ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو جيهان في 10:59 31/08/2009
-
الاخوة الكرام بارك الله بيكم
عندي استفسار اذا واحد مار بنفس المشكلة
اليوم اتصلت على منظمة الهجرة في عمان للاستفسار حول ملفي
واخبروني انه كلشي كامل وبانتظار اوراق الكفالة
زين الكفيل راح وقع الكفالة قبل شهرين و تم ارسالها
والان اني مااعرف هل اوراق الكفالة ضاعت ام شنو المشكلة
اخواني شنو رايكم بهاي السالفة
اخوكم
ابو جيهان
-
حبيبي الغالي ابو جيهان انشاءالله هانت وعمليه توقيع الكفيل على الاوراق تاخذ اجراءات وفتره بين 4 الى 6 اسابيع لحين وصولها للمنظمه فانشاءالله توصل عن قريب وتقبل تحياتي
-
لا تقلق اخي ابو جهان هي تتاخر على ما توصل الهم عادي مادام الكفيل وقع الاورق كلشي منتهي بس باقي تحديد موعد سفرك باذن اللة ربي يوفقك
-
اخي الصديق العزيز عكعك الورد
بارك الله بيك وييسر امرك وانشاء الله تسمعنا اخبارك الحلوة قريبا
اخي الكريم يعني اوراق الكفالة تاخذ هالفترة حتى توصل لان تاخرت هواية واني خابرت المنظمة اليوم و اخبروني انه خلي الكفيل هم يروح يسالهم للمنظمة ويشوف ليش التاخير يعني يصير المنظمة مدزت الاوراق او ضيعتها واني هم خابرت الكفيل و باجر راح الكفيل يروحلهم ويشوف شنو الفلم ويحاول يدز الكفالة مرة اخرى حتى لو بالايميل
زين اخوية عكعك هاي الكفالة متندز بال DHL
وحسب معلوماتك هم يصير تندز بالايميل
اختي الكريمة انجي ربنا يحقق امنياتك و ييسر امرك دائما ياطيبة القلب
اخوكم
ابو جيهان
-
اخي الصديق العزيز عكعك الورد
بارك الله بيك وييسر امرك وانشاء الله تسمعنا اخبارك الحلوة قريبا
اخي الكريم يعني اوراق الكفالة تاخذ هالفترة حتى توصل لان تاخرت هواية واني خابرت المنظمة اليوم و اخبروني انه خلي الكفيل هم يروح يسالهم للمنظمة ويشوف ليش التاخير يعني يصير المنظمة مدزت الاوراق او ضيعتها واني هم خابرت الكفيل و باجر راح الكفيل يروحلهم ويشوف شنو الفلم ويحاول يدز الكفالة مرة اخرى حتى لو بالايميل
زين اخوية عكعك هاي الكفالة متندز بال DHL
وحسب معلوماتك هم يصير تندز بالايميل
اختي الكريمة انجي ربنا يحقق امنياتك و ييسر امرك دائما ياطيبة القلب
اخوكم
ابو جيهان
حبيبي الغالي ابو جيهان ميصير تندز ب DHL لان هي تظهر للمنظمه بجهاز الحاسوب لان هو سستم واحد بين امريكا وباقي المنظمات وهاي شغلتك حصلت لاخويه ايضا اتصلنا بالكفيل وكال وقعت الاوراق وعند مراجعتنا للمنظمه قالوا بعدها مواصله كنالهم الكفيل وقع قبل 5 ايام قال ان هناك اجراءات ووقت بين 3 الى 6 اسابيع يالله توصلنه ووصلت خلال اسبوعين ولكن كالوا بيه خطاءو انشاءالله خلال اسبوع تجي مره اخرى ولا تقلق ماكو شي يضيع وقد تكون واصله والمنظمه متطيك تفاصيل عن الموضوع وانشاءالله توصل في الايام القليله القادمه
تحياتي وتمنياتي لك بالتوفيق