ankawa
منتدى الهجرة واللجوء => الهجرة و واللاجئين => الموضوع حرر بواسطة: البحار68 في 15:38 03/09/2009
-
أحبائي الافاضل .... أرجو من الله عزوجل ان تكونوا بخير وأتم عافية..
أخواني سؤالي هو .. هل من الممكن ان اغير المدينة بعد وصولي داخل حدود نفس الولاية ام لا يمكن هذا الا بعد اتمام فترة المساعدات مع المنضمة ؟
أرجو من الاحباء الذين لديهم معلومة بهذا الخصوص ان يرفدوني بها مع فائق شكري ...
الموضوع مجرد فكرة لاحتمالية ان تطلع المدينة او المنطقة عند الوصول مو زينة فحتى الواحد يعرف خياراته شنو ويتصرف على أساسها
تمنياتي للكل بدوام الموفقية والنجاح
امنياتي الحلوة
-
حبيبي الغالي البحار هو يصير وحسب تجربه احد الاخوان انه اول موصل المطار راد ان
يغير المدينه وانطاهم عنوان احد الاشخاص الذي يعرفهم للسكن في المدينه التي يعيش بها ولكن
بهذه الحاله راح يخسر من مساعدادته ما صرف عليه من استعدادات لاستقباله
(ايجار طعام مستلزمات اخرى) بالاضافه الى ان اجور النقل والسكن سيكون على حسابه الى
ان يتم استكمال نقل الاوراق بين قوسين الشغله لا تخلوا من التعقيد (داجه )
تحياتي
-
لا اخي العزيز عكعك هو يقصد منطقة مو ولاية لانه اذا يريد يغير المنطقة عادي كلشي ما يتغير بالنسبة للمساعدات واي حقوق اخرى بس اذا غير الولاية لازم بعد انتهاء المدة هاي اذا قصده المنطقة مو الولاية ؟
-
بالضبط انجي قصدي على سبيل المثال وصلت والمنطقة والمدينة تعبانة يصير اغير واقوللهم للمنظمة اني اريد اروح لمنطقة ثانية بس طبعا بنفس الولاية ...؟؟؟ ..... و شلون ...؟؟؟
امنياتي الحلوة
-
عادي اخي تكدر تغير اي منطقة تريد وانت هم راح تبقى على نفس المنظمة ما راح تتغير اي شي اخي عادي لانه بس الولاية اذا غيرتها راح تتغير المنظمة او اذا تكون المنطقة بعيد كلش عن المنظمة الي هي كانت مسؤولة عنك راح يحولوك الى غير منظمة بس اذا قريبة المنطقة عادي ما راح يتغير اي شي اطمئن
-
اخي البحار عندنا اخونا العزيز ابن بغداد هو هم غير منطقة مالتة قبل فترة تكدر تساله وتتاكد من كلامي وهو هم راح غير منطقة لانه السكن الي كان ساكن بيها مع شخص اخر طلع من الشقة وهو ما يكدر يدفع كل الايجار لوحده من هيجي غير المنطقة وراح سكن بغير منطقة وبقت نفس المنظمة هي المسؤولة علية تكدر تراسل له وتتاكد من صحة كلامي
-
اشكر ك اخت انجي على مداخلتك واني قصدت بجوابي مدينه اخرى وليس ولايه اخرى لان اخويه البحار كاتب ( اغير المدينه عند وصولي ولم يكتب المنطقه) جائز الصيام ماثر عليه شويه ويجوز اني هم ماثر عليه ومفتهمت قصده
اخويه اذا المنطقه معجبتك تكدر متوقع على الاوراق بس ايضا راح تكون المساله معقده وانته وشطارتك ويه المنظمه لان هي مهيأه لك ايجار شقه ومستلزمات لاستقبالك وقد تكون دافعه ايجار الشقه لعده شهور واذا صارت ايضا راح تخسر جزء من المساعدات التي خصصت لك وانشاء الله الاخوه الي عدهم تجربه بلكي يجاوبون عليك
تحياتي
-
لا حبي عكعك اني الاحتمالين اريد اعرف امكانيتهم ( المدينة والمنطقة ) والاثنين يكونون بحدود الولاية بالتاكيد ..
والله الي مأثر عليه هو سنوني ..
امنياتي الحلوة
-
حاله مشابهه حدثت مع الاخ سبع صنايع
ولكن الاخ سبع صنايع عنده كفيل فبقى يم الكفيل الى ان اجر شقه بنفس مجمع كفيله و خل من جيبه 80 دولار فرق ايجار الشقه القديمه وقام بنقل ما استطاع من التجهيزات من المكان القديم الى الجديد
راجع موضوع الاخ سبع في الارشيف يمكن فيه تفاصيل اكثر
بالتوفيق للجميع
-
السلام عليكم ...
حبيبي البحار اني اللي اعرفة اذا تريد تغير من مدينة لمدينة اخرى داخل نفس الولاية .. لازم من توصل للمدينة اللي معجبتك (وانشالله تعجبك) بس نفرض معجبتك لازم تتصل بالمنظمة اللي بالمدينة اللي تريد اتحول الهة تقبل تستقبلك لو لا .. اذا تقبل اوكي .. واذا متقبل .. تروح عليك المساعدات ....
اما اذا تريد تغير المنطقة بداخل نفس المدينة ...فهذا الشي عادي لان المنطقة داخل نفس المدينة بس تبقى مسالة البعد عن المنظمة..
واتمنى لك كل التوفيق وكااااااااااااااافي نضاااااااااااااال من هسة متفاول على نفسك تريد تناضل هههههههه
تحياتي حبيبي وبالتوفيق
اخوك بالنضال
اوديسوس
-
الغالي شو الورد .. تسلم حبي شفته للموضوع مال الاخ سبع صنايع بارك الله بيك واتمنالك الموفقية
صدبقي الغالي اوديسوس ... عاشت ايدك خوش معلومة ... واحنا مكتوب علينا النضال حتى وان لم ننتمي ... تحياتي حبي
امنياتي الحلوة
-
اخويا البحار حسب ماعرفت من اهلي بكاليفرونيا انه هي جميلة جدا بكل مناطقها بس حاليا المشكلة بيها قلة العمل بس الي يعرف لغة ممكن يلكي شغل وهاي صور هدية الك من كاليفرونيا سان دياغو
-
تسلمين اختي ناردين على هاي المعلومة و الصور الحلوة ... ان شاء الله يوم سفركم القريب
امنياتي الحلوة
-
أخوية العزيز....
مثل ما كالوا الأخوان أذا المنطقة بنفس الولاية وقريبة من المنظمة يمكن تغيرها بأي وقت بس بالأتفاق مع المنظمة لأن همه صارفيلك كلشي من توصل فمن الأحسن أختيار منطقة قريبة ولا تدوخ راسك .....
أما بالنسبة لتغير الولاية أو غير مدينة فهاي راح تشلع كلبك وحتى المساعدات تروح منك لأن راح تضطر للبحث عن منظمة جديدة
تحياتـــــــــــــــــــــــــــــــــــــــــــي
-
اخويه البحار لا تغير منطقتك لان انته البحار وهيه منطقتك طلعت هم كبال البحر
وخاصتا اني عرفت انو بيه مميزات عضيمه من الصعب ان تتواجد في جميع الولايات
الله ينطي جوز لماعنده سنون
همر
-
أخوية العزيز همر .. موهاي المميزات الي ذكرتها يرادلها امكانيات بالمقابل مووو بالله ...؟؟؟ واني اخاف ما ادبرها ...
امنياتي الحلوة