ankawa
منتدى الهجرة واللجوء => الهجرة و واللاجئين => الموضوع حرر بواسطة: ethan texas في 11:13 03/09/2009
-
السلام عليكم اخواني طبعا اني كلش خجلان وربي من هذا السئوال بس شسوي الحجية واكفة هسة فوك راسي حتى اكتب الموضوع ;D ;D واتصورو اشون موقف بية اني
بيبتي دتسئل على كم شغلة طبعا شغلات اني كتلهة مو مهمة وكلشي اكو بس هية تحب تاخذ اراء
المهم الحجية اتكوللكم الجداري هههههههههههههههه ;D ;D والبردات ( الستائر ) والخواشيك والجتطلات ;D ;D ;D والمواعيين والبطانيات هههههههههههههههههه شبقة على البيت خلي تنقل البيت كلة
اتكول اجيبهن وياية او بلا احرى ادزهن وية ابني جوزيف لو اذبهن لان هية كلش مستعزة بالستائر مال البيت وخاصة بالصالون لان مسويتهة جديدة وسمعت من مدري منين انو ينطون بس على عدد النفرات خواشيك وجتطلات وماكو جداري كلش غالية با امريكا وكتلهة اينجي اتكول الجداري الضغط اب 10 و 15 دولار مصدكت
فة نصحوني اجيبها لو اذبهن ؟؟؟
وتعبتكم وياية واسف على هذة الاسئلة
اخوكم المحصور من بيبيتة جوزيف
-
اكلك رحمة على ذاك الجد انته دتسافر لامريكا لو للحلة ;D
كلهة للحجية خلي تبقي الغراض بالبيت لان الجدور العراقية اذا شافوهة بالمطار ايجوز يعتبروهة مفاعل نووي ;D
لا تزعل مني اتشاقة وياك حبي..سلامي للحجية ::)
تحياتي
-
عمي جوزيف سلملي على الحجية
والله كل حجياتنا يفكرون هيجي الله ينطيها الصحة والعافية واتظل خيمة فوك راسكم
كلشي لا تاخذ وياك بس شيل وحط جنط وتعب وكلشي متوفر هناك
تحياتي وتمنياتي الك وللعائلة بالموفقية
أبو أيمن - عمان
-
شوف حبي اني سمعت من الولد هنا بالمنتدى والي وصلو حديثا من يوصلون يلكون سيت جداري تيفال ودرزن من كلشي ملاعق جطلات سجاجين بس الصراحة اذكر واحد من الولد كال جيبو بردات لان البردات مالتهم مو حلوة
تقبل مروري
-
بغدادي مشكور على الرد وتسلملي والله شكلي رايح اني للجوادر وكلشي ماكو هناك ههههههههههههههه
لا وجمالة اتكولي اخذهة وياك جوزيف امانة ترة ها لان اني رح اطلع قبلهة لان هية بعد اجراءات سفرها اطول شوية وتسلملي ياوردة
اخوية العزيز ابو ايمان شسوي متكلي هاي الحجية اتموت على جداريها وربي جابتها من برغاريا قبل يمكن قرن من زمن الجاهلية بس معتزة بيهة ونقلتها من بغداد للمصر وهاي شوف صارلنا 4 اسنين بس وربي جداري مو طبيعية ثكيييييييييييلة تسلملي على الرد ياوردة وجزاك الله الف خير ويارب الله يحرس العائلة من كل شر
اخوية العزيز ستروم هية هم كالت لان بردتها كلش جديدة وموديل مسويتهة وتكول حرام مسويتها اب 2500 جنية اذبها بالشارع
اخوكم جوزيف