ankawa
منتدى الهجرة واللجوء => الهجرة و واللاجئين => الموضوع حرر بواسطة: Tik Tak Tik Tak في 17:19 04/09/2009
-
مرحبا اهلي العراقيين ...قبل شويه اتصلت موضفه التوطين و قالت انو ملفكم اتحول من الوفد الامريكي الى الوفد الالماني ...... المشكله ماعندي اي فكره عن الوفد الالماني ولا نوعيه الاجراءات المتبعه معاهم
وهل الوفد موجود او لا ... اكون ممنونه اذا زودتوني باي معلومه ....
-
اختي العزيزة المانيا ما تقابل على شكل وفد وانما تقبلون بسفارة
هذا الي اعرف والي تتعمل بيه حاليا المانيا لتوطين العراقيين من سوريا والاردن
راح يتم تحويل ملفكم من اليو ان الى سفارة المانيا وتقوم سفارة بالاتصال بيكم للمقابلة
الاجراءات لا تختلف كثيرا ستكون الاسئلة عنكم بصورة عامة ( اي العمر وسكن ودراسة والعسكرية) وعن قضيتكم وانشاء الله يكون كل شي وياكم تمام راح يتصلون بيكم ويبلغوكم على فحوصات وبعدها السفر لكن الاجراءات تكون نوعا ما بطيئة من قبل الالمان وبذات هاي الفترة هي فترة اجازات والي راح تنتهي بحدود نص هذا شهر الى جانب ذلك ارجوا ان تكون اوراقكم ثبوتيه موجودة لان هاي تركز عليه المانيا مثل الهوية او شهادة الجنسية وغيرها
اما تواجد الوفد والي مثل ما كتلج المقابلة تكون بسفارة فهذا ما اعرف
دعائي يتوفيق لك ولجميع الاخوة والاخوات
تايكر
-
بالتوفيق اخي
اللمانيا من ارقى دول العالم ,, اوراح اشوف الخير ,,طور نفسك ,, اهم شي اللغه الالمانيه,,
وانشاء الله تاخذ احسن شهاده
الله يسهل على الجميع
-
تسلم اخويه أبو شهاب .... تدري بالبيت مقهوريين لانو خايفين من عقبه اللغه الالماني .. لكنني فكرت بدخول معهد ((كــوتــه)) لتعليم اللغه الالماني لانو البدايه هناك صعبه و الكل يحجي بلغه غير مفهومه بالنسبه النا .
-
أعرف عن الوفد الألماني أنو هوه من ألمانيا ;D
أتشافه والله أخي كلشي ما أعرف بس أكلك إذا مشت امورك على المانيا أيدك بالدبس , احسن لجوء لجوء ألمانيا, واللغة الألمانية اهناك حتدخل دورة لتعليم اللغة , بيهه مراحل ليحد ماتخلص وتاخذ بيهه شهادة وتدخل سوق العمل.
-
ان شاء الله ما قصرو الاخوان الكرام
-
مرحبا
اختي ارجو توضيح هل تم رفضكم من قبل امريكا لو قبل الرفض حولكم
وهل قابلتم توطين مره اخر في يو ان وهل انت عمان او سوريا وشكرا
-
شكرا لاخوتي الي ردوا ع سؤالي ... وللاخ سمير 1966 .. الاحداث صارت كما يلي
اولا احنا بسوريا -وهاي اول مقابله توطين - اجانا اتصال انو تم تحويلكم ع الوفد الامريكي اكو اشكال وياكم طبعا احنا قلنا اي وفد مايهم المهم اكو سفر ... رحنا و قابلنا بعد يومين و كانت كل المقابله معلومات و رجعنا بخير و سلامه للبيت و ثاني يوم الصبح اتصلت نفس الموظفه الي قابلناها و قالت حولت ملفكم ع الوفد الالماني ((لانو كفيلكم من الدرجه الاولى موجود بالمانيا فشفت المانيا اتناسبكم هل عدكم مانع همين قلنا ماكو مشكله )) و بليل اتصلت اب موظفه بالسفاره الالمانيه اسالها عن الاجراءات الي حتصير ويانا لانو جنا مرتبين وضعنا ع امريكا ... قالت خلال اسبوع اذا ما اتصلت بيج السفاره الالمانيه و حددت وياكم موعد اتصلي بالتوطين و أساليهم ليش ملفي ما واصل السفاره !!!
هذا كل الي صار ويانه
و قالتلي الاوراق المطلوبه هويات الاحوال و شهادات لجنسيه و صور لكل شخص عدد 2 و تقارير طبيه حديثه ((على شرط ان تكون جميع هاي الاوراق مترجمه من مترجم معتمد )) و اغلبهم موجودين اب ساحه المرجا ..وشكرا
-
اختي تيك تاك بالموفقية والله يسهل امركم
واي استفسار اني حاظر بما يخص التوطين بالمانيا
تحياتي
تايكر
-
مرحبا
شكرا على معلو مات بس اطلب من ادري ان يعطيني معلومات عن وفد المانيا وهل مقابله تجري في سفاره المانيا واخص القول الاجراءات في عمان وشكرا
-
عزيزي احوك درس في المانيا لمدة سنتين خلال دراستي الهندسة وكانت هذه السنتين من اجمل ايام حياتي حيث ان المانيا من احسن الدول في العالم من ناحية الناس الطيبين ولي اصدقاء المات كثيرين منذ اكثر من اربعين سنة وانا اتراسل معهم الى الان اما لللغة فليست صعبة اذ انا خلال ثلاثة اشهر صرت بلبل باللغة والى لان انا اتكلمها بعد عودتي منها قبل اربعين سنة اذ يجب عليك ان لا تخالط العرب كثيرا بل خالط الالمان وهم يساعدوك في اللغة وانا لي الان اكثر من اثنا عشر في نيوزيلاندا ودائما احلم في المانيا ولو ان نيوزيلاندا جميلة ولكن يوجد فرق كبير بينها وبين المانيا وعلى كل انا كنت في امريكا وكندا وانكلترا وفرنسا وايطاليا ولم اجد بلد احسم من المانيا فان شاء الله تقبل وتصل الى المانيا وسلامنا لها عند وصولك واتمنى ان تكون اقامتك في مدينتي التي عشت بها وهي اوكسبورك القريبة من منشن ( ميونيخ ) واذا تريد مساعدة باللغة فانا حاضر
-
علئ ماعتقد ان الاخوان لم يقصروا بالردود واي استفسار نحن في الخدمة
اخي تايكر التلكيفي في اي مدينة انتا في المانيا بلكت قريب يمي انا في بون
فراس الدباغ
-
اعزائي الكرام
اذا ردتو اي شزؤال عن المانيا اني حاضر او بالخدمة, ويرجي الكتابة الىى الصفحة لتحويل الرسالة الى,
لانه اني مهتم في شؤون اللاجئيين في المانيا. تقبلو تحياتي
جوسي ناشط في قضايا اللجوء المانيا
-
اخوان من قرائتي لبعض الاخوان مشكورين اني انرفضت من امريكا وقبل 4ايام اتصلو بي بسوريا وكالو ملفك هسه تحول الى منظمه الهجرة العالميه iom على المانيا فاذا ماتصلو بي خلال اسبوع هل استطيع الاتصال بالسفاره اوiom لمعرفه اين الملف ورجاء كم عدد المقابلات والوقت بينهم ولكم جزيل السكر* مازن ابومحمد
-
اخويه مازن جون او هيج اني قريت اسمك
حالك مثل حالي ...اني عندي موظفه بالسفاره الالمانيه اتصلت بيها بس حولوا الملفه مالتي للسفاره ...قالتلي انتظري اسبوع ..اسبوعين اكثر لا تنتظرين و ارجعي ع اليو ان و قوليلهم ملفي لي هسه ماتحول للسفاره !! لانو احنا الفايلات عدنا مو هذاك العدد الجبير و كل الي يوصلنا بنفس اليوم نتصل !! فارجو منك عزيزي انو تنتظر هاي الاسبوعين ... و اذا ما اتصلوا راجع التوطين و استفسر ملفك ليش نايم يمهم ؟؟
ثاني شئ
اتحضر الجوازات و الصور لكل شخص عدد 2 و ((هويات احوال شهادات جنسيه و اذا اكو شهاده وفاه او ولاده لاي فرد من العائله )) و اذا اكو احد مريض بالعائله ((اسم الله )) طلعله تقرير طبي حديث ((مثل التقرير مال الاقامه المرضيه )) بس اتروح لساحه المرجا اكو مترجم معتمد اهناك و اترجم كل هاي الاوراق ....هذا الاجراء جدا جدا ضروري لانو السفاره تتعامل ويه كلشي مترجم للالماني فقط!! وسوي نسخ من كل هاي الاوراق ((انصحك استنساخ(2)من كل مستند عندك ملون افضل )) و خلي الاصلي اب فايل و المستسخ اب فايل
سوي هاي الاوراق و حضرها من هسه و خلي الترجمه لي حد ما يتصلون بيك السفاره او اذا اتريد هسه ترجمها ...
واي شئ يجد عندي راح اكتبه
اقرا الحوارات الي صارت ويه الاخوان ع موضوع المانيا ...بس دوس ع اسمي Tik Tak Tik Takوانشالله تلكه كل الاجوبه ع وضعيه اللاجئين الي في المانيا
والتوفيق من الله للجميع