ankawa
منتدى الهجرة واللجوء => الهجرة و واللاجئين => الموضوع حرر بواسطة: Allami في 14:25 30/08/2009
-
بسم الله .. اخواني رواد المنتدى الرائع اطلب مشورتكم اليوم في موضوع يشغلني وعائلتي وما اريد اطول عليكم ندخل بتفاصيل الموضوع :-
حاليا انا منتظر ختم الملف بعد ان وصلت موافقتي الامنية الاسبوع الفات وطبعا انا بكيس لوحدي وعائلتي بكيس ثاني وصاحب الكيس الثاني هوه والدي وعائلتي منتظرين الموافقة الامنية وتحددت ولايتهم ايضا بس المووضوع انو والدي رفض السفر لاسباب عائلية .. هسه يجي السؤال .....
شنو نصيحتكم اليه .؟ افصل بقية افراد العائلة واحولهم على الكيس مالتي أو والدي ينسحب من السفر ويصير كيسهم جديد ومثلا تصير صاحبة الكيس والدتي لان بقية افراد العائلة الي بكيس الوالد يريدون يسافرون شنو نصيحتكم من كل النواحي هل اذا ضفتهم ويايه راح يأثرون عليه مثلا يتعطل سفري او لا ؟ او الافضل بس الوالد ينسحب ويصيرون بكيس لوحدهم واسف اذا طولت وارجو من كل من لديه معلومة يفيدني الرد عليه
اخوكم
-
اخي العزيز Allami
الافضل ان يوقع الوالد على وثيقة سحب طلب اعادة التوطين ويبقى الملف ماشي بالنسبة لبقية افراد العائلة طالما ان الموافقة الامنية لم تصدر بعد وهذا رايي واذا اكو حل افضل خلي الاعضاء ايفيدونا بيه...
تحياتي
-
اولا اهلا وسهلا بك اخي العزيز بين اهلك وناسك
اخي العزيز مثل ما تفضل الاخ بغدادي بالرد انه الوالد يروح يوقع على انسحاب من السفر اني هم اختي ما رادت تسافر بس اولادها رادوا يسافرون الموظفة باليو ان كالت لازم تجي امكم توقع انسحابها من السفر حتى تستمر المعاملة بدون ما يسوون معاملة جديدة يعني عادي هو بس يروح يوقع يكول اني ما اريد اسافر هذا كل ما في الامر تقبل مروري
-
عزيزتي انجي
حتى لو كان الي ايريد ينحسب هوه اصلا صاحب الحاله؟؟؟ يعني البرنسبل اوف ابلكيشن ينسحب واتسافر عائلته؟؟؟ هل هذا جائز
ياريت الكي عدكم الاجابه
وتسلمون
اختكم ريم
-
نعم حبيبتي ريم اختي هي كانت صاحبة الكيس وما رادت تسافر ومن اجت المقابلة راحت بنتها وابنها كالو ولدتنا ما تريد تسافر واحنا نريد نسافر كالو ميخالف خلي تجي امكم توقع وتسحب نفسها من الفايل ويبقى الفايل باسم بنتها وابنها لانه هي كانت ارملة ورادت تروح تزوج واولادها كانوا فوق السن القانوني وهسى بنتها باقيلها بس مقابلة المحلفين وربي شاهد على كلامي تحياتي حبي
-
تسلمين حبيبتي انجي وشكرا على الرد ودائما متقصرين
اختك ريم
-
شكرررررا اخوية البغدادية على جوابك وشكرا انجي وشكرا ريم والله اثلجتم صدري لان شايل هم بكد الدنيا .. بس بقى سؤال اخير لاختي انجي هل اذا انسحب والدي راح يعيدون مقابلة المحلفين لعائلتي الي بقو بالكيس بعد انسحاب الوالد او تمشي معاملتهم وتجيهم الامنية ويسافرون؟