ankawa
منتدى الهجرة واللجوء => الهجرة و واللاجئين => الموضوع حرر بواسطة: امير البابلي في 01:48 30/08/2009
-
السلام عليكم اخواني جميعا في المنتدى والعاملين عليه رمضان كريم وكل عام وانتم بالف خير وعساكم من عواده قبل فترة قصيرة قلت لكم اني مقبل على سفر على برنامج IOM وكنت قلق ومتردد بعدما طرحت موضوعي على اخواني في المنتدى طمئنوني ولهم الفضل في ذلك وانا ممنون منهم ولاكن الذي حدث معي الان هو اني استلمت موافقة رئيس البعثة الدبلماسية على برنامج SIV عذرا لاني لم احدثكم بموضوع SIV لاني مقدم على البرنامجين معا ولاكن برنامج iom معي كان اسرع ولم احصل على اي جواب من برنامج siv فتركته ولاكن بعد حصولي على الكيس نمبر بفترة استغربت باستلامي ايميل من برنامج siv وفيه موافقة رئيس البعثة وطلبوا مني ان ارسل لهم نسخة من الجواز والجنسية العراقية مترجمة ووثيقة تثبت اني كنت اعمل مع الجيش الامريكي وشهادة تزكية من مسؤلي المباشر يعني (LETTER OF RECOMMENDATION)
وأملاء استمارة I360 وارسالهاالى العنوان الذي ارسلوه الي وهو في نبراسكا ولاكن هنا عندي سؤال الى
اخواني في المنتدى كل الذي ذكرته موجود عندي كامل ما عدا الجواز حاليا دا اعمل على اخراجه ولاكني
لا اعلم هل هناك فترة محدده لارسال البكج مالتي احتمال الجواز يتأخر علما اني استلمت الايميل في يوم
18/8/2009 ولكم جزيل الشكر وعذرا على الاطالة
-
يابه الف مبروك وشايف كل الخير اموري انشالله الموفقيه
زونا
-
الشكر الجزيل للاخت زونا والموفقية للجميع
اخوكم امير البابلي
-
الف مبروك شايف كل الخير ربي يوفقك بكل امور الحياة
-
مبروووووووووووووك اخي , استمر على الأيس آي في أحسنلك بهواية وإذا عندك أحد ماتكدر تسحبهم بالأيس ىي في خليهم يستمرون على الآي او أم.
-
اخوية
اولا مبروك عالتقدم
ثانيا متكلي وين جنت حتى تبلغنه من يوم ثمنطعش لهسه
ثالثا رحمه لوالديك متسولفلنه انته من يمته مقدم عالاس اي في ؟؟؟
وهم شلعو كلبك بالطلبات يلله دزولك الابروفل مثل ما ديصير وية هواي اعضاء؟؟؟
زين انت مستمر بالعمل مع الجيش الامريكي لو مبطل؟؟
متشوفلي هذا الموضوع:
http://www.ankawa.com/forum/index.php/topic,332494.0.html
ولو اسوي زحمه عليك
واذا عندك اي اسالة عالاس اي في فسولفهه بالارشيف:
http://www.ankawa.com/forum/index.php/topic,267544.1950.html
بالنسبة لملاعيب نبراسكا فبيك خير واتاخر
شكد متريد
واني اتفق وية صديقي البغدادي ان تخليك على الهجرة احسنلك من اللجوء
-
اخوية امير البابلي الف مبروك استلام البروفل وان شاء الله يوم استلام الفيزا
عزيزي تكدر تتاخر بارسال اوراقك لنبراسكا لان هم خوش ولد وما ايكولون شي بس لازم اتكل الجواز مالتك لان من توصل اوراقك بدون الجواز راح يعتبروها بيها نقص ولازم اتدز الجواز ابكج ثاني الهم انت شلك بهلدوخة كمل الجواز على كيفك وبعدين دز الاوراق.....
اما اخوية العزيز vincenzo فاني اكلة دير بالك لان كامو ايدزون الموافقات واول البارحة صديقي اجتة الموافقة مال الجيف اوف مشن يعني كامو ايصدرون من جديد لحك اخوية ترة ما ضل شي لو اتلحك تكرف لو لا.......
اخوك Shadow Man
-
السلام عليكم
الف مبروك وشايف كل الخير والموفقيه وان شاء الله قريبآ نسمع موعد سفرك .
ابو انس
شيكاغو
-
في البداية اود ان اشكر الاخوان بغدادي 76 و vincenzo والاخت انجي
اما بالنسبة للاخ vincenzo سوف اوضح لك وضعي بالتفصيل الممل على كولة المصري من طأطأ لي سلام عليكم اولا انا اعتذر عن التاخير وذلك بسبب بعض مشاغل الحياة
ثانيا انني الان تارك العمل مع الامريكان من تاريخ 1/3/2009
اول ما قدمت لبرنامج siv بتاريخ13/2/2009 والي قدم اوراقي هو مسؤلي المباشر في العمل وعن طريق ايميله العسكري وبعدها تركت العمل وبقيت انتظر الجواب طبعا اني كنت مقدم على iom بس كانت المعاملة تجاوب ويايه ادزلهم ويدزولي الى ان حصلت على الكيس نمبر واي جواب من ال siv ماكو الى ان تفاجئت عند استلامي ايميل من ال siv بتاريخ 21/6/2009 يقولون اننا نعتذر عن التاخير وذلك بسبب اننا استلمنا اوراقك من مواطن امريكي عسكري كان يجب علينا التجييك والاستفسار وطلبو مني ارسال دفتر الخدمة العسكرية مترجم ورسالة تهديد وطلبو ايضا اسمي بالكامل مع تاريخ ومكان الولاده والحالة الزوجية فأكملت المطلوب مني وارسلتها اليهم وبتاريخ 1/7/2009 استلمت ايميل اخر منهم يردون مني وصف سريع لحياتي من تاريخ 1/1/2000 الى 1/1/2004 مع ارسال الجنسية العراقية مترجمة طبعا كالعاده كملتهن ودزيتهن بس ما اخفي عليكم من كثر الطلبات الي يردوهة كلت بيني وبين نفسي هاي الشغلة كلاوات بس مثل ميكول ابو المثل خليك ورا الجذاب لباب الدار بس كنت اني مطمئن لان عندي كيس نمبر على iom كلت انتظر وحالي حال العالم الي دتنتظر بس اصدقائي كانو يكلولي امير ال siv احسلك من iom على كلا عصفور باليد خير من عشرة على الشجرة واذا بالمفاجئة الكبرى الغير متوقعة والي اني جنت مئيس من عدهةواكول عليهة كلاوات صارت صدك يا اخوان وحقيقة مو حلم بتاريخ 18/8/2009 استلمت الجيف اوف مشن بالايميل ويردون بعض الطلبات ادزهن ويا الموافقة الى النبراسكا والي رادو كالاتي
1- ان ارسل ايميل الى iom واخبرهم بتوقفي عن هذا البرنامج فورا
2- يريدون ان املأ استمارة i360
3- يريدون وثيقة تثبت اني عملت مع القوات الامريكية لمدة سنة كاملة
4- يريدون نسخة من جواز G لي
5- يريدون الجنسية العراقية مترجمة
ثم اجمع هذه الوثائق واضعها في ظرف كبير وارسلها الى النبراسكا على العنوان الذي ارسلوه لي بايميلهم
عن طريق البريد السريع DHL ولاكني لم ارسل لحد الان لاني لااملك الجواز حاليا ودا اعمل على اخراجه ولكم الشكر هذا كل الي صار ويايه عسى وان تستفادون من هذه المعلومات وسوف اوافيكم باي شيء جديد استلمه
اخوكم امير البابلي
-
الشكر الجزيل للاخوان ابو انس الوردة و Shadow Man على هذه المشاعر النبيلة
الصادقة اسأل الله تعلى ان يوفق الجميع
اخوكم امير البابلي
-
مبروك امير ... كمل جوازك وارسل اوراقك لنبراسكا واتوكل على الله ... وما اعتقد راح تتأخر معاملتك بأمريكا مثل ما اتأخرت في الحصول على الجيف اووف ميشن ...
ابقى عالبرنامجين الى اخر لحظه وبعدين قرر ...
تحياتي الك ومبروك مره اخرى
سيزر
-
الاخ امير البابلي
الف مبروك وشايف الف خير والله سهل امر جوازك واتمنى الك التوفيق
اخوك
القرش الاسود
-
شكرا احبائي سيزر والقرش الاسود على المشاعر الطيبة
اخوكم امير البابلي
-
مبروك اخوية العزيز ... الظاهر انه هم كاموا واخيرا ينطون موافقات لانه فترة ماكو اي موافقات بلكي تفرج علينا البقية ...
-
مبروك اخي العزيز البابلي وانشاءالله تتيسر الامور في اصدار الجواز وحسب مدا اشوف من المنتدى ان الاس اي في افضل باغلب تفاصيله من الاي او ام والخير فيما اختاره الله وتقبل تحياتي
بغدادي
-
شكرا للاخوان بغدادي وسوزي والموفقية للجميع
امير البابلي
-
الحمد لله
يعني بيهه مجال الواحد يتاخرله فد 6 اشهر بالكوم ابروفال
اخوية الزلمة-الظل
اني هم ركضتلهم من وزعوا ولحكت على اخر قطعه وجان تطلع اكس لارج
فكلتلهم يصير اقرمهه جان يجروهه من ايدي بعصبية وكالوا "انته صدك بطران" وجان ارجع لامي ابجي
-
اولا الف مبروك اخور العزيز على الموافقة واني اتفق ويا الاخوان وانت فعلا تكدر تاخره بس حتى نكون دقيقين اكثر انت ما تكدر تاخرها اكثر من سنة واحدة للعلم فقط واعتقد سنة كلش كافي اني اختلف ويا الاخ ابو يوسف على نقطة الجواز واني ااكد الك انت تكدر دز اوراقك النراسكا بدون الجواز وهذا الشي عن تجربة اصدقائية اضافة الى تجربتي الشخصية اني على نبراسكا دزيت جوازي فقط ومادزيت جواز زوجتي هذا بعد ما نصحني احد اصدقائي وكال اني دزيت معاملتي النبراسكا بدون جوازات واستلم الموافقة ومشت طبيعي جدا بس بعد هاي الخطوة الجواز مطلوب جدا
تحياتي وتقبل مروري