ankawa
منتدى الهجرة واللجوء => الهجرة و واللاجئين => الموضوع حرر بواسطة: ماكو حظ في 19:55 31/08/2009
-
اخواني الاعزاء السلام عليكم اخوكم شاب عراقي بالاردن عمان المهم امقدم عله المفوضيه واتوطنت بسنه 2008 الشهر الثالث على اميريكيا طبعا انرفضت وكان سبب الرفض باني ان اثبت لهم بانني لم اضطهد احد بسبب عرقه او دينه او لون بشرته او جنسيته او انتماءه السياسي وكل هذا بسبب انني ذكرت بقصتي بانني كنت بحزب البعث لانني مشيت بنصيحت احد الشباب الي نفسياتهم تعبانه ايردون ياذون الناس بسبب او بدون وشجعني وحلفلي بانه اقربائه ذكر هيج شي وهسه هوه باميريكا واخوكم غشيم واريد اجلب اب كشايه الله كريم المهم وبعديها حولوني على كندا وطبعا من غير مقابله هم اجاني رفض المهم بتاريخ 25\11\2008 اتصلوا بيه المفوضيه وكلولي بان ملفي راح يتحول لالمانيا هل لنته موافق كتلهم ايه اكيد وبتاريخ 29\12\2008 اتصلوا بيه المفوضيه وكلولي بان عنده مقابله توطين بتاريخ 31\12\2008 طبعا مقابله توطين للمره التانيه المهم من بعد ساعتين حجي بالمقابله ومن بعد ما انشك حلكي من الحجي كلتلي الموظفه وكانت يمكن اميريكيه انه همه اسفين على رفضي وهمه راح ايحولون ملفي لالمانيا المهم وقعت وبتاريخ 3\3\2009 اتصلوا بيه المفوضيه وكلولي احنا اسفين بس حبينا انبلغك بانه الوفد الالماني رفضك وراح انحولك للسويد اتوافق كتلهم ايه موضوع مشوق مو المهم بتاريخ 21\5\2009 قابلت الوفد السويدي بالمفوضيه طبعا كانت مقابلتي الساعه بالوحده واني من الساعه عشره الصبح اهناك ههههه ممصدك طببوني للمفوضيه وكلولي تكدر تتحمل تكعد كتلهم ايه خلصتهخا كعده واجوا باقي الناس الي عندهم مواعيد المهم الساعه با2 الظهر اجت مديره الوفد وكانت يمكن طولها مترين وشكره وعيونها خضر وظلت تقرا بحقوق الاجيء بالسويد واشلون اتم عمليه القبول اشلون اتم عمليه السفر واشلون المهم ووزعونا ملزمات بيها نفس المعلومات ومكتوب عليها الى من تم اختياره للسفر الى السويد طبعا ما ذكرت اي شي ءبخصوص الرفض بس كالت بانه انتو معترف فيكم انكم لاجئين من قبل المفوضيه وانه الحكومه السويديه عندها معايير بالاعتراف باللاجئين اشويه تختلف بس شو كلكم مقبولين انه سيتم تصنيفنا كلاجئين وتحت الحمايه الي تحت الحمايه ياخذ جوازسويدي من بعد خمس اسنيني والاجي من بعد اربعه سنين كلنا الحمد لله وبرنامج المساعدات يستمر لمده سنتين وبعديها نزلو المحققين علمود ياخذون اللاجئين للتحقيق معم اني نزلت وحده ويه مديره الوفد بس شافتني عبالك اني كاتل ابوه ونظرتلي نظره حقد اشو هاي بس المديره خلصت التعليمات اجتني وجايبه ملفي وياها ونادتني اب اسمي وكفت كلتلي يله تعال طويله وسمينه اني كلت راح اتموتني لان صار عندي خبره ويه بلدان التوطين يا يابه اشكد حاولت تستفزني او اتغلطني اني بكل هدوء مسيطر واجاوبها وبالاخيلر ضاجت وكامت اترزل بس بطريقه مبطنه طبعا حتى المترجمه انتبهت عليها المهم ومن بعد شهرين اتصلوا المفوضيه وكلولي تعال عندك مقابلة متابعه رحت بلغوني بالخبر وكلولي انه السويد رفضتك وكتلهم ملابسات المقابله وكلولي انه بعد ميرفعون ملفي لانه عاده ايحاولون مرتين بالزياده وانهم رفعوا ملفي اربعه مرات وماكو نتيجه ودول التوطين خلصت بله شايفين اشلون حظ طبعا اني كنت مستانف كلت مو مشكله السويد ترفضني مستحيل انه كل الفرص اتضيع الله مايقبل هسه يجي الاستئناف قبول ووره اربعه ايام من تبلغي برفض السويد اجتني رساله بيها النتيجه مرفوض من قبل الولايات المتحده
-
اخي انته مو مشكله تكللهم جنت بحزب البعث بس تكللهم مؤيد مو عضو فرقه
اني من الناس كلت بالمف=قابله انو جنت منتمى لحزب البعث و جنت مؤيد كالت ادري انوا الشعب العراقي كله جان بحزب البعث و سالوني جان عندك نشاطات حزبيه كلت لا بس جنت ادفع للمسؤوال الحزبي فلوس الاشتراك ومال لفة الفلافلل علمود مندخل الاجتماع و يسجلنا حضور
و الله يوفقك ان شاء الله و الله يساعدك على حظك بس لا الاردن تقبلك لجوء
-
اخي الكريم..
متكولي اشكاتب بالقصة حتى كل دول التوطين ترفضك!!!
زين اتكول المحققة كانت اترزل بس ما افتهمنا شلون!!يعني قصدك ممكن استفزتك بس بادب لان مال اتقل ادبهة برزالة صعبة شوية...
اعتقد اكو شي غير مسالة حزب البعث هو اللي استفز كل اللجان اللي قرت القصة..
تحياتي
-
الاخ ماكو حظ
قصتك قصة حزينة والله ايكون بعونك وخلي ايمانك الله وربي سهل امرك بس لازم الاخ مخضرم بالاردن وشاف كل الوفود الله يوفقك ونور طريقك
اخوك
القرش الاسود
-
اخي الله كريم حط عينك بعين ربك وهو ما ينسى عبده
اخوك البصري
-
لك هاي انت التوأم مالتي شنو فلمك
اني هم رفضت امريكا وحولوني على المانيا ( يعني الاختلالف بيناتنا كندا) ورفضتني المانيا بدون ما تقابلني اصلا وقبل ما اعرف انه رافضيني اجتني مقابلة الوفد السويدي واتوقع بنفس اليوم بس اني الصبح وهم نفس اللغة مال رئيسة الوفد بحيث كلت هاي هيه صرت بالسويد اشو اجانه محقق ابو مناظر طلعني ارهابي وكالي تعال اثبت انت مو ارهابي
كتله اخوية انته بالضبط مثل المليشيات بالعراق كاعد تحجي واني ما اقبل تتهمني بدون دليل اشو هذا هلنوبة فوك ما اني كلي متوتر كام تطلع من عيونه نار المهم ورة شهر تقريبا اجانه الرفض يهلهل كلولولولش
حبي بس اطمنك هم حولوني على دولة رابعة ( علمود نتعادل اني وياك ) وهي فلندا بس كالولي هاي جوابها على المقابله يطول فد اربع شهور او سته ومن يقابلوك يجاوبوك ورة هم اربع شهور انلحك نصوم رمضان بعمان مرة لخ
والله عمي توأم مو بله
رح نصير اصدقاء حيييييييييييييييييل على هذا الحظ
-
الله ايكون بعونك ويسر امرك وعسى ان تحبو شيئا وهو شرا لكم
الله ايحفضك يارب وينور طريقك ويفتحها بوجهك من اوسع ابوابة
اخوك جوزيف العراقي
-
اخي العزيز لا ضوج الخير فيما اختره الله
همر
-
غير قصة هاي , متكلي شكايللهم بالكيس بحيث ترفضك كل الدول !
بس ارجع واكول الحث أله دور جبير, بقه بس تقدم توطين على العراق وتفضهه .... (مابيه رفض)
الله يصبرك ويصبرني, آني حالتي مثل حالتك بس بعد أضرب, سنتين بالسويد وهسه مرفوض وحيرجعوني اجباري, فلادير بال يمعود , وين متصير خلي تصير ... شيصير بعد اكثر ووين تريد توصل ؟