دخول سورية من السفارة وبعلم السلطات السويدية "صديقي مسويهة قبلك" وتاخذ الفيزا بالبريد وتجي لسورية وتعيش عيشة هنيه ورحم الله والديك ;D وهو الحل الاضمن والمؤكد
بغدادي
-
اخوية Baghdady73 ممنون حيل منك , بس انته الضاهر ربطت بين موضوع السويد وبين موضوع سؤالي عن فيزة سورية , لا آني أريد السويد ترجعني للعراق ومناك أكمل معاملة الأيس آي في, وبعدين حتصير عندي شغلة بسورية فردت أسأل عن الفيزة السورية.
بس قصة صديقك عجبتني , هيج السفارة السورية بالسويد انطته فيزة ؟! بسهولة ؟
-
اخى العزيز انى صادفتنى نفس مشكلتك عندما رحت للسويد تهريب فى 2007 طلعت من سوريا بالجواز جى العراقى وفى الطريق بدلت الجواز بجواز اوربى وامنت الجواز العراقى عند المهرب على اساس ان يرجعه بعد وصولى للسويد ولم يفى بوعده واتوقع انه قام ببيعه وبعد مرور سنه فى السويد تم رفضى وارجاعى الى العراق اجبارى اتصلت ببعضالاصدقاء وقمت باصدار جواز جى جديد ولكن بمبلغ كبير يعنى ضعف المبلغ المعروف وبعدها سافرت الى مصر والى لبنان بصورة طبيعية وماكو اة مشكلة اتمنى ان اكون قد افدتك وشكرا
-
حبيبي بغدادي76..اي نعم بهالسهولة وراح اشرحلك شلون..
صديقي عنده هم نفس الشي رفض وغلق ملف وبلاوي وبعد متحمل ولهذا هوة قدم ان يرجع للعراق ولكن عن طريق سورية فوقع اوراق ارجاعه الى العراق والسلطات السويدية انطته كتاب مرفق بطلب الحصول على الفيزا من اجل العودة الى العراق كونه لم يحصل على الاقامة وبهذا الشكل بعث جوازة بالبريد مع الطلب ورسم الفيزا ووصلته بعد اسبوع وهسة هوة بسورية مقدم امم متحدة ورحم الله والديك ;D
هاي شرحتلك لانك بغدادي على اسمي الخامطة ;D
تحياتي
-
عمي انتة سالفتك سالفة بس اكوا شغلة ليش مو اكوا سفارة عراقية بالسويد شك جوازك
ورح طلع بدل تالف وبعدين انقل الاختام الاقامة السويدية بس وهشكل راح تدخل التركية ابشكل عادي
-
marwan.aqrawi ههههههههههه اخوية انته شكد على نياتك , اكله السويد تريد ترجعني = يعني مرفوض , ليش آني لو ماخذ الإقامة ليش السويد ترجعني ؟! غير أبقه بالسويد لو طالعتلي الإقامة !
هاي وحدة اثنين الإقامة السويدية ماتصير ختم , تصير ورقة مثل الشنكن فيزا تنلزك على صفحة الجواز.
مشكور مرورك .