ankawa
منتدى الهجرة واللجوء => الهجرة و واللاجئين => الموضوع حرر بواسطة: المحب للحرية في 11:22 01/09/2009
-
السلام عليكم .......وعلى كل اعضاء المنتدى الطيبين .......اسأل اذا اكو من جماعتنا العراقيين بالاردن يكدرون يساعدوني ....لان لاول مرة اسافر وما اعرف شلون ....ومتأكد راح اصير مثل الاطرش بالزفة من اوصل هناك ........وشكرا جزيل الشكر للقيمسين على هذا المنتدى الروعة وعلى الاعضاء المتألقين دوما
-
ان شاء الله توصل بألف سلامه
والاخوان مراح يقصرون وياك
ولاتخاف عمان متروسه عراقيين
وراح تكدر تتكيف ويه الوضع عادي
وأن شاء الله الله يسهلها عليك
ونسمع الاخبار الحلوة عنك
تحيـــــــــاتي الك
-
حبيبي الغالي
بالبداية ان شاء الله توصل بالسلامة للاردن انت حضرتك تريد تعرف شلون تقدم للامم المتحدة لو بالنسبة يعني وين تسكن ووين تعيش هنا ؟؟؟
اني بما انه ماعندي شئ راح اسولفلك على الاثنين
عمان هي مقسومة الى قسمين عمان الغربية و عمان الشرقية عمان الشرقية ارخص من ناحية الاسعار الايجارات لان هيه عبارة عن عمان القديمة و يسمونها هم وسط البلد وبي هذا وسط البلد سوق كبير كلشي بي عمان الغربية اغلى من ناحية الايجارات والشقق جديدة يعني احسن من الشرقية اذا تريد شقه بالشرقية اكو شقق فندقية سعرها مناسب وهيه اسمها شقق العزوني بدوار النزهة اهل التكسيات تندلها ومن تسكن هناك تكدر انت على راحتك ادور شقق حسب امكانيتك عن طريق اعلانات بالجرائد او تلكي اعلانات مكتوبة على المحلات و الاسواق عن شقق بس نصيحة لاتروح على مكتب عقارات لان ياخذ منك 10 دنانير قبل لااشوفك اي شقة و اوديك على شقق تعبانة كلش
اكو شقق في عمان الغربية بس اسعارها اغلى يعني من 3 اوراق و فوق حسب حجم الشقة و عدد الغرف بس عمان الغربية اهدأ وأمن شوية من الشرقية بس اغلى اكو مناطق مناسبة هي الجاردنز او البيادر او الشميساني هاي مناسبة واكو جرائد توزع مجانا هنا بالاردن كل يوم جمعة راح تلكة بيها اعلانات شقق بس عن طريق المالك يعني مو مكتب عقاري وانت بكيفك بعد
بالنسبة للتقديم اذا تريد تقدم على الامم المتحدة تركب تكسي وتكله لابو تكسي منظمة الامم المتحدة في دير غبار اغلب التكسيات يعرفوها الدوام من يوم الاحد ليوم الخميس الساعة 8 الصبح تاخذ الجوازات و ينطوك موعد للمقابلة
اما اذا كنت مشتغل مع القوات الامريكية او مترجم فتكدر تقدم تقديم مباشر على الهجرة بس لازم يكون عندك كتاب تزكية من المشرف مالتك و تقدم عن طريق الايميل كل مستمسكاتك
واكو ايضا شقق فندقية بالاردن في منطقة الجاردنز تكدر تقول لابو التكسي من توصل هو اوديك على واحد طبعا التكسيات هنا كلهن على العداد طبعا المائة دولار تساوي حوالي 70 دينار اردني الماء هنا تشتري الماء اكو محلات تكدر تدفع اشتراك و قارورة الماء على قولتهم حوالي بدينار يكفي لمدة اسبوع هنا اذا عائلة صغيرة اذا عندك اي سؤال اسئل و لاتستحي ترة كلنه اخوتك واني هم من اجيت على الاردن كلشي ماأعرف بس هسة مشت الامور حاول اذا انت شاب تتجنب الطلعات بالليل و لاتروح لامكان بعيدة تجنبا للمسائلة بعد ماتخلص الاقامة او الفيزا مالتك اي استفسار اني حاضر
اخوك رافد
-
بالتوفيق اخي العزيز انا ان شاء الله انا ايضا ارتب للتقديم عن طريق الاردن ممكن ان تتطلعنا على كيفية الدخول للاردن؟ وهل ساعدتك المنظمة بالحصول على الفيزا للدخول الى الاردن
تمنياتي لك بالتوفيق
كرستوفر العراقي
-
أخي العزيز رافد بالنسبة الك انته وين مأجر .....اذا مأجر شقة تكدر تساعدني أجر شقة يمك ......وحتى لو تدزلي رقمك على الخاص اذا امكن ........ومن اوصل اتصل عليك......لان والنبي اطرش بالزفة ومحتار .وشكد الايجار شهريا ....ورحمة على روح والديك ..........
اما خوية ابو جاسم ابن زيونة .......بحق شهر رمضان الكريم يفتحهه بوجهك وشكو من امنية تتحقق الك لان كل طيب يعمل باصله
اما اخي العزيز عراقي كرستوفر ....... iom عمان اتصلو علي كالو انته تدخل بدون فيزا لان احنا سوينالك تسهيل دخول.......الظاهر اي شخص ينقبل بالبرنامج يسوون اله تسهيل دخول
-
حبيبي ليش خايف انت اول ماتدخل كتلك قول لابو التكسي اي فندق بوسط البلد او في منطقة الجاردنز وعادي قول لابو التكسي خلي ينتظرك اذا ماعجبتك روح على غيرة ترة اني من دخلت الاردن هم نفس الشئ اطرش بالزفة بس بعدين انت تبدا تعرف كلشي هذا رقم شخص هو عنده شقق مفروشة مو كتب يعني صاحب ملك هو البناية مالته كلش خوش رجال اتصل بي وعنده عدة شقق نظيفة وجديدة هم هو مايتذكرني لان صار سنة تقريبا
ورة ماتكعد بالفندق اتصل بي اسمه ابو غسان
المنطقة البيادر وادي السير
رقم الهاتف 0796637134
الارضي 065862878
عنده حوال 4 شقق وبأحجام مختلفة والمنطقة كلش زينه واسعارة من 300 دولار وانت هم اتفق معه
انت بس تدخل الحدود الله يسهله و لاتهتم انت دور على راحتك وبالسعر اللي يعجبك لان هسة صيف هنا الايجارات مرتفعه لان سياحة
-
اخي العزيز المحب للحريه اذا تريد شقه اني موجود راسلني على الخاص وشتريد اني حاضر اني اسكن بعمان ارجو منك ان تبعثلي اميلك واني حاضر
اخوك 79 النرجس
-
زين بغض النظر عنن الايجار هل اكو وظائف هناك يكدر الواحد يطلع منها الايجار؟؟؟ واذا الشخص لوحده ؟؟ يفيد الواحد يحول من بغداد الى عمان لو ؟؟ لا ؟؟ بيها نتيجة اكيدة ؟؟ اتمنى ما اكون ازعجكتم بالاسئلة
-
الله يبارك بيكم .......ويحفظكم .........والله ما تقصرون ......... رافد الف شكر الك ورحمة على روح امك وابوك ........اخوي النرجس دزيتلك رسالة على الخاص .............الصراحة شويه فرجتوا عني لان جنت محتار.....وانشاء الله يجي اليوم اللي اخدم كم بيه واخدم كل محتار
-
بارك الله بيكم اخوتي واهلي العراقيين على هذا التعاون وعلى كولة ابو المثل كوم التاونت ماذلت وشكر خاص للاخ رافد
دعائي للجميع بالموفقيه
اخوكم الخالدي الاصيل
-
بالتوفيق اخي العزيز وان شاء الله نلتقي هناك في اقرب وقت الله يسهلهة عليك ويسهل امرك وانا متاكد اخونا ميقصرون وياك
كريستوفر العراقي