ankawa
منتدى الهجرة واللجوء => الهجرة و واللاجئين => الموضوع حرر بواسطة: بت بطوطة في 20:55 03/09/2009
-
تحية معطرة بأريج الورد على الجميع ورمضان مبارك عليكم ...
اخواني الاحبة مثل ما تعرفون اني بانتظار قرار لم الشمل لزوجي ... واليوم اتصل بيه المحامي وكال وزارة الهجرة تريد الجواز الاصلي مال زوجج قبل 15-9 وبصراحة اني ماكدر اقدم جوازه الحالي لان بيه فيزة انكلترا واخاف تصيرلي مشكلة .. فطلبت من زوجي ان يسوي بدل ضائع ومن راح للجوازات كلولة صدر قرار جديد انه الجواز اذا ضايع تنحرم من السفر لمدة سنة!!!
اتمنى مساعدتكم اذا احد يعرف جماعة بالجوازات ببغداد يستفسرلي عن هالموضوع يعني اريد اعرف هل توقف اصدار الجواز جي لو شنو؟؟ زين اذا يتلف الجواز ويروح يقدم على واحد جديد شنو الاجراء وهل بيهة تاخير وعقوبة الحرمان من السفر مثل بدل الضايع ؟
اشكر مساعدتكم مقدما وتعذروني عالاطالة بس ماعندي وقت واي تأخير مو بصالحي
تقبلو تحياتي
-
والله آني مفتهمت , لم شمل من العراق ليادولة ؟ وعلى اي طريق صار لم الشمل ؟
-
اخ بغدادي حقك والله اني اسفة دخلت بالموضوع بدون مقدمات
اني بايرلندا ودسوي لم شمل لزوجي بالعراق واني اجيت وحدي يعني مو عن طريق الامم المتحدة
مشكور
-
تحيه طيبه اختي العزيزه واتمنالك التوفقيق ولم شملكم باسرع وقت
اختي كلام الجوازات صحيح اذا ينفقد جواز G يتغرم ولايستطيع ان يستخرج بدل ضائع الا بعد سنه وهذا الكلام سمعته من السفاره العراقيه بمصر
اما اذا تقصدين الفيزه موجده بجواز غير ال G فيستطيع ان يستخرج جواز G ولكني لااملك معلومات حول استخراجه بهذه الايام ولكني سمعت انه توجد بعض الصعوبات باستخراجه حاليا والله اعلم ولكن
لاشيء مستحيل في العراق وانشاءالله الاخوه بالعراق يمدون لك المساعده ولا املك لك الا الدعاء بالفرج
تحياتي
-
إنتي بأيرلنده مقيمة , يعني لازم يكون عنج عمل يغطي مصاريف الزوج , وسكن , توفين هذني الشرطين ذاك الوكت تكدرين تسوين لزوجج لم شمل حتى لو جان بجوازة ألف فيزة , مالهه علاقة .
-
اختنا العزيزة بت بطوطة
يعني زوجج ابد ماعندة عرف ولا احد يسويله جواز جديد يعني كلش مسدودة ؟؟؟
حسب ماسمعت قبل فترة كان هناك تشديد جدا قوي على الفساد ولكن جماعتنا لازم بيهم فد واحد بعد ة يشتغل من جوة العباية ممعقولة بلحظة صارو كلهم شرفاء ,, موو ؟؟
الا اذا الوضع تغير جذريا وصارت تعليمات جديدة لان القديمة فقط غرامة واعلان بلجريدة حسب علمي
تحياتي
-
مشكور اخوية الغالي عكعك اعرف انت ماتقصر ..بالنسبة لزوجي حاليا عنده جاوز جي نافذ بس بيه فيزة انكلترا لان اذا انتبهو عليهة هنا بايرلندا تصير موخوش شغلة واني ماريد مشاكل وتأخير
تحياتي الك وهاي بركات سؤالك عني ذاك اليوم وجهك جان خير عليه راسا تحركت شغلتي وانشالله تكمل على خير بوجودكم
-
اخوية بغدادي اني اخاف من ذولة يردولهم حجة واني مظلمتهة عساس زوجي ماعندة جواز اصلا هالنوب اجيبلهم جواز بيه فيزا ام السنتين ؟؟
-
ابو محمد العزيز وجودك نورنا ...
اخوية ابو محمد هذا الحجي من 3 اشخاص بالجوازات يعني زوجي يريد يسويه عن طريق جماعة عرف بفلوس ومداتصير وخايفة لا يأخرونا من ورة النزاهة الغفلاوي مالتهم
تقبل تحياتي
-
زين اتفقوا ويه واحد من الجوازات تسوون بدل تالف , أسهل بهواية , لأن بدل الضايع مشكلة , إعلان بالجريدة وسوالف طويلة .