ankawa
منتدى الهجرة واللجوء => الهجرة و واللاجئين => الموضوع حرر بواسطة: حائر في 01:07 30/08/2009
-
السلام عليكم
طبعا هاي اول مشاركة الي بالمنتدى ,وجنت حابة أسال عن اللحوم في اميركا هل يوجد لحوم مبوحة على الطريقة الاسلامية وما هي البدائل ؟
مشكورة مقدما ??? ???
-
اهلا وسهلا بالعضو الجديد منورين كل الهلا
نعم يوجد كثير من المحلات العربية لبيع لحم حلال لكن ما البدائل لا اعرف واهم شي اي ولاية انت ذاهبا اليها لانه بعض الولايات لا يوجد محلات عربية لبيع اللحوم تحياتي
-
السلام عليكم
اخويه اكوا هوايه محلات تبيع اللحوم الحلال بس بصراحه اني متخش عقلي لان منو يكول صحيح ...اي واحد يفتح قصاب ويكتب لحم حلال ويبيع اكثر من سعر الحم العادي .
ابو انس
-
الى كاتب الموضوع يوجد محلات حلال في اغلب الولايات وعدهم لحم يكولون مذبوح حلال بس كلة كلاولات ودجل ونصب واحتيال. عدنا محلات مال صوماليين يمنا بولاية اوريكون يجيبون لحم مال غنم ذابحيه ما اعرف بشلون طريقة ذابحيه ويخلوه باكياس مال الزبل السودة اذا تذكروها من كنا بالعراق ويبيع بالخفية للعوائل الفقيرة واللي تدور حلال واحنا اشترينا منا واتورطنا وبصراحة احنا اشترينا مو لغرض الحلال بس لانه اشتهينا لحم غنم وقليل اكو لحم غنم بالسوبر ماركت الكبير .واكتشفنا بصراحة انهم حرامية ولد حرامية ما اعرف منين جايبيه هذا اللحم يعني لو الحكومة تعرف بيهم يودون جلدهم للدباغ فاحذروا جدا جدا محلات الحلال واصحابهم لانهم يتعاملون بالحرام واسم الحلال بس اسم لغرض التمويه وانتو بكيفكم بعد
-
انا اؤيد كلام اخوية الذكي واخوية القرش ابو انس الوردة ..لان هنا ماكو ضمان للحلم يكلك حلال بس منو يكوووول؟؟؟
على كلهن هي كلمن وقناعتة بعد ..
وسمي بسم الله وتوكل على الله ..وما اريد احجيلك اكثر
لان بصراحة اهل اللحم الحلال لو يسموهم حرام هوااااااااية اشرف
راح تكليلي شلون ..؟؟
راح انطيك مثال بسيط
مثلا الهمبركر المكتوب عليه حلال ينباع 9 دولار تقريبا
بينما اكو مو حلال اطيب منة واحسن ودينباع با اربع دولارات فقط
ومنو يكول النوع الاول حلال اصلا
هاي لان مكتوب عليه حلال واحد يصدكة ؟
اخوية من راح تجي لهنا ..جماعتنة انشالله راح يدلوك وبقت انتة وقناعتك
تحياتي
-
بس لاتاكل لحم خنزير وبقية اللحوم بس كول بسم الله
-
اكيد اكو صحيح مو كل الولايات بس الاغلبيه بيها محلات لحم حلال وتكدر تروح وتشتري
تقبل مروري
ساسي
-
السلام عليكم
بالنسبه لللحم الحلال فكل ولايه بيها محلات عربيه او باكستانيه او افغانيه لناس مسلمين يبيعون لحم مذبوح على الطريقه الاسلاميه وارخص من ماموجود بالسوق
وبالنسبه للباكيتات الهمبركر وفيليه دجاج والهوت دوك تكون اغلى لان تدخل اما من السعوديه او الباكستان فيحملوها مصاريف الشحن واشهر محلات الحلال فينيشيا وهاي عربيه وشاهي (باكستاني)اما اللحم البقر والغنم فسعره ارخص من السوق مو اغلى واني دائما اشتري منه
-
مرحبا
هناك محلات الحلال كثير وايضا هناك للباكيتات الهمبركر وانواع دجاج وهي منتجات الصفا الحلال والاسعار جيد واسعار الدجاج الحلال رخيص خاص الافخاذ
حاولي 1.5 دولا ل lb
-
اخويه العزيز بالنسبه للمحلات فمتوفره والحمدلله
اما بالنسبه لاشاعة انوا كلاوات فمع الاسف اخواننا العراقين لم يشوفون الستورات الكبار واللحم مالته و رخصه يفضلوا على اللحم الحلال فيكلك اني الناس شراح تكول عليه علمود كم فلس دا اكل لحم مو حلال فيطلعون حجة انوا هاي كلاوات و يفضلون اللحم الي مذبوح ويا الخنزير والي متخزن ويا لحم الخنزير ومخلوط بدم الخنزير ودهنه عن اللحم الحلال
يعني اني بالنسبه الي على الاقل اللحم الي دا اشتريه ماكو يمه لحم خنزير او المكينه مال ثرم اللحم منوا كال ممثروم قبله خنزير
اما يجوك ناس تكلك لا هاي كلاوات هذا مو حلال زين انته اذا كلك ابو المحل حلال وانته اكلته و هو ديجذب على منو راح يكون الذنب عليك لو عليه ؟
اما الي كاعد علمود يوفرله كم فلس بحجة هاي كلاوات هاي اني هم متخش بعقلي
لعد العراقين يروحون لهاي المحلات الي دا تسموه ه حرام علمود تشترون شغلات مو اكل حتى جكاير تشترون منهم هذا مو حلال عالفود ستامب هذا حلال ؟
و بالمناسبه مو كل اولايات الحلم الحلال اغلى من السوك ولايات قليله و اغبله نفسه ,, ولو يبيعون ارخص من السوك هم جانوا كلتوا هذوله اكيد حراميه و لحمهم مغشوش و بيه شي
-
المشكلة ومع الاسف انه المفروض ان تكون لحوم الحلال اسلامية واكثر نظافة وطهارة، ولكنك عندما تذهب الى محل عربي لشراء لحوم، اجبان، البان فستجد ان هذه المحال غير نظيفة، بل وسخة وفيها رائحة كريهة ناتجة عن اختلاط روائح مختلف الاطعمة التي قاربت على التلف، وهذا لاينطبق على المحال العراقية فقط، بل العربية والباكستانية والهندية .... الخ
وهذا هو الشيء المؤسف بحيث عندما تذهب الى سوق امريكي مثل شوبرز او جاينت او اي سوق اخر تجد ان السوق انظف بكثير من ذلك...
اليست النظافة من الايمان؟ الا يجب ان يعتني صاحب المحل على الاقل بنظافة مدخل وصالة محلة؟ ياترى هل ان هذا المحل لايزال محط ثقة؟ خصوصا وان زيارة هذه المحلات والتعامل معها يستند على اساس الثقة، لكن بعد زيارتي لها ابتدأ يراودني المثل الذي يقول (وما خفي كان اعضم) لذا تركت التعامل مع هذه المحلات لعدم ثقتي بها بالكامل، حتى ولو كان سعرها اقل كلفة.
مع تحياتي
-
الله لا يحير عبدة ..
نعم الاخت الحائرة اكو لحوم مذبوحة على الطريقة الاسلامية ....
اكو بعض الاسواق العربية ...
-
السلام عليكم
تقبل الله صيامكم وكل عام وانتم بالف خير
نصيحتي الى الاخوه الذين يردون على الاستفسار حول شرعية الطعام والشراب وخصوصا اللحوم الحمراء والبيضاء اوليس من الاولى ان نسئل اصحاب الفقه والعلم اوليس عندنا علماء هم يفتون بما ناكل والحلال والحرام هل يحق لاحد ان يتدخل بعمل الطبيب والقاضي على سبيل المثال اوليس الله يقول في كتابه
وَمَا كَانَ الْمُؤْمِنُونَ لِيَنْفِرُوا كَافَّةً فَلَوْلا نَفَرَ مِنْ كُلِّ فِرْقَةٍ مِنْهُمْ طَائِفَةٌ لِيَتَفَقَّهُوا فِي الدِّينِ وَلِيُنْذِرُوا قَوْمَهُمْ إِذَا رَجَعُوا إِلَيْهِمْ لَعَلَّهُمْ يَحْذَرُونَ
اذا لا يحق لاي شخص ان يفتي من عنده والله ولينا وهو اعلم بما في القلوب والف شكر الى الاخوه
-
اخواني اني كلشي اكل خنزير ، عسى ما لحم حمار همين اكلة هاهاهاها ما عندي تعليق اخوان بس حبيت اكتب فد شي وبالفعل اني عراقيين هواي نصحوني كلولي اشتري لحم من المحلات العادية يعني مو الذبح اسلامي لانو انضف واحسن لان جماعتنة الله يسلمهم جاي يغشون باللحم و على اساس لحم مذبوح على الطريقة الاسلامية بس كلة كلاوات هذه اللي سمعتة
بالنسبة اللي اني كل كشي كل انواع اللحوم والدجاج ، ما عدا الاسماك ما احبه
وتحياتي الكم
-
سلام عليكم
اود ان اوضح انه لايجوز لاي شخص ان يبح حرام ويقول سمو عليه هو اخوان ترة مو بكيفكم هذا شرع الله وايات صريحة بالقران مدام مكتوب حلال هو صار بذنته اذا شخص ميهتم للحلال والحرام لا يبيح للناس الحرام ومسالة المصداقية يم اللي يبيع اللحم ضلت يم ضميرة مدام انت جد وتحاول تاكل الحلال هذا عند رب العالمين كبير فارجو عدهم رمي التهم جزافا وارجو ان تتقبلو كلامي بسعة صدر
-
الى الاخت حائر حسب علمي لان اهلى باميركا كلشي اكو والله حتة فلافل هم اكو ورشاد و معدنوس وكلشي وكلاشي بس تعتمد عالولاية لان بكالفورنيا ما اعتقد اكو
ولكن دروحي واوصلي بخير وسلامة وذاك الوكت اكلي وخطيتك بهل الرقبة