ankawa
منتدى الهجرة واللجوء => الهجرة و واللاجئين => الموضوع حرر بواسطة: ام سما في 15:31 01/09/2009
-
السلام عليكم اخوانى الاعزاء ورمضان كريم علينا وعلى جميع الاخوة الاعضاء وياربى يجعله شهر فرج على الجميع اخوانى سبق وان كتب موضوع عن رفض اختى من قبل الوفد الامريكى فى يوم 6/4/2009 وقدمنا استئناف يوم 8/4 /2009 وبقينة ننتظر كلما نخابر يكولون بعد واخر شى اتصلت بيهم يوم الاربعاء 26/8 وحددوله موعد يوم الاحد 30/8 الساعة السابعة صباحا بكفر سوسة والحمد لله قابلت وكان شخص كبير بالعمر وشديد جدا كلما تكوله كلام يكللها هذا غير مقتع حتى وصلها الى حاله والله ستر انو ترفض التوطين من اصلها لولا انو مسكت اعصابها بالحضة الاخيرة وكل الى وياه نفس الشى والله يستر من النتيجة الى اريد اعرفه هو توطين للاجئين لو انتقام من الاجئين يعنى وين ميروح العراقى مظلوم علما انو هى ملفها وحدها ولا عده عسكرية ولا غيره ابسط مثال من ضمن الاسئله انو شكد المسافة بين بيت اهلج وبيت اختك بالكيلو مترات الى بقيتى عدها من تهددتى تكولة والله مااعرف اقدر المسافات يكللها لازم تكليلى اخر شى خبرته اذا انت عندك معلومات عن بغداد واكيد تعرف كلشى انو بغداد كرخ ورصافة والى يفصلهن نهر دجلة وانى خرجت من الكرخ وعبرت الجسر ورحت للرصافة يكللهة يعنى من تصعدين الى السطح تكدرين تشوفين بيتكم تكول خبلنى شنوا اجاوبة وضلت تشرح للمترجمة حتى تفهمه وهم مقتنع فيااخوان هذا توطين لو تدمير والله يستر وارجو من الاخوان المستئنفين خلى يتصلون حتى يحددولهم موعد تره ضلينا نتصل الى ان انطونة موعدوحضروا نفسكم للامتحان الجديد
وارجو الموفقية للكل المستئنفين
اختكم ام سما
-
الله يكون بعونكم وانشاءالله التوفيق يكون حليفكم بعون الله والله يفرج عن اختك ويسهل امرها بحرمه هذا الشهر الفضيل
-
والله حقك اختي ..... الف الحمد لله وانشاء الله الفرج قريب بأذن الله
ابو مرتضى
-
والله يااختي العزيزة هي حياتنة كلها كضيناها بحرك الاعصاب. الله كريم وان شاءالله ياربي الله ايسهل عليكم وعلى اختج وعلى كل العراقيين لان كلهم تعبانين.
-
الله يكون بعونه ان شاء الله مقبوله والله يرزقه السفر القريب يارب امين
اخوج 79 النرجس
-
اختنا ام سما
ندعوا لاختك بالموفقية باتمامها المقابلة المنتظرة بعد طول انتظار والحمد لله على كل حال ,,,المهم اتصلو بيها وقابلت على الاقل تعرف مصيرها واحسن من الانتظار ,,,, وللتذكير انا ايضا استلمت الرفض نفس تاريخ اختك 4-6-2009 .
انا اايوم ذهبت اليهم وسالت الموظفة عن ملفي وقالت لي انتظر منا اتصال كل العادة ولكن بشرتني بانه هناك حركة واتصال بالمرفوضين حسب تقديرهم وان شاء الله هناك امل للمرفوضين بلاعادة بالنظر بقضاياهم دون اهمالها
تحياتي
-
ان شاء الله تطلع موافقة كل المستئنفين ويرتاحون والمقابله الصعبه حسب خبرتي افضل من المقابله السهله وان شاء الله مصيرها القبول ولكل المنتضرين
-
الله يفرجها على اختج يااختي ام سما وانشالله تبشرينا بنتيجة القبول بجاه شهر رمضان ويريح بالكم انشالله
-
الله يكون بعونكم
و الله موقف صعب
و فعلاً أسئلة غريبة عجيبة
أسأل الله عز و جل أن يفرج همكم و أن يرزقكم الخير و الموافقة و الله يجعل هذه المعاناة في ميزان حسناتكم
إن شاء الله تبشرينا بخبر الموافقة قريباً
تحياتي
wingo
-
شكر اختي ام سما
ان البارحة ماتصلت بيهم رحت عليهم ودخلت داخل المبنى وسالت الموظفة وكالت كل فترة تجي قوائم واحنه نتصل بيكم حسب الاسماء الواردة بالقوائم ... يعني احتمال يجي اسمك او لا انت وحظك
الله كريم ان شاء الله خير للجميع
-
دعواتنا الكم اختنة ام سما بقبول اختج و يا رب تسافرون سوة و اخونة ابو محمد ان شاء الله سراك قريب امين
-
زين هشكل بس اريد اسالك اشلون انطولك مقابلة ابكفر سوسة وانتة عندك استاناف يعني هل لغيت الاستاناف ورحت ادور على بلد لاخ يا اخي مدنفتهم اشلون ديشتغلون زين هسة اشلون