ankawa
منتدى الهجرة واللجوء => الهجرة و واللاجئين => الموضوع حرر بواسطة: القرش في 09:56 29/08/2009
-
السلام عليكم
اخواني اخواتي اصدقائي في منتدانا الموقر .
اليوم ذهبنا الى الموستوصف لاجراء الفحص الطبي وحبيت ان ابلغكم وانبهكم ان تجلبوا معكم كل بيانات التلقيحات لاطفالكم لانهم طلبوها مننا ونحن لم نجلبها معنا من العراق وعليه اعادوا لنا كل التلقيحات وقاموا بتلقيح الاولاد وكل واحد منهم 6ابر يعني لعبوا بيهم طوبه وتعرفون شنو 6ابر وبنفس الوقت واحده بعد الثانيه وهسه كلهم مخدرين من اثر الابر ويمكن راح ينامون الفراش . بس المعامله الفاخره والوجوه المبتسمه خلتنه ننسى كل الاوجاع لان عدهم البشر مهم جدآ وله قيمه عاليه وصدك الواحد يندم على الايام الي عاشها في الدول العربيه ... وكان هناك عوائل عراقيه وقسم منهم معاهم بيانات التلقيح من العراق وخلصوا من الابر ..وهذا ماعدى الفحوصات الثانيه التي تشمل جميع انحاء الجسم وكل فرد من العائله مع دكتوره .. اخواني خواتي حبيت بس ابلغكم حتى لاتنسون بياناتكم وجيبوها وياكم .
ابو انس
شيكاغو
-
بارك الله بك عيني أبو أنس و مشكور على نصائحك القيمة
و إن شاء الله عدهم العافية اولادك
و حضرلك كم شييت براستول لأن أكيد راح تبدي عدهم السخونة
ألف سلامة عليهم
-
مشكوووووووووور ابو انس الورد
زين وبالنسبة للاعزب اللي ما عنده سجل اللقاحات ... شيسووي ؟؟؟
وسؤال اخر
بالنسبة للادوية اللي ناخذها من العراق ... شنو افضل شي ناخذ واللي طبعا على رأس القائمة الباريسيتول والكيفليكس ؟؟؟
وتقبلوا مروري مع فائق الود والاحترام
Iron_man
-
والله يا عيني يا ابو انس احنا جاي انتعبك ويانه بهاي المعلومات الترفدنه بيها وما نعرف شلون انجازيك....
رحم الله والديك وان شاء الله ما عدكم غير العافية هي بس يومين ورة التلقيح شوية الحرارة ترتفع وراها الامور تمشي طبيعي .............
اخوك ابو يوسف
-
مشكور اخويه ابو أنس على هذه الملاحظه
بس ياريت تغير عنوان الموضوع حتى يسهل على اي شخص البحث مستقبلا واقترح ان يكون الموضوع
التلقيحات في اميركا
واذا كان لديك عنوان أخر فهذا افضل ولك جزيل الشكر مقدما وآسف جداً على المداخلة ان لم تكن في محلها.
-
بارك الله بيك ابو انس وسلامة الاولاد وان شاء الله بالتوفيق
-
مشكورين أخي أبو أنس على تواصلك ورمضان كريم عليكم ربي يحفظلك الأولاد ودوام الصحة والعافية لك وللعائلة الكريمة
تحياتي
شيبو
-
تسلم اخويه الغالي ابو انس على المعلومات وزياده الخير خيرين والتلقيحات مفيده وما عدهم غير العافيه انشاءالله
تحياتي وتمنياتي لك بالتوفيق
-
موضع مفيد وتشكر عليه ...بس انا اقول اعادة التلقيحات هي مفيده الى الاطفال والقاحات التي تتلقاها في امريكا اكثر فاعلية من التلقيحات التي تلقيتها في العراق او اي دولة عربية نصها مغشوشه وتنتهي فاعليتها بنصف عام...تقبل تحياتي
-
اخي القرش عاشت ايدك على هذا التوضيح
وياريت تذكرنا الادويه العامه الي احتمال ياخذها وياه احتياط من بغداد قبل السفر الى حد ما ايحصل التامين الصحي او يراجع طبيب
يعني مثل البراستول او بعض المراهم المهمه ادوية المعده تحسبا لتغيير الجو وتغيير الاكل
فياريت اتفيدنا بالادويه الي احتاجيتها بالفتره الاولى
وتسلم
اختكم ريم
-
السلام عليكم رمضان كريم علينه وعلى امة محمد ص الحمد لله على سلامتهم انشاء الله ياربي صحه وعافيه لادير بال هاي التلقيحات بيه فايده مو مضره تحياتي لكه اخوك son Iraq ]
-
كيف حالك عمو ابو انس انشاء الله بخير
حبيت اشكرك علي هذا الموضوع والله يحفض الك الاطفال من كل مكروه
والدي يسلم عليك كثير
اني احمد ابن الغريب اني
تحياتي اليك عمو القرش
-
الاخ العغالي ابو انس تحية طيبة ورمضان كريم عليكم
شكرا على المعلومه المفيدة وانشاالله الكل يستفيدون منها
تقبل تحيات
ابو فهمي
-
رمضان كريم
الحمد لله على سلامة الاولاد . اجر وعافية انشاء الله
سلمت وعاشت يداك
يعني شنو اخويا ماكو موضوع باجر
-
سلامتك اخوي بو انس وسلامة اطفالك الغاليين
وربي ينطيكم الصحة والعافية
اخوك
alwismy
-
اخويه انته لو كيللهم يسولكم فحص دم جان احسن من عنده يطلعون التلقيحات الي ماخذه لانوا متكلي منو من الكبار لساعه شايل دفتر التلقيحات وياه بس الجهال موجود
-
حببببي ابو انس
مشكور على هي المعلومه وعاشت ايدك وانشاء الصحه وعافيه لك والى العائله الكريمه
ابو مرتضى
-
شكرا ابو انس الوردة زين الكبار شنو الهم لقاحات؟
-
مشكور ابو انس الله يبارك بيك
المشكلة اني ملقحة ابني هنا بتركيا بس كل اللقاحات مكتوبة بالتركي اخاف من اروح ما يعترفون بيها ؟
الله كريم خلي نوصل ويحلها الحلال
-
مشكور اخوية ابو انس والف رحمة على والديك على هاى المعلومات وننتظر المزيد
-
مشكور ابو نس وبارك الله بيك على لتنبيه...عدكم العافيه جميعا..اذا ممكن سؤال هل يجب ان تكون كاردات اللقاحات مترجمه ام لا ؟لان نصهه مكتوبه بالعربي لو ممكن اني اترجمهه من نوصل ؟
تمنياتي لك بالتوفيق
تحياتي toofy
-
ابو انس الورده الف شكر همزين ذكرتني وان على ابواب سفر ما بقى الا ساعات
-
شكرا اخوية ابو انس على التوضيح بس ممكن اسئل انوا الاكبار همينة يضربوهم تلقيحات لو لا بس الصغار ؟
-
سلامات اخوية القرش بارب تكون الابر برد وسلاما ... اخوك ابو زيد
-
السلام عليكم
اخويه iron man انت الابره وراك وراك يعني ماكو مفر منها ههههههههه
وبالنسبه للادويه جيب وياك بس لاتكثر لان انت هنا ينطوك medical card وبيه تكدر تاخذ ادويه بس بعد مراجعتك للطبيب ,اني البارحه نطوني دوه مال كورسترول لان شويه صاعد عندي وكان مكتوب على الباكيت 126 دولار بيه 20 حبه بس دفعت 3دولار اخويه لاتهتم للادويه لان تاخذها مجاني .
ابو انس
شيكاغو
-
السلام عليكم
اختي ريم
بالنسبه النه جبنه ويانه ادويه منوعه مثل حبوب وجع الرأس والمعده والانفلونزا ..بس هنا كلشي موجود وراح ينطوكم بطاقه وتكدرون تاخذون كل انواع الادويه وكلها مجانيه .
ابو انس
شيكاغو
-
السلام عليكم
عيوني toofy لازم تكون مترجمه حتى يفتهموها وتترجم هنا بامريكا ويكون مترجم معتمد .
والحمد لله الى هسه ماكو اي سخونه او اعراض جانبيه بس تشنج قوي باليد اليسرى اني والعائله وصرنه تك ايد ههههههه .. اخوان بالنسبه للكبار ضربونا 3ابر والاولاد انس 18سنه 5ابر والصغير 14سنه 6ابر . واخواني اي سؤال اني رسم الخدمه .
ابو انس
شيكاغو
-
تسلم حبيبي ابو انس وبارك الله بيك على الموضوع المفيد والله يجعله بميزان حسناتك والله يوفقك
-
عزيزي ابو انس
اسئل الله يحفظك ويرعاك انت واهل بيتك لما تقدمة من نصائح وفائدة لاخوانك الي على وجه السفر
دائما مواضيعك جيدة ومتميزة
مشكور اخي ومشكورين كل العراقيين الي بالخارج الي كاعد يصرفون وقتهم ويتعبون حتى يفيدون اخوانهم الباقين
اسئل الله ان يحفظكم واهليكم من كل مكروه.......... اللهم امين
تحياتي
-
عاشت الأيادي يا قرش عالمعلومة الحلوة ...........لازم الكل تجيب التلاقيح القديمة لا ياكلوها ههههههههههه................
تحياتـــــــــــــــــــــــــــــــــــــــي ;)
-
السلام عليكم
اخواني الاعزاء في هذا المنتدى العظيم اشكركم جزيل الشكر على مشاعركم النبيله وعلى ردودكم الاروع ..وانا اوعدكم ان ارفدكم بكل ماهو جديد ومفيد لكي تتوضح لكم الصوره وتكون الحياة اسهل لكم هنا عند وصولكم بألف سلامه .....اتمنالكم كل الخير والموفقيه وان شاء الله قريبآ نسمع مواعيد سفركم .
ابو انس
شيكاغو