ankawa
منتدى الهجرة واللجوء => الهجرة و واللاجئين => الموضوع حرر بواسطة: اني ابو الرفض في 16:38 29/08/2009
-
السلام عليكم اخوكم متوطن بتاريخ 7\3\2008 بالمفوضيه بالاردن عمان انرفضت من امريكا واستلمت النتيجه بتاريخ 15\5\2008 وقدمت استئناف ولحد الان لم استلم النتيجه والحاله الغريبه الي صارت انه اجتني رساله للبيت بتاريخ 25\5\2009 من السفاره الاميريكيه قسم الهجره والجنسيه وبيها هم نتيجه مال الاستئناف وبدل السبب حاطيلي سببين اتصلت بال iom وكلولي انه ما عندهم علم بالموضوع وانه النتيجه لي هسه عندهم ماجايه شنور ايكم بهذا الموضوع الغريب
-
عمي مو احنة انكول جماعة عمان اضبط من كل المنظمات ابقية الدول لعد جماعة سوريا اشديسون
زين هسة انتة استانافك انرفض اشراح اتسوي يعني مو كالوا احتمال ينقفل الملف
-
اخي الله يساعدك ويسهل امرك
لكن شنو علاقة السفارة بمنظمة الهجرة
حقيقة هذا الامر غريب ومسامعي قبل صاير
ياريت التوضيح
شنو وصلتك عن طريق البريد وشنو الاسباب المذكورة
لفائدة الجميع وبلكت تلكي من يساعدك
تحياتي اخي العزيز
-
السلام عليكم اخواني الاعزاء بالنسبه لقرار الرفض الي اجاني من قبل السفاره الاميريكيه في احد البلدان اني اسف جدا لانه ما اكدر اشرح اكثر اعذروني عن طريق البريد الاردني وطبعا اني ما سكتت واتصلت بالسفاره وسويت هوسه كبيره وحجت وياي الضابطه الي قررت القرار وككلتلي بالحرف الواحد انه مو انته بوحد وانه العديد من الناس هم والحكومه الاميريكيه ما تقدر اتساعدك باي شي حاليا حاولت اثبتلها ملابسات المقابله والادله الي قدمتها لنقض قرار المحلف سمعت وظلت ساكته ورجعت وكلتلي انه ما تقدر اتساعديني اني هم كتلها الله الغني وشكرا جزيلا لكي وكانت انسانه محترمه ومؤدبه جدا والله على ما اقول شهيد اتمنالكمالموفقيه وحسبي الله ونعم الوكيل بالمحلف
-
اخي ابو الرفض الله يعوضك بسي احسن يارب ولكن
اني برايي انت ابدممتفائل بالفترة الماضية والدليل اسمك ولهذا دائما انكول تفائلو بالخير تجدوه
وهذا التشائم الي انت بي هو السبب بحيث خلاك تفكر بافكار تحولت بمرور الزمن الى قناعة وثم الى
سلوك وهذا السلوك هو الى جعل الموضوع بي التباس ومن ثم هم افتهموا منك خطا
الماضي هو الماضي صار وراك وخلي الحاضر والمستقبل هو الي يحدد مسيرتك ولتياس لان الله ادرى
بمصلحتك وانه احن من الام بولدهة لازم تكون عدك قناعة بهذا الشي وايضا
يقول الله نعالى في الحديث القدسي ((( انا عند ظن عبدي بي ))) فظن بالله الظن الحسن اوعد بانه رح تلكة شي جديد ورح تتصل بية عالايميل وبعدها رح تكتب قصتك الجديدة بالمنتدى
اخوك سندباد العراق
بالمناسبة اول خطوة اتغير اسمك مع السلامة