ankawa
منتدى الهجرة واللجوء => الهجرة و واللاجئين => الموضوع حرر بواسطة: الضايع في 13:53 27/08/2009
-
اخواني الاعضاء المحترمين الف تحيه :
عندي صديق بعمان صديق الطفوله من بغداد يعني جيراني ابغداد وهو هسا تاجر بعمان قدم للمفوضيه قبل سنتي وابد ماجدد بعد اول مره وتركها البارحه اجه يمي جان امسافر للصين ايكلي الاغاثه التابعه للمفوضيه خابروه للصين على خط زين الوياه وهو بيه خدمة الجوال الدولي ايكلوله انريد نجيك للبيت علمود المساعدت؟بالله عليكم هاي مو فوضى؟
القصه الثانيه اكو صديق ثاني هم بعمان من قدم اول مره كاللهم مااريد توطين اريد حمايه بس0قبل فتره خابروه وكالوله تعال قابل للتوطين انت انقبلت شنو رأييكم اخواني؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هذا الحجي مو خرط والله شاهد على مااقول
-
الاخ الضايع
اشكرك على هذا الموضوع وهذا حجيك صحيح لان هذا صار ويا صديق الي مااريد اسافر هو اهنه مرتاح ومحتاج ايسافر يعني اموره المادية جدا جدا جيدة واخبرهم من اول مقابلة انه ماريد ايسافر اتصور اتصلوا بيه وراه 2 اسبوع وبلغوه على التوطين واستشار اصدقاءه شنو رايكم اروح خليني على الاقل اتشوف يا دوله اتريدني وبعد التوطين والله العظيم وراه اسبوعين اتصلوا بيه iomوقابلوه مقابلتين بيوم واحد وكالهم اني ممحتاج السفر وعندي فلوس اهويه ومرتاح بالاردن بس اريد افتح مشروع وخايف اتضيع فلوسي اهنه واتصور بالمقابلة الاولى خلوه ينتظر وسوه وياه مقابلة ثانية مع امريكي واخبره الحجي كله وامريكي اخبرة انه امريكا تضمن حقوقك ولا تذهب فلوسك يعني حقك مضمون عدنه بامريكا ويكول الامريكي ظل ايلح علي وعرفت انه ايريدني وعرف المبلغ عندي اهنه بالاردن واتعجب واخوان الصراحة هو كال خليني اتونس بامريكا اذا ما عجبتني ارجع الى الاردن وهو مقيم يعني شوفه بس اظاهر هم دياخذون الي عنده افلوس والله ايكون بعونه اله الرحم
اخوكم
القرش الاسود
-
اخواني الضايع والقرش اني اثبت كلامكم صحيح
لان نحن كلنالهم منريد توطين واحد اصدقائنا ايظا كالولهم منريد توطين وطلعنة اثنينة توطين واحنة انرفضنة واصدقائنة بعدهم بس من فكرنة شفنة ان ممكن الله رايدنة العيشة في مكان افضل وافقنة صدقوني مو بطر وافقنة والله الموفق