ankawa
منتدى الهجرة واللجوء => الهجرة و واللاجئين => الموضوع حرر بواسطة: رهف00 في 20:15 30/08/2009
-
السلام عليكم
اخواني الاعزاء شوفوا الخربطه اللي موجوده في الاي او ام واستخفافهم باعصابنا...
ذهبت الى الاي او ام الاربعاء الماضي وسالت على الموفقه الامني وقال لي لورنس ان الموافقه المنيه لخمسه من اولادي جتي وبقت موافقتي وموافقة زوجي وابني الصغير وكالي بعد اسبوع وخابرينا
واليوم اتصل زوجي من الشغل على الاي او ام علمود يسأل على الموافقه الامنيه
مالتي ومال زوجي وابني فالموظفه كالتله انه لسه ماكوشي كللها شنو يعني كالتله الموافقه الامنيه مالتكم لسه ماجتي كللها يمعوده زوجتي راحت الاسبوع الماضي ولورنس كاللها بالاسم انه خمسه من اطفالها طالعه الموافقه الامنيه مالتهم .باوعي زين كالتله ماطالع عندي اي شئ فكللها حوليني على اي موظف اريد اتكلم وياه اي واحد واصر ان يكلم شخص من المنظمه فكالتله انتظر وبعد ثلاث دقائق رد عليه واحد اسمه محمود فزوجي حكاله القصه فكله الموظف لزوجي ان كلامك صحيح وانه الموافقه الامنيه مال اطفالك موجوده وحتى الموافقه مال زوجتك اجتي اليوم وبقت الموافقه مالتك ومال ابنك فكرر الكلام زوجي مره اخرى على الموظف للتاكد فكاله الموظف اخي الموافقه الامنيه طلعت لزوجتك ولخمسه من اطفالك وبقت موافقتك وموافقة ابنك الصغيرفشكر زوجي الموظف على حسن تعامله وشكاله من الموظفه وعن القلق اللي سببته لزوجي فتاسف الموظف لزوجي ....
انا اسفه اخواني على الاطاله ولكن شوفو الخربطه الموجوده والقلق اللي يسببوا بسبب استهتارهم باعصاب الناس وعدم شعورهم بالقلق اللي يشعر به اللاجئ العراقي وهو بانتظار خبر مفرح ممكن يخفف من مرارة الانتظار والقلق .......واترك التعليق لحضراتكم
رمضان كريم عليكم ويارب يفرح قلوبكم في هذا الشهر المبارك.
اختكم \رهــــــــــــف
-
الف مبروك اخت رهف وياب تبشرينا بالموافقات كلها للعائله
ويارب كل المنتضرين تاتي موافقاتهم
-
أختي عادي هو الموظفه لخاليها على لهاتف متنطي تفاصيل مجرد الامنية وصلت لهذا الكيس او لم تصل مبروك وصول الأمنيات وان شاء الله تصل بلكامل
وأعتقد لبرنامج لخالي عد لموظفه ميبين بي لتفاصيل والا جان محولتج لمحمود
تحياتي
-
اختي العزيزه رهف
اكو شي يجب ان انعرفه انه المعلومات الي ده ينطوها المنظمه والتفاصيل الدقيقه حول الموافقه الامنيه والاسئله الشخصيه الي نوجهها لهم ليس من صلاحيتهم ان يوضحوها او يجاوبونا عليها وانتي اكيد شفتي الوضعيه مالتهم بعدها ممستقره بعد والي صار وياك صار ويايه ايضا لان النتيجه بالنسبه لهم واحده فاذا لم تحصل الموافقه الامنيه لاي شخص بالكيس تعتبر عدم حصول الكيس باجمعه على الموافقه الامنيه فلا فرق اذا اكتملت الموافقه لفرد دون الاخر في الكيس الواحد وهذا ما حاولت الموظفه قوله بالرد عليك وانا ارى ان الموظفين في مصر على درجه من الخلق واللطف في تعاملهم مع الناس ويكفي اننا نستطيع مراجعتهم والاتصال بهم ويكفي ما نسمعه عن المنظمات الاخرى في دول الجوار فارجوا ان توسعي صدرك وتعذريهم واقدر ما تمرون به من ضغوط نفسيه وتقبلي تحياتي
-
انشالله تفرج عليكم بأسرع وقت يااختي العزيزه وصحيح مثل ماكال اخي عكعك ان موظفين مصر متعاونين واحسن من غيرهم انا في سوريا اليوم اتصلت وسألت عن ملفي وسألت ايضا عن موافقتي الامنيه ان كانت واصله ام لا...وجاوبتني الموظفه وهيا متنرفزه وكالت انتم منين تجيبون هاي المعلومات شنو موافقه امنيه احنا من تجينا موافقات نبلغكم وماكدر اسولف معاك بتفاصيل اكثر ...فأحمدو الله ان جماعة مصر تتفاهمون وياهم ويجاوبونكم بكل احترام وتحياتي الك وانشالله بالتوفيق
-
اختي رهف طولي خلك و فعلا جماعة مصر احسن من البقية ومثل مكال ابو خالد سوريا تعاملهم جدا سخيف و مينطون اي نجدة بس ارقام مصر نفسهة لو تغيرت ؟
ان شاء الله توصل الموافقة الامنية للجميع و بسرعة يا رب
-
اخت رهف الحمد لله على وصل الموافقات الامنية مالتك ومال اطفالك معدة زوجك واحد الاولاد طبعا كلام الاخوة صحيح وكلامك هم صحيح اني بل نسبة الي خبرت على الولاية طلعتلي بنيه كلتلي مفيش لا ولاية ولا امنية كتلهة زين مال مرتي كالت انت من تكمل الكيسة عود انخبرك كتلهة زين مالتي مجاية مال مرتي جاية كالت اذا جاية واذا مجاية مال مرتك ممسموح النة نخبر انتضر تكمل يلة خبرت ثاني يوم طلعلي محمود جان يكلي الولاية اجتي بس الامنية مالتك مجاية كتلة ومال مرتي كال هم مجاية بس مال ابنك موجودة وعتقد هوة من الاول مال ابني موجودة لان صغير المهم طولي بالج ونشاء الله تكمل كلهة وينختم الملف مالتكم كلة وتسفرون
-
اخي عكعك
اني كلما اتصل على مصر ادكولي لسه الموافقات الامنيه ومن اسالها يعني ولا واحد منهم واصله ادكولي انا باين عندي الملف ككل
يعني ابدا متنطي تفاصيل
فعجبا شلون الباقين ديكولولهم عن كل شخص توصل موافقته بالملف
وهاي منين احصل على هيجي تفاصيل
اذا عدكم معلومات افيدونا رجاءا
اختكم ريم
-
اختي العزيزة ريم
انتي من تتصلين كولي اريد نيفين هاي شوية زينةوتجاوب او اطلبي هذا الولد محمود همين يجاوب وينطى من نفسة اما هاي البنية الي حجو عنه الاخوة بلمنتدى فصحيح كلامهم لان متجاوب وتكولج مامبين عندى شي اني طلبت منهه تحولني على نيفين مقبلت هية الشغلة يرادلهه صبروالله كريم
-
السلام عليكم
اخواني الاعزاء......
كمال الشاطي
baraya
shebo
عكعك التطوي
ابو خالد
عاشق تراب العراق
بغداد وبس
الله يبارك بيكم على مشاعركم الطيبه وردودكم الجميله
ولكن يااخوان تعرفون احنا هنا اعصابنا تعبانه واحدنا ميصدق يسمع خبر
على موافقه امنيه او تحديد ولايه او ختم ملف فواحد شيصير بيه لمن
يكلولك ان الموافقه الامنيه جايه ومنتظر موافقة الباقين من العائله
وتجي الموظفه وتكلك ماكو كلشي يعني اماله راح تتحطم وهاي مو
اول مره.. بتحديد الولايه هم سوو بينا هيج ..
فعذروني اخواني الطيبين والله يبارك بيكم يارب.
ويوم يفرحكم الواحد الاحد بالاخبار الطيبه عن الموافقه الامنيه
وتحديد الولايه وموعد السفر ان شاء الله.
ورمضان كريم علينا وعليكم وعلى امة محمد(ص).
اختكم...رهـــــــــــف\مصر
-
اختي الحمد لله على وصول قسم من الموافقات وان شاء الله توصل كلها والسفر القريب ولا تصرين عصبية لان مرجعنا عليهم اتحملي والله الموفق .....اختك ايات
-
الف الف الف مبروك اختي العزيزة رهف وانشاء الله باقي الموافقات الامنية الي اتخص زوجج وابنج الصغير والله يحفضة الكم يارب
اختي صدكيني لا العصبية ولا اي شي ايفيد وياهم لان همة دمرو اعصابنة يعني اتصور ولاية كل يوم ايكولنة شكل يول اتوقعت من كنتاكي يوم راحت لرود ايلاند يوم ايكولننا 2 بكنتاكي و2 برود ايلاند ويوم ايكوللنا كلكم برود ايلاند يعني ضوجونا كلش بس شنسوي يا اختي هذة حكمة ربج فة هدي اعصابج وخليها تخلص على خير وسلامة ويارب السفر القريب يارب
اخوج جوزيف
-
أخت ريم بلتليفون مينطون تفاصيل اذا تريدين بلتفصيل لممل لازم تراجعين اربعاء او خميس وراح يكعد لورنس اول شي يكلج لسا مكتش هم متطلع لحجايه الا يشوفج خبيره فيكوم يشرح فلازم أنتي تجاوبي لأي شخص بعدها مكتش راح يكلج ولنفرض لأبو لكيس بعدين هم سألي شكم مرحله واصله من امنية أبو لكيس لأن كل أمنية لشخص واحد تتكون من ثلاثة مراحل وانحسهن لثانية
تحياتي
-
اولا سلامي الى جميع الاعضاء الاعزاء بس اذا امكن سؤال هل من الممكن ان نتصل بالiom ونطلب نتكلم مع الشخص الي نذكر اسمه في الردود السابقه وعلى مااضن اسمه محمود يمكن هو يجاوبنه على الموافقات الامنيه ارجو الرد اختكم ام يوسف
-
الخت ام يوسف
بكل تاكيد ممكن ان تطلبي الموظف بالاسم لتتكلمي معاه
بس مرات الموظف اللي يشيل التلفون يكول ممكن اني اخدمك بشي . بس هاي تصير قليل
وان شاء الله يحولوج الى الموظف اللي تريدي
ان شاء الله تسمعون اخبار حلوة قريبا
سلام الله معكم
اخوك يوجد امل
-
اني اتصلت ب iom للسؤال على الموافقه الامنيه لعائلتي وبعد ان حولوني الى اكثر من شخص كلمت وحده وكانت تتكلم بعصبيه معي واضطريت اتكلم بعصبيه لان سئلتها اذا الموافقه لابني الي عمره 4 سنين مامعقوله حتى هو مجايه كالت اني مامسموحلي اكول اذا واصله موافقت واحد بيكم الا ان يكمل الملف كله وحتى كلتله اذا جايه مال واحد بينه كليلي حتى على الاقل واحد يرتاح كالت مامسموح وحتى من كلت زين اكو اشخاص انتو كايلين المن طالعه الموافقه الامنيه من عوائلهم ومنو لا كالت هذا سستم قديم كلتله شنو سستم قديم لان اعرف ابنيه يوم الخميس كانت عدكم وذ كلتو المن طالعه الموافقه الامنيه من عائلتها فشنو القصه ماردت بس تكول سستم قديم بس اكول الله كريم والي بي خير رب العالمين يسوي
-
اي أختي مثل ما توقعت من قبل معناها اكو برنامج مايوضح التفاصيل ومراحل الأمنية خالية عند موظفة الهاتف وهذا معنى السستم قديم واظاهر متعمدين ميغيرو بلحاسبة لتخص لمكالمات الهاتفية حت ميطول الاتصال وبس يبلغون وصول الأمنية لكيس بلكامل فاخواني اكرر ليريد تفاصيل اكثر يراجعهم ويسأل لورنس العرب او محمود
-
السلام عليكم
الاخت ايات
الاخ جوزيف العراقي
رحم الله والديكم واشكر هذه المشاعر النبيله
ويوم الله يفرحنا ويفرحكم بالاخبار الطيبه
وهي السفر القريب انه سميع مجيب
ورمضان كريم وكل عام وانتم بخير
اختكم....رهــــــــــف\مصر